♫ ♥●••·˙ထွက်ရှိပြီးသော စာအုပ်အချို့˙·••●♥♫
မိုင်တိုင်၂၀
20.jpg
ကြယ်စင်ဆယ့်တစ်
11.jpg
လမင်းရှိုက်သံ
 moon1.jpg
ဆုံမှတ်
11.jpg
မိတော
mitaw2.jpg
moon2.jpg သက်တံ ၁၀စင်း
rainbow.jpg
ကကြိုးနှစ်ဆယ့်တစ်
21.JPG
yellowflowersfront.jpg မိတော
mitaw2.jpg
moon2.jpg
စာအုပ်များကို အွန်လိုင်းမှ ၀ယ်ယူလိုလျှင်..

♫♥●••·˙ကျမစာရေးသူသည်... ဖြစ်ရပ်မှန်၊ စိတ်ကူးယဉ်၊ မျှဝေခံစားမှု များနှင့်... ကောင်းကင်ကြယ်အကြောင်းများလည်း ရေးပါတယ်ရှင်..˙·••●♥♫

♫♥●••·˙My story telling is reshaped by your attentive imagination˙·••●♥♫

February 22, 2009

မှီငြမ်းမှု၊ ကူးယူအသုံးပြုမှုတွေ ပြုကြရာဝယ်..

Filed under: ဆောင်းပါး — အိမ့်ချမ်းမြေ့ @ 1:11 am

ဒီပိုစ်ကိုရေးရန်၊ မ ရေးရန်ကို စဉ်းစားခဲ့တာ လနဲ့ချီခဲ့ပါပြီ။ ဘာဖြစ်လို့လဲဆိုတော့ လူဆိုတာ (ကျမ အပါအ၀င်) ဘယ်သူမှ အမှား မကင်းကြသူများမို့ ရိုးသားစွာ မှားယွင်းမိသော လူငယ်များ၊ Copy right law, plagiarism စသည်များကို တိတိကျကျမသိလို့ (ကျမ ကိုယ်တိုင်လဲ ဒီဥပဒေတွေဒေါင့်စေ့အောင် မသိပါဘူး) လုပ်မိတဲ့လူငယ်များကို ဖိပြီးပြောသလိုဖြစ်မှာစိုးလို့လဲ အချိန်ပေးပြီး စဉ်းစားပါတယ်။ နောက်ဆုံးတော့ ရေးဖို့ဆုံးဖြတ်လိုက်ပါတယ်။ ဒီပိုစ်ကို တင်ရတဲ့ ရည်ရွယ်ချက်က ကိုယ်တိုင်လေ့လာ သင်ယူချင်လို့လည်းဖြစ်ပါတယ်။ အားလုံးရဲ့ ပွင့်လင်းမျှတပြီး ရင့်ကျက်သော အမြင်များကိုလဲ မျှော်လင့်ပါတယ်။ ကျမ ပြောဖူးသလိုပဲ ဒီကိစ္စဟာ ပြန်လည်မျှဝေသူများရဲ့ intention ပေါ်မှာ အများကြီးမူတည်လို့ ဘယ်သူကိုမှ မထိခိုက်အောင် သတိထားရေးနေသည့်အခါ အမှားအယွင်းပါခဲ့ရင် နားလည်ပေးကြရန် ရှေးဦးစွာ ပြောလိုပါတယ်။

မွေးဖွားလာကတည်းက စကားတတ်ပြီး မွေးလာတာမဟုတ်တဲ့ ကျမတို့လူသားတွေ နေ့စဉ်ပြောတဲ့စကားတွေ၊ ရေးသမျှစာတွေဟာ မှီငြမ်းမှု၊ ကူးယူအသုံးပြုမှုတွေနဲ့ မလွဲပါဘူးတဲ့…..

ဒါပေမယ့် ခံစားချက်တွေ၊ ကဗျာတွေ၊ စာတွေ၊ သီချင်းသံစဉ်တွေ၊ စာသားတွေကတော့ တစ်ဦးနဲ့တစ်ဦး ထပ်တူကျနိုင်ဖို့က နဲပါတယ်။ စာပေအနုပညာကို တန်ဘိုးထားသူများဟာ မိမိရဲ့ ကဗျာတွေ၊ စာတွေကို အခြေအနေပေါ်မှာမူတည်ပြီး စိန်တွေ၊ရွှေတွေထက် တန်ဘိုးထားတတ်ကြပါတယ်။ ဘလောဂါအချို့ကဆိုရင် သူတို့ရဲ့ဖန်တီးမှုတွေကို သားသမီးနဲ့တောင် တင်စားပါတယ်။ ကိုယ်ရေးတဲ့စာတွေကို မယူဖို့၊ ယူပြီး ဝေမျှရင်လဲ အနည်းဆုံးတော့ မူရင်းဖန်တီးသူရဲ့ အမည်လေးကို ဖော်ပြပေးဖို့ ထပ်ခါတလဲလဲ ပြောနေကြတာ၊ မိမိရေးတဲ့ စာတွေက သိပ်ကောင်းနေတယ်ထင်လို့၊ မိမိကသိပ်ကြီးကျယ်မြင့်မြတ်နေတာဆိုပြီး အထင်ရောက်လို့တော့ မဟုတ်ပါဘူး။ ကိုယ့်ကဗျာတွေ၊ စာတွေဟာ သုံးမရအောင် ညံ့ဖျင်းနေရင်လဲပဲ အမြတ်တနိုးလေးနဲ့ ဖြစ်တတ်ကြတာ စာရေးသူ၊ ကဗျာရေးသူ အချင်းချင်းလဲ သိပါတယ်။ ဥပမာ.. ရွှေလက်ကောက်တစ်ကွင်း ပျောက်သွားရင် ဆိုင်မှာ ပုံတူပြန်လုပ်လို့ရပါတယ်။ အသစ်ဝယ်လို့ရပါတယ်။ ကဗျာတစ်ပုဒ်၊ စာတစ်ပုဒ်၊ သီချင်းစာသားတစ်ပုဒ်၊ ပန်းချီတစ်ချပ်ပျောက်သွားရင် အဲသလို ထပ်တူကျတဲ့ ကဗျာ၊ စာ၊ သီချင်း၊ ပန်းချီကားချပ်ကို ထပ်တူကျအောင် ထပ်ရေးဖို့ ထပ်ဆွဲနိုင်ဖို့က မလွယ်တော့ပါဘူး။ ဖန်တီးသူရဲ့ ခံစားချက်၊ အခြေအနေ၊ အချိန်က၊ ဖန်တီးမှုတစ်ခုကို လုံးဝ ပြောင်းလဲသွားစေပါပြီ။ ပုံတူတစ်ခု ဘယ်လိုမှ ထွက်မလာတော့ပါဘူး။

