♫ ♥●••·˙ထွက်ရှိပြီးသော စာအုပ်အချို့˙·••●♥♫
မိုင်တိုင်၂၀
20.jpg
ကြယ်စင်ဆယ့်တစ်
11.jpg
လမင်းရှိုက်သံ
 moon1.jpg
ဆုံမှတ်
11.jpg
မိတော
mitaw2.jpg
moon2.jpg သက်တံ ၁၀စင်း
rainbow.jpg
ကကြိုးနှစ်ဆယ့်တစ်
21.JPG
yellowflowersfront.jpg မိတော
mitaw2.jpg
moon2.jpg
စာအုပ်များကို အွန်လိုင်းမှ ၀ယ်ယူလိုလျှင်..

♫♥●••·˙ကျမစာရေးသူသည်... ဖြစ်ရပ်မှန်၊ စိတ်ကူးယဉ်၊ မျှဝေခံစားမှု များနှင့်... ကောင်းကင်ကြယ်အကြောင်းများလည်း ရေးပါတယ်ရှင်..˙·••●♥♫

♫♥●••·˙My story telling is reshaped by your attentive imagination˙·••●♥♫

October 11, 2007

ရှပ်အကျီ င်္

Filed under: ပြုံးစရာ — မလေး @ 11:45 pm

ကြာတော့ကြာခဲ့ပါပြီ။ ကျွန်မငယ်ငယ်က နေခဲ့တဲ့မြို့မှာ မိန်းကလေးတွေ ရှပ်အင်္ကျီပွပွကြီးတွေနဲ့ ထမီကိုဒူးဖုံးရုံ ၀တ်ကြတဲ့ ခေတ်တစ်ခု ပေါ်ခဲ့တယ်။ မိန်းကလေးတွေ သူတို့အဖေတွေ၊ အကိုတွေ၊ မောင်တွေရဲ့ အင်္ကျီတွေယူဝတ်တဲ့ခေတ်ပေါ့၊ ကျွန်မတို့ လမ်းထဲမှာကလဲ တစ်လမ်းလုံးနီးပါး ဆွေမျိုးတွေ စုနေကြတော့ အမတွေ၊ အကိုတွေ၊ မောင်တွေဟာ တော်တော်ရင်းရင်းနှီးနှီး ကိုချစ်ကြတယ်။ ကြီးသူကိုရိုသေ ငယ်သူကိုလေးစားတဲ့ တစ်ချိန်ထဲမှာ သူငယ်ချင်းတွေလိုလဲဖြစ်နေကြတယ်။ စာအုပ်စာတမ်းတွေ၊ ဖတ်စာအုပ်တွေ၊ လက်ဆင့်ကမ်း သုံးကြတယ်။ ဒါပေမယ့် ဟိုလူဒီလူ အင်္ကျီတွေတော့ ယူဝတ်လေ့ မရှိကြဘူး။

တစ်နေ့တော့ ကျွန်မရဲ့ ၀မ်းကွဲအမတစ်ယောက်က ဗြိတိသျှသံရုံးမှာ စာအုပ်သွားငှားမယ် ဆိုပြီး အဖော်လာစပ်တယ်။ ကျွန်မလဲ အ၀တ်အစားလဲပြီး သူ့ အိမ်ကို ချက်ချင်း လိုက်သွားတယ်။ သူ့ အိမ်ရောက်တော့ သူကဘာ စိတ်ကူးပေါက်တယ် မသိဘူး။ သူ့ အကိုရဲ့ ဗီဒိုကိုဖွင့်ပြီး သူ့ စိတ်ထဲမှာ သဘောအကျဆုံး ရှပ်အင်္ကျီတစ်ထည်ကို ကောက်ဝတ်လိုက်တယ်။ ပြီးတော့ မိန်းကလေးတို့ ထုံးစံအတိုင်း နှုတ်ခမ်းနီ ဘာညာဆိုးတယ်။ ပြီးတော့ ညီအမနှစ်ယောက်သား လိုင်းကားစီးပြီး မြို့ထဲကို ထွက်ခဲ့ကြတယ်။

သံရုံးလမ်းဒီဘက်ထိပ်က လမ်းလျှောက်လာကြတုန်း ခပ်လှမ်းလှမ်းမှာ အဲဒီအကိုနဲ့ သူ့ သူငယ်ချင်း တစ်ယောက်ကို တိုက်တိုက်ဆိုင်ဆိုင်ပဲ မျက်နှာချင်းဆိုင်မှာ လျှောက်လာနေတာ တွေ့လိုက်တယ်။ အနားရောက်တော့ အကိုက ညီမလေးတို့ သံရုံးလာတာလားလို့ မေးတယ်။ မျက်လုံးက အမရဲ့အင်္ကျီကို ကြည့်နေတယ်။ မျက်နှာကလဲတစ်မျိုး ဖြစ်နေတယ်။ အကို့သူငယ်ချင်း မျက်နှာကလဲ မချိုမချဉ် ဖြစ်နေတယ်။ အမကတော့ ဘာမှမသိဘူး ထင်တယ်။ နောက်နေ့ကျတော့ အဲဒီအမ သ်ိခဲ့ရတာကတော့ သူဝတ်ထားတဲ့အင်္ကျီက အဲဒီနေ့က အကို့ဘေးမှာရပ်နေတဲ့ အကို့သူငယ်ချင်းရဲ့ အင်္ကျီဆိုတာကိုပေါ့။ ဒါကို သူက ကျွန်မကို တော်တော်ကြာမှ ပြောပြခဲ့တယ်။
သူသာ စောစော ပြောခဲ့ရင် ခုလို မျက်နှာပူစရာ အဖြစ်တစ်ခု ဖြစ်လာခဲ့မှာ မဟုတ်ဘူး။