အနုပညာကို ဝေမျှခံစားသူတွေကလည်း ကဗျာတွေ၊ စာတွေ ကောင်းလို့ ဝေမျှချင်တယ်၊ ကိုယ့်ဘလော့ဂ်မှာ တင်ချင်ကြတယ်။ အချို့က ရိုးသားစွာ မူရင်းရေးသူကို မဖော်ပြဘဲ တင်မိတယ်။ အချို့ကတော့ သူများစာတွေကို ကိုယ်ရေးသလို လူတွေ ထင်ယောင်ထင်မှားဖြစ်အောင် လုပ်ပြီးတင်တတ်ကြတယ်။

mywinterdream.gif

အပေါ်က စကရင်ရှော့မှာဆိုရင် စာရေးသူဟာ ကျမရဲ့ ဆောင်းအိပ်မက်ထဲက စာသားတွေကို ဖြတ်တောက်ပြီး သူ့စာလေးထဲမှာ ဖြတ်ကပ်ညှပ်ထားပါတယ်။ ကျမ စိတ်ထဲမှာတော့ “သြော်.. သူ.. ငါရေးတဲ့ ဒီစာသားတွေကို တော်တော်လေးကြိုက်နှစ်သက်သွားတာပါလား” လို့ ဖြစ်သွားပါတယ်။ အမှန်ပြောရရင်တော့ ၀မ်းသာမိပါတယ်။ ကျမရဲ့ စာသားအချို့ဟာ စာဖတ်သူအချို့ကို “ထိ” သွားစေတာကို။ ဆက်ပြီး ဒီဆိုက်ဒ်အောက်က စာရေးသူရဲ့ အောက်က စာကို ဖတ်ရတော့ ဒီတစ်ခါ “ထိ” သွားသူကတော့ ကျမ ပါပဲ။ “အခွင့်ရှိစေချင်” ဆိုတာကို ကျမ ၀ိုင်းပြထားပါတယ်။ ဖတ်ကြည့်ကြပါ။

mywinterdream2.gif

ကျမ အဲဒီမှာ စိတ်မကောင်းတော်တော်လေး ဖြစ်သွားတယ်။ ကိုယ်ချင်းစာသွားတယ်။ သူတို့မှာ မြို့ပေါ်ကို တက်လာမှ အင်တာနက်ဆိုတာကို ဖွင့်ကြည့်ဖြစ်တယ်။ ကျမလဲ ရန်ကုန်မှာ အင်တာနက် ထိုင်ဖူးပါတယ်။ ကွန်နက်ရှင်က ကောင်းလိုက်၊ မကောင်းလိုက် ကြုံရဖူးပါတယ်။ ဒီလိုအခြေအနေ၊ အချိန်အခါမျိုးမှာ ကျမရဲ့ စာလေးတွေကို ပြန်လည်ခံစားပြီး ဖြတ်၊ကပ်၊ညှပ် လဲ ကျမ ဘာမှကို မပြောလိုတော့ပါဘူး။ ဒါဟာ ဆယ်ရှစ်နှစ် မပြည့်လောက်သေးတဲ့ ကလေး တစ်ယောက်ယောက်လဲ ဖြစ်နိုင်ပါတယ်။ ကော်ပီရိုက်တို့ ပလေဂျာရစ်ဇင်မ် တို့ကို ဘာမှ မသိသူတစ်ဦးဦးလဲ ဖြစ်နိုင်ပါတယ်။

အောက်မှာ ဖော်ပြထားတဲ့ စာကတော့ ကျမ၏ နှလုံးသည်းပွတ် ချစ်သူ့အိမ် ကလေးကို စာရေးသူ ဘလောဂါမလေးတစ်ဦးက ဖော်ပြပြီး အမည် မထည့်ထားပါဘူး။ သူလဲပဲ ဘာအခက်အခဲရှိလဲ မသိနိုင်ပါဘူး။ သူ့ကို ငဲ့ညှာတဲ့ အနေနဲ့ ကျမ သူ့အမည်၊ ဆိုက်ဒ် အမည်ကို ဖျက်ထားပါတယ်။

chitthuhouse1.gif

chitthuhouse2.gif

(မည်သို့ပင်ဖြစ်စေ… ဒီလိုလုပ်လိုက်တယ်ဆိုရင် ဆင့်ပွားကူးယူ တင်ပြသူဟာ မရည်ရွယ်ပေမယ့် စာဖတ်သူများကို မလေးမစားလုပ်မိသလို ဖြစ်သွားတတ်ပါတယ်။ ဘာဖြစ်လို့လဲဆိုတော့ စာဖတ်သူများဟာ မူရင်းဖန်တီးသူကို သိခွင့်ရှိပါတယ်) အချို့ ဆင့်ပွားဝေမျှသူတွေကတော့ စကားလုံးတွေကို ပြင်ပြီးကို တင်ကြတယ်။ ဒီနေရာမှာ စကားလုံးတွေကို ပြင်လိုက်ပြီဆိုကတည်းက မူရင်းဖန်တီးသူရဲ့ ဆိုလိုရင်းအဓိပ္ပယ်ဟာ အနည်းနဲ့အများ ပြောင်းသွားပါပြီ။ ဒါကို မုရင်းရေးသူတွေအနေနဲ့ မည်သူကမှ နှစ်သက်လိမ့်မယ်လို့ မထင်ပါဘူး။

ကော်ပီရိုက်ဥပဒေဟာ မူရင်းဖန်တီးသူတွေရဲ့ ဖန်တီးမှုတွေကို ကာကွယ်ထားခြင်းဖြစ်ပါတယ်တဲ့…
ကျမ အင်္ဂလိပ်လိုပဲ တိုက်ရိုက်ရေးပြပါတော့မယ်။

According to Copyright.gov: Copyright is a form of protection provided (….) to the authors of “original works of authorship,” including literary, dramatic, musical, artistic, and certain other intellectual works. This protection is available to both published and unpublished works.

ဒီသတ်မှတ်ချက်ဟာ ထုတ်ဝေပြီးသားအရာတွေကော၊ ခုလို အွန်လိုင်းပေါ်က စာတွေပါ သက်ရောက်ပါတယ်။

အွန်လိုင်းပေါ်က စာတွေကို ဘာသာပြန်ကြ၊ ကူးယူဖော်ပြ ကြတဲ့အခါမှာ ဘယ်လိုတွေကိုင်တွယ်ရမလဲဆိုတာ ဒီဆိုက်ဒ်မှာ ဆွေးနွေးထားကြပါတယ်။ (ကျမ ထိုဆိုက်ဒ်ကို ခွင့်တောင်းပြီး အချို့အပိုဒ်တွေကို ပြန်ရေးပြထားပါတယ်)

ဘာဖြစ်လို့လဲဆိုတော့ ကျမ ဟာ ဘာသာပြန်ဖူးပါတယ်။ အော်ဝဲလ်ရဲ့ ဆင်ပစ်ခြင်း ကျမဆိုက်ဒ်မှာ တင်ဖူးပါတယ်။ ကျမ ဘာသာပြန်တိုင်းလဲ မူရင်းစာရေးသူများကို အမြဲဖော်ပြပါတယ်။ များများလဲ မပြန်ဖြစ်ပါဘူး။ မပြန်နိုင်တာကော၊ ကိုယ့်ခံစားချက်မဟုတ်တော့ မြန်မာစာ ထောက်နေတာကော၊ ကိုယ့်ဟာကိုယ်ရေးတာ ပိုအားသန်လို့ကော စတဲ့အချက်တွေကြောင့်ပါ၊ ဘာရယ်မဟုတ်ပါဘူး။ ပညာရှင်များရဲ့ အနှစ်နှစ်အလလက research လုပ်ထားတာတွေ၊ စာရေးဆရာ အော်ဝဲလ်ရဲ့ ခံစားချက်တွေကို ကျမ ရှာဖွေတွေ့ရှိတဲ့ပုံ၊ ခံစားရေးဖွဲ့ထားတဲ့ ပုံစံမျိုး မလုပ်ပါဘူး။ ဒါပေမယ့် စည်းမျဉ်းစည်းကမ်းတွေအရ ဒီလိုတောင် မလုပ်ရဘူးဆိုပါတယ်။ ဒါတွေဟာ unauthorized translation တွေဖြစ်ပါတယ်တဲ့။

ဒီနေရာမှာ fair use ဆိုတာ ပါလာပါပြီ။ အချို့ဘာသာပြန်သူတွေဟာ အမြတ်အစွန်းမရဘဲ ဝေမျှရုံတင်ကြပါတယ်။ ဒါပေမယ့်လည်း တစ်ချိန်ချိန်မှာ အမြတ်အစွန်းရလာတဲ့အခါမှာ (ငွေကြေးနဲ့ပဲ တိုင်းတာလို့ မရတဲ့ အမြတ်အစွန်း — ဥပမာ၊ ကျော်ကြားမှု၊ လူအထင်ကြီးခံရမှု) ဖြစ်လာတဲ့အခါမှာ မူရင်းစာရေးသူတွေဟာ လိုင်စင်ခတောင်းခွင့်ရှိနိုင်ပါတယ်တဲ့။ ဒါမှမဟုတ် သူတို့ရဲ့ အမည်များကို မိမိဆိုက်ဒ်မှာ တင်ခိုင်းလာနိုင်ပါတယ်တဲ့။ တစ်ကယ်တော့ ဘာသာပြန်တဲ့ နေရာမှာ သုံးလေးပိုဒ်ကိုသာ ပြန်ခွင့်ရှိပြီး ကျန်တာတွေကို လင့်ခ်နဲ့ ဖော်ပြကြဖို့ အကြံပေးကြပါတယ်။ ကိုယ်နဲ့ မူရင်းစာရေးသူနဲ့ နှစ်ဦးသဘောတူချက်ရှိတယ်ဆိုရင်တော့ ဒါဟာ ချွင်းချက်တစ်ခု ဖြစ်ပါတယ်။

ဒီနေရာမှာ ကျမ တော်တော်လေးတွေးမိပါတယ်။ မြန်မာပြည်မှာ ဘာသာပြန်ဝတ္ထုတွေ၊ နောက် အမျိုးသားစာပေဆုရတာတွေ။ ကျမ လိုက်လို့မမှီတော့ပါဘူး။ ဘာသာပြန်ဆရာကြီး၊ ဆရာမကြီးများဟာ မူရင်းစာရေးသူတွေနဲ့ စကားပြောပြီး၊ ခွင့်ရပြီးမှ ဘာသာပြန်တာလား၊ အမြတ်အစွန်းတွေကိုခွဲဝေယူသလား ကျမ မသိပါ။ သူတို့ ဘာသာမပြန်ရင်လဲ ကျမ တို့လူမျိုးတွေ၊ အထူးသဖြင့် အင်္ဂလိပ်စာမတတ်သူတွေဟာ လေထန်ကုန်းလို စာတွေကို မဖတ်ကြရတော့ဘူးလား။ နိုင်ငံခြားစာပေတွေကို မသိရတော့ဘူးလား။ unauthorized translation တွေ မလုပ်ရလို့.. အင်္ဂလိပ်စာတတ်သူ၊ စာတတ်ပေတတ်၊ ပညာတတ်တွေပဲ ဒီလိုစာတွေကို ဖတ်ကြရတော့မှာလား၊ စသဖြင့် တွေးမိပါတယ်။ ဒီလိုမျိူး မိမိ လူမျိုး စာပေဗဟုသုတ ပြည့်ဝရေးဘက်ကတွေးရင်၊ ရှိသမျှ စာအုပ်ကောင်းတွေ (စာပေ၊ နည်းပညာ၊ ဆောင်းပါး) တွေကို တတ်နိုင်သမျှ အကုန်ဘာသာပြန်ပြီး အမြတ်အစွန်း၊ အမည် မယူဘဲ အကုန်ဝေမျှချင်စိတ်ပေါက်လာကြမှာပါပဲ။ ဒါပေမယ့် ငါ့တိုင်းပြည်၊ ငါ့လူမျိူး၊ ငါ.. ငါ.. ငါ.. မတွေးဘဲ မူရင်းစာရေးသူတွေ၊ အနှစ်နှစ်အလလ ရှာဖွေလေ့လာပြီးမှ စာအုပ်ထုတ်ထားသူတွေ ဘက်ကကော ဘယ်လိုခံစားရမလဲလို့ တွေးမိဖို့လဲ လိုပါတယ်။ (ဒီနေရာမှာ ကျွမ်းကျင်သူများရှိပါက ကျမကို မြန်မာနိုင်ငံ ဘာသာပြန်စာပေအသင်းအကြောင်း အနည်းငယ် ဝေမျှပေးစေလိုပါတယ်ရှင်။)

ဒါဆို.. ကျမတို့ ဘာလုပ်ကြမလဲ…. ခုလောလောဆယ် အွန်လိုင်းတွေပေါ်မှာ၊ အထူးသဖြင့် အခြားဆိုက်ဒ်တွေကနေ ၀တ္ထုပဲဖြစ်ဖြစ်၊ ဆောင်းပါးပဲဖြစ်ဖြစ်၊ ကဗျာပဲဖြစ်ဖြစ်၊ နည်းပညာပဲဖြစ်ဖြစ်၊ ဘာသာပြန်ကူးယူဖော်ပြရင် ဘယ်လိုလုပ်ကြရမလဲ…

သူတို့က အကြံပေးပါတယ်။

ငွေကြေးအမြတ်အစွန်းလုံးဝ မယူရပါဘူးတဲ့။

စာတစ်ခုလုံးကို ဘာသာမပြန်ရပါဘူးတဲ့။ သူများစာတစ်ပိုဒ်ပေါ်မှာ criticism ပဲလုပ်လုပ်၊ review ပဲလုပ်လုပ်၊ ၀တ္ထုတစ်ခုလုံး၊ ဆောင်းပါးတစ်ခုလုံးကို မလုပ်ရပါဘူးတဲ့။ အွန်လိုင်းပေါ်မှာပဲ ဖြစ်ဖြစ်.. အကုန်လုံးကို လုံးဝ ဘာသာမပြန်ရပါဘူးတဲ့။ ပြန်ချင်ရင် ကော်ပီရိုက်ကို ကိုင်ဆောင်သူကို ဆက်သွယ်ရပါမယ်တဲ့ (အော်ဝဲလ်ရဲ့ မြေးကို ကျမ မရ၊ ရအောင် ဆက်သွယ်ရတော့မယ်ထင်ရဲ့)

မူရင်းစာရေးသူကို လူတွေ မြင်သာထင်ရှားတဲ့ နေရာမှာ ရှင်းလင်းစွာ ဖော်ပြရမယ်တဲ့။ ကိုယ်ရေးသလိုလိုနဲ့ မူရင်းစာရေးသူကို ဖော်ပြတယ်ဆိုရုံ ချောင်လေးထဲမှာ သေးသေးလေး ကပ်ထားတာမျိုး မလုပ်ရပါဘူးတဲ့။

ဒီလိုအချက်တွေ လိုက်နာတယ်ဆိုတာတောင်မှ ဘာသာပြန်သူဟာ မိမိကိုယ်ကို fair user လို့လဲ ယူဆလို့ မရသေးပါဘူးတဲ့။