ဘာဖြစ်လို့လဲဆိုတော့ ကျွန်မက အထက်တန်းကျောင်းသူကြီး မမကို အားကျပြီး လမ်းထဲက ဆရာ တစ်ယောက်အိမ်မှာ ကျုရှင်တက်တဲ့တစ်နေ့။ ဖေဖေ့ရဲ့အင်္ကျီ တစ်ထည်ကို အပေါ်အင်္ကျီ အနေနဲ့ ၀တ်သွား လိုက်တယ်။ထမီကို အရှည်ကြီး ၀တ်ရတာ သိပ်နှစ်သက်တဲ့ ကျွန်မ…. အဲဒီနေ့က ထမီကိုလဲဒူးဖုံးရုံ ၀တ်သွားလိုက်တယ်။ သနပ်ခါးလိမ်းရမှာတောင် စိတ်ညစ်တဲ့ ကျွန်မ အဲဒီနေ့က နှုတ်ခမ်းအနီရောင် ဆိုးသွားလိုက်တယ်။ အမှန်တော့ အဖေ့ရဲ့ အဲဒီအင်္ကျီကို
ဝတ်ချင်နေတာ ကြာပါပြီ။ အင်္ကျီအရောင်ကလဲ ကျွန်မသိပ်ကြိုက်တဲ့ အရောင်၊ နောက်ပြီး ရှေ့မှာလဲ အိတ်တွေ အများကြီးနဲ့။ ရှေ့တင်မက ဘေးက ခါးချုပ်ရိုးပေါ်မှာပါ အိတ်လေးတွေ ရှိတယ်။ ကျူရှင်မှာလဲ ဂစ်တာတီးဖော် သူငယ်ချင်း မိန်းကလေးတွေသာမက၊ (၁)လမ်းထိပ်က ကျွန်မဦးလေး ဖြစ်သူ ဂစ်တာဆရာဦးအောင်ခိုင့်တပည့် သူငယ်ချင်းယောင်္ကျားလေးတွေကပါ သဘောကျပြီး ချီးကျူး နေကြတာပေါ့၊

“နင့်ကုတ်ကအရမ်းမိုက်တာပဲ၊ဘယ်သူ့ကုတ်အင်္ကျီလဲ” ဆိုတော့….
“ငါ့ကုတ်အင်္ကျီပေါ့ဟဲ့”လို့ ဂုဏ်ယူဝင့်ကြွားစွာနဲ့ ပြောလိုက် မိတယ်။
ဒီလိုနဲ့ ည နဲနဲမှောင်လာတဲ့အချိန်မှာ ဆရာကတော်က ကျွန်မကို သမီးအိမ်က လိုက်လာတယ်လို့ စာသင်ခန်းထဲဝင်ပြီး လာပြောတယ်။ နောက်လှည့်ကြည့်လိုက်တော့ ကားမောင်းတဲ့ ဦးကြီးစန်းရဲ့ သမီးလေးက အတန်းရဲ့နောက်မှာ ရောက်နေတယ်။ သူ့လက်ထဲမှာလဲ ကျွန်မရဲ့ အနွေးထည် အပါးလေး တစ်ထည်လဲ ကိုင်ထားတယ်။ ပြီးတော့ အသံစာစာလေးနဲ့ တစ်တန်းလုံး ကြားအောင် ပြောလိုက်တယ်။

“မမ..မမဖေဖေက အရေးတကြီးနဲ့ အပြင်သွားရမှာမို့ သူ့အင်္ကျီ ပြန်ပေးလိုက်ပါ” တဲ့လေ။

<သောင်္ကြာနေ့၊ မေလ ၁၁ရက်၊ ၂၀၀၆>

5 Comments »

  1. အတွေးလေးတစ်ခုရလိုက်တယ်..

    ကျနော လဲ သူများ အကျီ င်္းကို ခိုးယူဝတ်ဆင် နေမိသလား….
    လူကြား သူကြားထဲ ပြန်အတောင်းခံရရင်…..

    Comment by မိုးထက်နေ — October 12, 2007 @ 12:43 am

  2. ဟီး ဖြစ်ရမယ် .အမ.. အရှက်ကိုကွဲရော ..

    အိလည်း အဲဒီလို ကျုရှင်မှာ အရှက်ကွဲဖူးတယ် .. ဘာလို့လဲသိလား..
    ရှက်လည်းရှက်ပါ၇ဲ့ ဟီး ဒါပေမယ့်ပြောပြမယ် ..