ဒီလိုနဲ့ အထက်ဖော်ပြထားတဲ့ ဆိုက်ဒ်မှာ ဆွေးနွေးချက်တွေက စာမျက်နှာ နှစ်ဆယ်ခန့်ရှိလာပါတယ်။ ဆက်သာဖတ်ကြည့်ကြပါတော့ရှင်။
မည်သို့ပင်ဖြစ်စေ.. အွန်လိုင်းပေါ်မှာ စာရေးနေသူများ အားလုံးကို ကိုယ်စားပြုပြီး မပြောနိုင်ပေမယ့် ကျမ အနေနဲ့ကတော့ ကျမ စာများကို ကူးယူဖော်ပြမည်ဆိုပါက ဖြတ်တောက်ခြင်း၊ ဖြည့်စွက်ခြင်း မပြုလုပ်ရန် နဲ့ အိမ့်ချမ်းမြေ့ အမည်လေးကို မြင်သာတဲ့ နေရာမှာ ဖော်ပြပေးပါရန် တောင်းပန်အပ်ပါတယ်။ ခွင့်တောင်းစရာလဲ မလိုပါဘူး။ စာပို့စရာလဲမလိုပါဘူး။ ကျမ အမည်လေးထည့်ပေးရင် ကျေနပ်ပါပြီလို့ လေးစားစွာနဲ့ ပန်ကြားရင်း ဤရှည်လျားလှသော ပိုစ်ကို အဆုံးသတ်လိုက်ပါတယ်ရှင်။

hut1.png



29 Comments »

  1. မလေးရေ ရေးသင့်တဲ့ ပို့စ်လေးပါ။ မူပိုင်ခွင့်တွေနဲ့ ပတ်သက်ပြီး အပြစ်တင်ဝေဖန်တာမဟုတ်ပဲ အပြုသဘောဆောင်တဲ့ သတင်းအချက်အလက်တွေ ကိုယ်သိသမျှ ဗဟုသုတ ဝေမျှဖို့ အတွက် ဆက်ပြီး အသေးစိတ် ဆောင်းပါးလေးတွေ ရေးချင်တဲ့ ဆန္ဒရှိပါတယ်။ တချို့တွေက နည်းနည်းလေး စတာနဲ့ အပြစ်တင်မလို့လား လို့ defensive ဖြစ်ပုံပေါ်တာနဲ့ ချိန်နေတာပါ။ fair use နဲ့ limitation & exception တွေအကြောင်းကို ပြောပြချင်ပါတယ်။
    အဆင်ပြေရင် တပတ်တကြိမ် ဖြစ်ဖြစ် နှစ်ပတ်တကြိမ်ဖြစ်ဖြစ် ဘလော့ဂ်မှာ ဆက်ရေးဖို့ စဉ်းစားနေပါတယ်။

    Comment by ပန်ဒိုရာ — February 22, 2009 @ 2:00 am

  2. အဲ… မလေး… ညီမနဲ့သူငယ်ချင်းတယောက်ပေါင်းပြီိး ဘာသာပြန်နေတဲ့ Blog တစ်ခုရှိတယ်..။ မူရင်းကဂျပန်လိုပါ..။ အဲဒီစာအုပ်ကို English လိုပြန်ထားတဲ့ Blogတွေဖတ်ပြီး ညီမနဲ့သူငယ်ချင်းက ကြိုက်တာနဲ့ မြန်မာလိုပြန်ဖို့ဆုံးဖြတ်ပြီး ပြန်ကြပါတယ်..။ English လိုပြန်ထားတဲ့ blog ပိုင်ရှင်တွေဆီတော့ မပြန်ခင်ကMail ပို့ပြီးခွင့်တောင်းထားပါတယ်..။ မူရင်းဂျပန်ကောပီရိုက်ကိုင်ဆောင်သူကိုရဲ့ ခွင့်ပြုချက်မရှိတော့ Credit ပေးထားပေမယ့်လည်း ကော်ပီရိုက်ဥပဒေငြိနေပြီထင်တယ်..။ ဘယ်လိုဆက်လုပ်ရပါ့ :( “ညီမတို့ရဲ့ Blogကို မလေးအားရင်နည်းနည်းတောအကြံပေးပါဦးနော်… http://diary-with-tears.blogspot.com ပါရှင့်..

    Comment by Phu Phu + နှင်း — February 22, 2009 @ 2:16 am

  3. သူတို့တွေလည်း ငြင်းခုန်နေကြဆဲပါပဲ။ လောလောဆယ် ပြောနိုင်တာက တခုပါပဲ။ ဥပဒေဆိုတာ လူ့အဖွဲ့အစည်းရဲ့ လိုအပ်ချက်အရ ပေါ်ပေါက်လာခဲ့ပါတယ်။ လက်ရှိ သတ်မှတ်မှုတွေဟာ လူ့အဖွဲ့အစည်းရဲ့ လိုအပ်မှုတွေနဲ့ မကိုက်ညီနိုင်တော့တဲ့အခါ လိုက်လျောညီထွေ ဖြစ်လာသင့်တာပါပဲ။ တိုးတက်နေတဲ့ နည်းပညာကိုလည်း ထည့်စဉ်းစားပြီး အကျိုးစီးပွားမတူကြတဲ့ အုပ်စုအသီးသီးအတွက် အဖြစ်နိုင်ဆုံးတွေကို ပြန်သတ်မှတ်ဖို့လိုတယ်။

    လူသန်းပေါင်းများစွာဘ၀မှာ နေ့စဉ်နေ့တိုင်း နေရင်းထိုင်ရင်း မလွှဲမရှောင်သာ ချိုးဖောက်နေရပြီး အပြစ်ရှိနေရတာကတော့ သဘာဝမကျပါ။ ဗဟုသုတ နည်းပညာမရှိလို့ ဆင်းရဲရတယ်။ ဆင်းရဲပါတယ် ဆိုမှ ဆင်းရဲတွင်းကလွတ်ဖို့ ဗဟုသုတ နည်းပညာတွေကို မတန်တဆ ၀ယ်ယူရမယ် ဆိုတာကလည်း မဖြစ်နိုင်ပါ။

    ကိုယ့်အခွင့်အရေးတွေကို ကိုယ်သိဖို့နဲ့ ပြောရေးဆိုခွင့်ရှိဖို့ ပြောတတ်ဖို့ တော့လိုမယ်။ နိုင်ငံအဆင့်ဆိုရင်တော့ အုပ်ချုပ်သူများက ကိုယ်စားပြုပြီး တာဝန်ပိုရှိသင့်ပါတယ်။ နိုင်ငံတကာ အဆင့်ကျတော့လည်း ဒီလိုပြဿနာတွေ ဖြေရှင်းဖို့ဖွဲ့ထားတဲ့ အဖွဲ့အစည်းတွေက ထိထိရောက်ရောက် လုပ်သင့်ကြတယ်။

    Comment by ပန်ဒိုရာ — February 22, 2009 @ 2:18 am

  4. ရေးသင့်တဲ့ အကြောင်းမို့လို့ ရေးတာပဲဗျာ… ရေးခွင့်ရှိပါတယ်… လိုအပ်ရင်လည်း ဆက်ပြီးတော့ ရေးနေရဦးမှာပါပဲ…