    အိမ်မှာ မေနဲ့ အိနဲ့ က ဖိနပ်ဆိုက်အတူတူပဲ
    မေ့ဖိနပ်တရံက အသားရောင် သဲကြိုး ကို ဒေါက်နဲ့ .. အိက ရိုးရိုးသဲကြိုးဖိနပ် ပန်းနုရောင် အပါး..

    တစ်ရက် Y.E.S ကျုရှင်ရောက်မှ ..လမ်းလျှောက်ရတာ တစ်မျိုးဖြစ်နေပါတယ်ဆိုပြီး ကြည့်လိုက်တော့
    ဟီး အိ ရဲ့ ဖိနပ်တစ်ဖက်နဲ့ မေ့ရဲ့ ဖိနပ်တစ်ဖက်စီ .. အနိမ့်တစ်ဖက် အမြင့်တစ်ဖက် စီးထားတာ သိရတယ်
    အိမ်က အထွက်မှာ မီးပျက်နေတာနဲ့ ကျုရှင်လည်းနောက်ကျနေတာနဲ့ လောကြီးသုတ်ပျာ ထွက်လာတာလေ.. ညှပ်ဖိနပ်ချင်းလည်းတူနေတာကိုး..
    ရှက်လိုက်တာ ..သူငယ်ချင်းမိန်းမတွေဆို ရီလိုက်ကြတာ သိလား .မအိမ့်.
    ဒါပေမယ့်လည်း တတ်နိုင်ဘူးလေ.. အဲဒီအတိုင်းပဲကျုရှင်တက်ပြီး လမ်းလျောက်ပြန်ခဲ့ရတာပေါ့. စကတ်အရှည်ဝတ်ထားလို့တော်သေးတယ် ဟီး..
    ——————————-
    ဒါနဲ့ မအိမ့်လည်း ဂစ်တာတီးတတ်တယ်နော် .. အိလည်း ဂစ်တာတီးရတာ ၀ါသနာပါတယ် .. ကျွမ်းတော့ မကျွမ်းကျင်ဘူး =)

    Comment by အိသူ — October 13, 2007 @ 9:49 pm

  3. မလေး ဟိဟိ ရီရတယ်၊ ရှပ်အင်္ကျီနဲ့ ထမီတိုတို ခေတ်ကို မှီလိုက် သေးတယ်၊ လေပြေကတော့ အဖေ့ဆီက အပိုင်တောင်းပြီးတော့ ကို ဝတ်တာ၊ အခုတောင် သတိရမိသေးတယ် အဲ့ဒီအင်္ကျီလေးကို အရမ်းကြိုက်လို့လေ၊

    Comment by chitlaypyay — October 19, 2007 @ 6:26 pm

  4. ဟားဟား…ဖြစ်ရမယ်။…ကွိ..ကွိ

    Comment by ဒီဝိုင်း — October 21, 2007 @ 8:58 am

  5. အမျိုးသမီးတွေ က အမျိုးသားတွေရဲ့  ဆံပင်ပုံဆံထားလို့ ရတယ် ၊ သူတို့ အကျီ င်္ဘောင်းဘီတွေ လဲ ယူဝတ်လို့ ရတယ်။ သူတို့  တို့ ဆံပင်ပုံစံထားလို့ မရဘူး ၊ တို့  အဝတ်အစားတွေလဲ ယူဝတ်လို့ မရဘူး ..မှတ်ပလား

    Comment by အန်တီ — April 17, 2008 @ 5:21 pm

RSS feed for comments on this post. TrackBack URL

Leave a comment

Creative Commons License
This work is licensed under a Creative Commons Attribution-Noncommercial-Share Alike 2.5 Canada License.

ကျမစာလေးတွေကို အချိန်ပေးလာရောက်ဖတ်ရှုသော သူများအားလုံးကို ကျေးဇူးတင်ပါတယ်...လို့ ပြောကြားလိုပါတယ်ရှင်။

♫ ♥●••·˙My story telling is reshaped by your attentive imagination˙·••●♥♫
သည်စာမျက်နှာပေါ်တွင်ရှိသော ... ဖန်တီးထားသော စာပေ၊ ဆောင်းပါး စသော အနုပညာနှင့် ပတ်သက်သောစာများ၊ ကျမကိုယ်တိုင်ဆွဲသော မတောက်တခေါက်ပန်းချီများ၊ ဓာတ်ပုံများကို အခြားနေရာတွင် ကူးယူဖော်ပြသည့်အခါတွင် အိမ့်ချမ်းမြေ့အမည်နှင့် ဆိုက်အမည်ကို "မြင်သာထင်ရှားသောနေရာတွင်" ဖော်ပြပေးပါရန် လေးစားစွာဖြင့် တောင်းပန်အပ်ပါသည်ရှင်။

♥♥ ...... ♥♥

တစ်ချိန်တုန်းက အမှတ်တယလေးတွေ....

myfeet4.gif

♥♥ ...... ♥♥

myfeet5.gif

---------------