    Comment by အောင်သာငယ် — February 22, 2009 @ 3:26 am

  5. အစ်မ..ပို့စ်ဖတ်ပြီး ချက်ချင်း သတိရသွားလို့ ကျနော့် စာတစ်ပိုဒ် ကူးထားတာလည်းတွေ့မယ်ထင်တယ်
    လိပ်ပြာမသန့်လို့ ဒီမှာတော့ လာပြောတာ အစ်မပို့စ်မှာ ထပ်ပြည့်ချင်လည့်းဖြည့်လိုက်လေနော့် ။
    http://www.maungmyo.co.cc/2008/10/blog-post_15.html ဒီပို့စ်က
    ဒီနေရာမှာ…
    အချစ် နဲ့. အမုန်း မရှိသလို…
    သံယောဇဉ်နဲ့ တိမ်းမူမှုတွေ မရှိဘူး…။
    မနာလိုမှုတွေ နဲ့ ငြူစူမှုတွေလဲ မရှိ သလို…
    ရင်ခုန်သံတွေနဲ့ ကြည်နှုးမှုတွေလဲ မရှိဘူး…။

    က အစ်မရေးထားတဲ့ ဒီနေရာမှာ ကဗျာက ကျနော် ယူသုံးလိုက်တာပါ ကျနော် ရေးထားတဲ့ ကဗျာနဲ့ တိုက်ဆိုင်နေတာကော နောက်တော့ အစ်မ ကဗျာကို ချက်ချင်း သတိရသွားလို့ ကူးယူလိုက်တယ် နာမည်ဖော်ဖို့ကျ ကျနော်ေ၇းထားတဲ့ အဲ့ပိူ့စ်က ရိုင်းတဲ့ ဘက်ကို ရောက်နေတဲ့ အတွက်ကြောင့်ပါ ။ အစ်မ ရဲ့ နောက်ဆုံးပို့စ်မှာပဲ ဖြစ်ဖြစ် ထပ်ဖြည့်ချင်လည်း ဖြည့်ပါ ဒါမှမဟုတ် ကျနော့် ဘလော့မှာပဲ တင်ပြီး ပြန်ရှင်းပြရမလား ပြောနော့် ။ ဒီတိုင်းကြီး ငြိမ်နေရတာ ခိုးထားပြီး မသိဟန်ဆောင်နေတယ် လို့ ခံစားရလို့ ။
    အဲ့တုန်းကတော့ ဒီလောက်ထိ ကိုယ့်ကိုယ်ကို စာရေးသူရဲ့ ဦးနှောက်ဖောက်စားသလိုဖြစ်မိမယ်ဆိုတာ တကယ်ကိုမသိခဲ့တာတော့ အမှန်ပဲ ခုတော့ အပြစ်ကြီးကြီး တစ်ခု ကျုးလွန်မိပြီး ၀န်ခံဖြေရှင်းတောင်းပန်ဖို့ အသင့်ပါ ကြောင်ခေါင်းဖြတ်စက်နဲ့ ဖြတ်စေဆိုလည်း ခံပါ့မယ် ထပ်ဖြည့်လိုက်နော့် အစ်မ ကျေးဇူးပါ ဒီပို့စ်က ဗဟုသုတ တော်တော် ရစေပြီး အကျိုးရှိတာတော့ အမှန်ပါပဲ ။

    Comment by မောင်မျိုး — February 22, 2009 @ 3:36 am

  6. ပန်ဒိုရာ.. မပန်ရေးမယ်ဆိုတာ ကောင်းတယ်။ မလေးအပါအ၀င် စာရေးသူရော စာဖတ်သူ အားလုံးတွက် အကျိုးရှိပါတယ်။
    Phu Phu + နှင်း .. မူရင်းဂျပန်ကောပီရိုက်ကိုင်ဆောင်သူကို ဆက်သွယ်နိုင်ရင်တော့ အကောင်းဆုံးဖြစ်မယ်ထင်တယ်ညီမလေးတို့။ မလေးလဲ မသိဘူး။ ခရက်ဒစ် ပေးထားတယ်ဆို လုံလောက်လောက်ပါပြီ (ထင်တယ်နော်.. ) မလေးတောင် တင်ထားဖူးတဲ့ ဂူဂဲလ်က ပုံအချို့တွေ အကုန်ထဖြုတ်ရမလိုဖြစ်နေတယ်။ တကယ်စည်းကမ်းလိုက်နာသူဆိုရင် လင့်ခ်ပေးရုံတောင် မရဘူးတဲ့ ပြောတာပဲ ညီမရေ..။ မပန်ဟာ သူရေးရင် နဲနဲဖတ်ကြည့်ပါလား၊ မလေး လဲစောင့်ဖတ်လိုက်ဦးမယ်။ ဟိုဆိုက်ဒ်မှာလဲ သူတို့အချင်းချင်းဆွေးနွေးထားတာတွေလဲရှိတယ်။ အရာအားလုံးက မှုန်ဝါးဝါးတွေပဲ။ အတတ်နိုင်ဆုံးက သူများဟာကို ကိုယ့်ဟာလို လုပ်ပြီး စာဖတ်သူတွေကို မလှည့်စားရင်ဘဲ အဆင်ပြေလောက်ပါပြီ။
    အောင်သာငယ်.. ဒီလိုပဲ ကျမတို့ ကြိုးစားရမယ်ထင်ပါတယ်ရှင်။ မိမိတွက်ကော.. ကလေးတွေတွက်ကော.. နောင် စာပေလောကအတွက်ပါ။
    မောင်မျိုး.. မောင်မျိုး ကို အမ ခွင့်ပေးပြီးသားလေ။ ဒီကိစ္စက မောင်လေးပိုစ်နဲ့လုံးဝ မဆိုင်ဘူး၊ ဘာအပြစ်မှရှိသလိုဖြစ်မနေနဲ့တော့။ မောင်မျိုးလဲ အမဆီက ခွင့်တောင်းသွားတာပဲ။ အမလဲ သဘောတူတာပဲ။ ကြောင်တော့ ခေါင်းမဖြတ်ရဲပါဘူးတော်.. :D

    Comment by မလေး — February 22, 2009 @ 4:05 am

  7. အစ်မရေ ဒီပို့စ်လေးကတစ်ကယ်ကောင်းတယ်..။ အစ်မပြောသလိုဘဲ စာတွေကိုထပ်တူကျအောင်ပြန်ရေးဖို့ဆိုတာ တကယ်မလွယ်ဘူး..။ copyright အကြောင်းတော်တော်လေ့လာရဦးမယ်… ။ ကိုယ့်ရေးထားတဲ့စာကို တစ်ခြားလူကအမည်မဖော်ပြဘဲတင်ထားတာကို တွေ့တဲ့အခါခံစားရတာကို နားလည်ပါတယ်..။ ကျောင်းတုန်းကလည်းအဲသလိုမျိုးပေါ့.. စာစီစာကုံပြိုင်ပွဲလေ.. ကျွန်တော်က ဒုတိယရတယ်.. ပထမရတဲ့လူရဲ့ စာစီစာကုံးကိုမြို့နယ်ရုံးကိုပို့ရမယ်လေ..။ သူကလက်ရေးမလှတော့ ကျွန်တော့်လက်ရေးနဲ့ ပြန်ကူးရေးခိုင်းပြီး တင်ပေးလိုက်တယ်.. ။ အဲဒီတုန်းက တကယ့်ကို အောင့်သက်သက်နဲ့ကူးပေးလိုက်ရတယ်.. (ဆရာမတွေကိုလည်းကြောက်ရတယ်လေ)။

    Comment by Evergreen Phyo — February 22, 2009 @ 5:51 pm

  8. မလေး ရေးသင့်ပါတယ်။ မသိသေးလို့ မှားတဲ့လူတွေလည်း သိသွားတာပေါ့။ ပုံရိပ်လည်း ကိုယ့်စာလေးတွေကို ကောင်းသည် ဖြစ်စေ မကောင်းသည် ဖြစ်စေ တန်ဖိုးထားမှာပါ။ မလေးရဲ့ အပြုသဘော ဆောင်တဲ့ ဝေဖန်ချက်ကို လေးစားပါတယ်။ ဒါနဲ့ အီးမေးလ်လေး ရလားမသိဘူး။ အကြောင်းပြန်ပါဦး။

    Comment by ပုံရိပ် — February 22, 2009 @ 7:33 pm

  9. Evergreen Phyo... ကိုဖြိုးခံစားချက်ကို မလေး နားလည်တယ်။ ဆရာမတွေကလဲ အရှိကိုအရှိတိုင်းလက်ခံနိုင်ရင် ဘယ်လောက်ကောင်းလိုက်မလဲနော်..
    ပုံရိပ် .. မလေး အီးမေးလ် ပြန်ပို့ထားတယ်။ ကျေးဇူးပုံရိပ်ရေ..။

    Comment by မလေး — February 23, 2009 @ 1:40 am

  10. မလေးရေ… ညီမတို့လည်း Ayaနဲ့ တခြားEnglishလိုပြန်တဲ့သူတွေကို Credit ပေးထားရင်အဆင်ပြေတယ်ထင်ပါတယ်.. မအားတဲ့ကြားက ညီမတို့ blogကိုလာလည်သွားတာကျေးဇူးပါရှင်…

    Comment by Phu Phu — February 23, 2009 @ 6:44 am

  11. Pretending as an original author is the worst. Some takes the main cocept from author, polish a bit and use as their own. Actually, they express their lack of characters in this way. :(

    Comment by May Thu San — February 23, 2009 @ 7:24 pm

  12. မမရေ… မမရဲ့ blog လေးမှာဖေါ်ပြထားတာလေးတွေက မှတ်သားလိုက်နာရမယ့် အချက်လေးတွေဆိုတာကို သိခဲ့ရပါတယ်။ မမအားရင်လည်း ညီမရဲ့ စာမျက်နှာလေးကို လာရောက်ပါလို့ ဖတ်ပါတယ်။ အမှားရှိရင် ပြောပြပေးပါနော်။

    Comment by မေတ္တာရောင်ပြန် — February 24, 2009 @ 12:37 am

  13. မင်္ဂလာနံနက်ခင်းပါ မအိမ့်ရေ… ရုံးအသွားဝင်လာတယ်နော်။ အမှားနဲ့ မကင်းကြတဲ့ လူငယ်တွေရဲ့ သဘာဝကို နားလည်ပေးလို့ လေးစားပါတယ်။

    Comment by မေတ္တာရောင်ပြန် — February 24, 2009 @ 6:54 pm

  14. ဒီပို.စ်လေးအတွက်ကျေးဇူးပါ…….

    Comment by တေလေ — March 28, 2009 @ 5:16 am

  15. အမရေ …
    အခုမှ တွေ့တယ်ဗျ ဒီပို့စ်ကလေးကို
    လူက စိတ်ဓါတ်တွေကျ စိတ်ပျက်လက်ပျက်တွေဖြစ်ပြီး ဘယ်မှလည်း မရောက် ဘာမှလည်း မလုပ်နဲ့ ရွာပတ်နေလို့ …
    အွန်လိုင်းက ကိစ္စတွေကိုတော့ ကျွန်တော်လည်း မသိပါဘူးဗျာ။
    အပြင်မှာ သိသိကြီးနဲ့ ခံလိုက်ရတာတွေကိုတော့ ရင်နဲ့အမျှပါပဲ။
    ဟားဟား … အဲလို အော်ရယ်လိုက်တော့လည်း ပေါ့ပါးသွားတာပါပဲလေ။
    ပျော်ရွှင်ချမ်းမြေ့ပါစေ။

    Comment by ကိုဖြိုး — April 1, 2009 @ 8:04 pm

  16. မလေးရေ…… နေကောင်းလား။ ရောင် မရောက်တာ အတော်ကြာပြီ။ အလုပ်တွေမအားတာရယ် စိတ်ရှုပ်နေတာရယ်ကြောင့်ပါ။ အခုမှ လာရင် ဒီပိုစ့်လေးကို ဖတ်ရတယ်။ ရောင် ကိုယ်တိုင် မမနိုင်းနိုင်းစနေ ပိုစ့်ကို မှားသုံးဘူးပါတယ်။ အမှန်တော့ တခါတလေမှာ forward mail တွေက အသုံးဝင်သလို အန္တရယ်ပေးတယ်နော်။
    ခုတော့ ရောင် မသိတဲ့မေးလ်ကို ဖွင့်ကိုမဖွင့်တော့ဘူး။

    ခင်မင်လေးစားလျှက်
    ရောင်

    Comment by မေတ္တာရောင်ပြန် — September 16, 2009 @ 8:26 pm

  17. လာလည်သွားပါတယ်

    Comment by bblackprince8 — October 7, 2010 @ 4:08 am

  18. အင်း…စာရေးဆရာဆိုတာ သူရေးတဲ့စာလေးတွေမှန်သမျှဟာ သူ့ရဲ့သားသမီးလေးတွေလိုပဲ၊ အဲဒိသားသမီးလေးတွေ ဖျောက်ဖျက်ခံရရင် အရမ်းခံစားရတယ်ဆိုတာ ကြားဖူးတယ်၊ ဇာတ်ကောင်လေးတွေဆိုရင် အသက်ဝင်နေတာတဲ့၊ ဟယ်ရီပေါ်တာ ထဲက ဇာတ်ကောင်တစ်ယောက်ကို သတ်လိုက်ရတဲ့ညမှ စာရေးသူ ဂျေကေ ရိုးလင်းဟာ တစ်ညလုံး အိပ်မရအောင် ၀မ်းနည်းနေခဲ့တာတဲ့။အဲဒိလိုပေါ့ ကိုယ့်သားသမီးလေးတွေ သူများခိုးခံရတဲ့အခါ ခံစားရတဲ့ ခံစားချက်ကိုနားလည်ပါတယ်၊ မွေးစားတဲ့သူတွေကလည်း ဘယ်သူ့ထံက ခေါ်ယူမွေးစားတယ်လို့တော့ ကြေငြာသင့်တာပေါ့နော်၊ ဒါပေမယ့် ခေါ်ယူမွေးစားပြီးတော့ သန်းခေါင်စာရင်းပြောင်းခံရတဲ့ ဘ၀တွေလည်း အများကြီးကြုံနေရတာပါပဲလေ၊ လောကမှာ ဘယ်လိုမှ အဆုံးမသတ်နိုင်တဲ့ အရှုပ်အထွေးတစ်ခုပဲလို့ သဘောပေါက်ပါတယ်၊ အေးချမ်းပါစေ။

    Comment by အလင်းအိမ် — June 23, 2011 @ 10:49 pm

  19. နောက်ထပ်တစ်ယောက်က ထပ်ပြီး ထပ်ဆင့်ခံစားတာလား.. ဘာလဲဆိုတာနားမလည်နိုင်စရာ ပို့စ် အသစ်တစ်ခု ထပ်တွေ့ပါတယ်။ စိတ်မရှုပ်ရင် ကြည့်ကြည့်ပါဦး
    http://www.facebook.com/notes/prince-takashi-sako/%E1%80%9A%E1%80%AF%E1%80%94%E1%80%B9%E1%80%80%E1%80%B1%E1%80%9C%E1%80%B8%E1%80%B1%E1%80%94%E1%80%90%E1%80%B2%E1%80%B7%E1%80%A1%E1%80%AD%E1%80%99%E1%80%B9-%E1%83%A6-%E1%83%A6-c/176856122346578

    ဒါလဲ ပုံစံတစ်မျိုးပြောင်းနေတဲ့ *ချစ်သူ့အိမ်* ဆိုတာ မလွဲပါဘူး။

    Comment by May Khine — June 23, 2011 @ 10:51 pm

  20. ဆောရီး..
    မလေး တွေ့ထားပြီးသားဆိုတာ ခုပဲသိလိုက်ရတယ်။ စောစောက ကွန်မန့်နဲ့အခုကွန်မန့် ကို ပြန်ဖျက်ပေးပါ။ ကျေးဇူးနော်။

    Comment by May Khine — June 23, 2011 @ 10:54 pm

  21. မြန်မာပြည်ရဲ့ လက်ရှိအခြေအနေ အရတော့ ဘာသာပြန် စာပေအတွက် မူရင်းစာရေးဆရာက ဘယ်သူဘယ်ဝါပါ ဆိုတာ ဖော်ပြ ပေးရင် ( morally ) လုံလောက်ပြီလို့ ထင်ပါတယ်။ တကယ့် International copy right law standard အတိုင်းလုပ်ဖို့ အခြေအနေ မပေးသေးတာကို နားလည်ပေးသင့် ပါတယ်။

    Online Publishing ( websites, blogs, etc. ) အတွက်လည်း အောက်ထစ် အဲလောက်လေးတော့ ဖြစ်သင့်ပါ တယ်။ ဒါ ဘာမှ အပန်းကြီးတဲ့ကိစ္စလည်းမဟုတ်ပါ။ ( အဲဒီ လောက်မှ မလုပ်တဲ့လူကို ကျနော်တို့ အပြစ်တင်ခွင့် ရှိသင့်ပါတယ်။ )
    ဒီထက် နည်းနည်း ပိုကောင်းတာကတော့ မူရင်းစာရေးသူ ဆီကို စာလှမ်းရေးပြီး ခွင့်တောင်းတာပါ။ ပိုယဉ်ကျေးပြီး ပို ချစ်စရာ ကောင်းတယ် လို့ထင်မိပါတယ်။

    လုံးဝ မလုပ်သင့်တာကတော့ မူရင်းစာရေးသူရဲ့ အမည်ကို ဖျောက်ထားတာ၊ ဒါမှမဟုတ် မထင်မရှား ပါလေကာလေးပဲ ဖော်ပြတာ ပါ။ ဒီထက် ပိုမလုပ်သင့်သေး တာကတော့ မူရင်းစာကို အပိုင်းပိုင်း ခုတ်ထစ်ထားသလို ဖြတ်၊ ကပ်၊ ညှပ် လုပ်ပြီး အားလုံးကို ကိုယ်တိုင်ပဲ ရေးသလိုလို ပုံမှားရိုက်တာပါ။ plagiarism ပေါ့..။ ဒါ intellectual property ခိုးယူမှုပါပဲ။ ဒီလိုလူဟာ တကယ်တော့ သူခိုးတမျိုးပါပဲ။

    ဒီလောက်လေးတော့ အခြေခံအားဖြင့် မိမိရဲ့ common sense နဲ့လိုက်နာသင့်ပြီး ဥပဒေ အတိုင်း တသွေမတိမ်း လိုက်နာနိုင်မယ် ရင်တော့ အကောင်းဆုံးလို့ ထင်မိပါကြောင်း ..။

    Comment by ပြည်ကောင်းအောင် — June 23, 2011 @ 11:04 pm

  22. မေခိုင် — မလေး မေခိုင့်ကွန့်မင့် သိမ်းထားချင်ပါတယ်။ ကျေးဇူး။

    Comment by မလေး — June 23, 2011 @ 11:28 pm

  23. ကျနော့်လဲ တခါတလေ တိုက်ရိုက် ဘာသာပြန်တယ်။ မူရင်းစာရေးသူ နဲ့ မူရင်းစာ ကို အထင်အရှား အတိအကျ ဖော်ပြပါတယ်။ ဒါလဲမူပိုင်ခွင့် က မလွတ်ဖူးနော်..။ နောက် ဆောင်းပါးတွေ၊ စာတမ်း တွေက အနည်းအကျဉ်း၊ အပိုဒ်လိုက်၊ တိုက်ရိုက် (ဒါမှဟုတ်) မှီငြမ်း ဘာသာပြန်တယ်ဆိုရင် ရော…။

    Comment by AATO — June 24, 2011 @ 4:28 am

  24. တစ်ကယ်တမ်း စည်းကမ်းလိုက်နာမယ်ဆိုရင် မူပိုင်ခွင့်ကို​ ၁၀၀% လွတ်ဖို့က တော်တော်လေးခက်မယ်လို့ ထင်ပါတယ်။ သူတို့ စည်းမျဉ်းနဲ့ ကြည့်မယ်ဆိုရင်.. မလေး ကိုယ်တိုင်လည်း ၁၀၀% မလွတ်ဘူး ။ ဒါပေမယ့် မူရင်းစာရေးသူကို အမြဲဖော်ပြပါတယ်။ (ဒါပေမယ့်လည်း It’s not enough) ပါပဲ။

    မလေးထင်တာတော့ ကိုယ်ဝေမျှတာတွေ၊ ကို ဘာသာပြန်တာတွေ မှီငြမ်းတာတွေဟာ ဘယ် source ကလာတာလည်း၊ မူရင်းက ဘယ်သူရေးတာလည်းဆိုတာကို ဖတ်သူတွေ သိခွင့်ရှိတယ် ဆိုတဲ့အသိတစ်ခု ရှိသင့်တာ တစ်ခုပါ။

    စာရေးသူတစ်ဦးဟာ မိမိစာကို ဖတ်သူတွေအပေါ်မှာ သစ္စာရှိဖို့ပါပဲလို့ မလေးတော့ ထင်ပါတယ်။
    မူရင်းရေးသူကို မဖော်ပြဘဲ ကိုယ်မရေးတဲ့စာကို ကိုယ်ရေးသလိုလုပ်ပြီး လူအထင်ကြီးမှုယူတာဟာ စာဖတ်သူတွေကို မထီမဲ့မြင်ပြုတာ (စကားပြင်း သုံးရရင်) စာဖတ်သူကို လိမ်နေတာပါပဲ။
    ကို AATO ရေးထားတဲ့ ဘာလီပိုစ်ဆိုရင် REF: တွေ စုံစုံလင်လင်နဲ့ သေချာစွာဖော်ပြ ဝေမျှထားခြင်းဖြင့် စာဖတ်သူတွေအပေါ်မှာထားတဲ့ စေတနာနဲ့စစ်မှန်မှုကို စာဖတ်သူတွေက တွေ့ပါတယ်။ ဒါ အဓိက ပါပဲလို့ ထင်ပါတယ်။

    Comment by မလေး — June 24, 2011 @ 4:00 pm

  25. မလေး ရှင်းပြတော့ မှပဲ စိတ်ချမ်းသာတော့ တယ်ဗျာ။ :) ဒါပေမယ့် ဒီကိစ္စ ကို အလေးအနက် (အလေးအနက်) ထားရမယ် ဆိုတဲ့ အသိတော့ ရသွားတယ်။ ကျေးဇူးပါ မလေး…။

    Comment by AATO — July 4, 2011 @ 8:20 pm

  26. ကျွန်တော် ဒီလိုဖြစ်မှာစိုးလို့မေးနေတာပါနော်..။တစ်မျိုးမထင်ပါနဲ့
    မအိမ့်ချမ်းမြေ့ရဲ့ “မငိုပါနဲ့ ဧရာဝတီ” နဲ့ ဆရာ ဦးထွန်းလွင်(မိုး/ဇလ)ရဲ့ “The china River Diary”
    ဘယ်သူအမှန်လဲ သိချင်ပါတယ်…။
    naungyoe2022@gmail.com။ နောင်ရိုး။

    Comment by နောင်ရိုး — October 1, 2011 @ 2:27 am

  27. အစ်မရဲ့ “မငိုပါနဲ့ ဧရာဝတီ” ကော ဒီထဲက စာတွေအားလုံးဟာ အစ်မရဲ့ နှလုံးသားထဲက လာတာတွေပါ။ ဒီသတင်းတွေဘယ်ကရလဲဆိုတာတွေပါ လင့်ခ်တွေပါ ပိုစ်ရဲ့အောက်မှာ ဖော်ပြထားပါတယ်။ ဆရာဦးထွန်းလွင်က စာသားတွေကို ဒီအတိုင်းကို ဖတ်/ရေးထားတာလား။ သူက စာပေဟောပြောပွဲမှာ ဖတ်တာလား.. ဝေတာလားဟင်။
    ဆရာဦးထွင်လွင်ကတောင် စာပေဟောပြောပွဲထိ “မငိုပါနဲ့ ဧရာဝတီ” ကိုခေါ်ဆောင်သွားရတယ်ဆိုတော့ ဂုဏ်ယူပါတယ်။ အစ်မ ခုပဲ တွေ့လာပြီ။ ကော့မန့်ထဲကဟာတွေပါ ထပ်ထည့်ထားတာတွေ့တယ် (အစ်မ ကော့မန့်တွေပဲ) ဆရာဦးထွင်လွင်ထိရောက်သွားတာ ၀မ်းသာပါတယ်။ ဒါပေမယ့် အစ်မ နာမယ်လေးကို ထည့်ပေးရင်ကောင်းမယ်။ ခေါင်းစဉ်ကိုလည်းပဲ “မငိုပါနဲ့ ဧရာဝတီ” နဲ့ပဲ ဒီအတိုင်းထားသင့်တယ်။ အင်္ဂလိပ်ခေါင်းစဉ် ဘယ်လိုဖြစ်သွားတာလဲ။ အကြောင်းအရာတွေဟာ မြန်မာလိုရေးထားတာ.. ခေါင်းစဉ်ကျမှ အင်္ဂလိပ်ခေါင်းစဉ်ဖြစ်နေတယ်။

    ဒီစာဟာ အစ်မနှလုံးသားနဲ့ရေးတဲ့စာပါ။

    Comment by မလေး — October 1, 2011 @ 8:03 am

  28. ဆရာမခင်ဗျား-
    ဆရာမဆီကို အခုပဲ ခွင့်တောင်းစာပို့ထားတယ်။ စာပို့ပြီးမှ မူပိုင်ခွင့်အကြောင်း ဖတ်လိုက်ရတော့ နည်းနည်းတောင် တွန့်သွားမိတယ်။
    ဒါပေမယ့် ကျွန်တော်က ရိုးရိုးသားသားခွင့်တောင်းတာပါနော်။ အခြေအနေအရ စာမူခမပေးနိုင်သေးတဲ့အကြောင်း ပွင့်ပွင့်လင်းလင်းပြောပြပြီး
    ဘလော့ဂါဆီက ခွင့်ပြုချက်ရပြီးမှ ကျွန်တော့်စာအုပ်မှာ ထည့်မှာပါ။ ပြီးတော့ အွန်လိုင်းပေါ်ကစာကို ပုံနှိပ်စာလုံးအဖြစ် ပြောင်းမှာဖြစ်ပါတယ်။
    From online to online ကူးချပြီး မျှဝေတယ်လို့ လုပ်မှာမျိုး မဟုတ်ပါဘူး။ ရှေ့မှာ ၀တ္ထုတိုစုစည်းမှုစာအုပ်နှစ်အုပ် စီစဉ်ထားပြီးပါပြီ။ ဘလော့ဂါအားလုံးဆီကိုလည်း
    ခွင့်တောင်း၊ ခွင့်ပြုချက်ရပြီးမှ ထည့်သုံးပါတယ်။ ခွင့်ပြုကြောင်းအကြောင်းပြန်ကြားစာကိုလည်း ဆေ့ဖ်လုပ် သိမ်းဆည်းထားပါတယ် ဆရာမ။

    Comment by နွေမိုး — December 28, 2011 @ 9:53 am

  29. တကယ်လို့copryမိသွားပြီးအပေါ်ကရေးခဲ့တဲ့အတိုင်းလုပ်ခဲ့မိရင်ခွင်လွတ်ပေးပါ။
    m3k

    Comment by မျိုးမြင့်မြတ်မင်းကျော် — March 8, 2012 @ 11:43 pm

RSS feed for comments on this post. TrackBack URL

Leave a comment

Creative Commons License
This work is licensed under a Creative Commons Attribution-Noncommercial-Share Alike 2.5 Canada License.

ကျမစာလေးတွေကို အချိန်ပေးလာရောက်ဖတ်ရှုသော သူများအားလုံးကို ကျေးဇူးတင်ပါတယ်...လို့ ပြောကြားလိုပါတယ်ရှင်။

♫ ♥●••·˙My story telling is reshaped by your attentive imagination˙·••●♥♫
သည်စာမျက်နှာပေါ်တွင်ရှိသော ... ဖန်တီးထားသော စာပေ၊ ဆောင်းပါး စသော အနုပညာနှင့် ပတ်သက်သောစာများ၊ ကျမကိုယ်တိုင်ဆွဲသော မတောက်တခေါက်ပန်းချီများ၊ ဓာတ်ပုံများကို အခြားနေရာတွင် ကူးယူဖော်ပြသည့်အခါတွင် အိမ့်ချမ်းမြေ့အမည်နှင့် ဆိုက်အမည်ကို "မြင်သာထင်ရှားသောနေရာတွင်" ဖော်ပြပေးပါရန် လေးစားစွာဖြင့် တောင်းပန်အပ်ပါသည်ရှင်။

♥♥ ...... ♥♥

တစ်ချိန်တုန်းက အမှတ်တယလေးတွေ....

myfeet4.gif

♥♥ ...... ♥♥

myfeet5.gif

---------------