♫ ♥●••·˙ထွက်ရှိပြီးသော စာအုပ်အချို့˙·••●♥♫
မိုင်တိုင်၂၀
20.jpg
ကြယ်စင်ဆယ့်တစ်
11.jpg
လမင်းရှိုက်သံ
 moon1.jpg
ဆုံမှတ်
11.jpg
မိတော
mitaw2.jpg
moon2.jpg သက်တံ ၁၀စင်း
rainbow.jpg
ကကြိုးနှစ်ဆယ့်တစ်
21.JPG
yellowflowersfront.jpg မိတော
mitaw2.jpg
moon2.jpg
စာအုပ်များကို အွန်လိုင်းမှ ၀ယ်ယူလိုလျှင်..

♫♥●••·˙ကျမစာရေးသူသည်... ဖြစ်ရပ်မှန်၊ စိတ်ကူးယဉ်၊ မျှဝေခံစားမှု များနှင့်... ကောင်းကင်ကြယ်အကြောင်းများလည်း ရေးပါတယ်ရှင်..˙·••●♥♫

♫♥●••·˙My story telling is reshaped by your attentive imagination˙·••●♥♫

July 29, 2016

ငါ၏ဦးခေါင်းသည် သွေးတို့ဖြင့် ရဲရဲနီ၏ ညွတ်ကား မညွတ်

Filed under: ကဗျာ (Poems) — အိမ့်ချမ်းမြေ့ @ 2:59 pm

William Ernest Henley (1849-1903) ရဲ့ Invictus ကဗျာကို ကျမ အင်္ဂလိပ်လိုပဲ ဖတ်ဖူးခဲ့တယ်။ တော်တော်လေးလည်း နှစ်သက်မိတယ်။ ဒါပေမယ့် ဘာသာပြန်ကြည့်ဖို့ စိတ်မကူးခဲ့ (ရဲ) ဘူး။ တစ်ခါတစ်လေကျတော့ ကိုယ်ဘာသာပြန်လိုက်မှ မူရင်းအနှစ်အရသာ ပျက်သွားမှာကို စိုးရိမ်တာလည်းပါပါတယ်။ ဝတ္ထုအက်ဆေးက ပြန်ရလွယ်ပေမယ့် ကဗျာကိုပြန်ဖို့ (ကျမအတွက်) ပိုခက်တယ်။ ကဗျာကနက်နဲတယ်။ ကဗျာဆရာတွေက တစ်ခါတစ်ရံမှာ ဆိုလိုရင်းအဓိပ္ပာယ်တွေကို ကဗျာတွေထဲမှာ ဖွက်ထားချင်ကြသေးတာ မဟုတ်လား။ ကဗျာဆရာတွေက ကဗျာတစ်ပုဒ်ချပြတာနဲ့ စာရေးဆရာတွေက စာတစ်ပုဒ်ချပြတာ ဘာကွာလဲဆိုရင် စာရေးဆရာတွေက စာဖတ်သူတွေကို ငှားငှားစွင့်စွင့်ပွင့်နေတဲ့ ပန်းတစ်ပွင့်ကို လက်ဆောင်ပေးတာမျိုး ဖြစ်နေတတ်ပြီး၊ ကဗျာဆရာတွေကတော့ ဖူးငုံနေတဲ့ နှင်းဆီပန်းတစ်ပွင့်ကို စာဖတ်သူတွေလက်ထဲ ထည့်လိုက်သလို။

ဒီလိုနဲ့ Invictus ကို ဘာသာပြန်ထားပြီးတာရှိတာ ရှိသလား လိုက်ရှာရင်းနဲ့တွေ့လာခဲ့တယ်။ ဘာသာပြန်ထားသူဟာ ခရစ်ယာန်တွေရဲ့ the gate တို့ the scroll တို့ စတဲ့စာလုံးတွေနဲ့လည်း အကျွမ်းဝင်ပုံရတယ်လို့ ဖတ်နေရင်း တွေးလိုက်မိသေးတာ။ the gate မှာတော့ analysis လုပ်သူတွေအချို့က John Bunyan ရဲ့ The Strait Gate ကို ပြောတာဖြစ်နိုင်သလို၊ အချို့ကလည်း ဝင်ဖို့ခက်တဲ့ ကောင်းကင်တံခါး (Great Difficulty of Going to Heaven(1676), or the the scripture Bunyan got his title from Matthew 7:13, 14) ကို ညွှန်းတာလို့ ဆိုကြတယ်။

မည်သို့ပင်ဖြစ်စေ ဒီကဗျာကို ဘယ်သူ ပြန်ထားခဲ့တယ်ဆိုတာ ကျမ မသိခဲ့ဘူး။ ဖတ်နေရင်းနဲ့တောင် ဘယ်သူ ပြန်ထားတယ်ဆိုတာ မသိသေးဘူး။ ကျမက အောက်ဆုံးကိုမဖတ်သေးဘူး။ တစ်ကြောင်းချင်းစီဖတ်ရင်း အောက်ဆုံးရောက်မှ ဘယ်သူပြန်ထားတာလဲ ဆိုတာ သိလိုက်ရတာ။ မူရင်းကိုကော ဘာသာပြန်ကဗျာလေးကိုပါ နှစ်သက်လို့ မူရင်းနဲ့ဘာသာပြန် တစ်ပိုဒ်စီ ယှဉ်တွဲဖတ်နိုင်အောင် ရေးတင်ပေးလိုက်ပါရစေရှင်။

Invictus

Out of the night that covers me,
Black as the pit from pole to pole,
I thank whatever gods may be
For my unconquerable soul.
ငါ့အားဖုံးလွှမ်းထားသော လကွယ်သန်းခေါင်
ဤအမှောင်အတွင်းမှနေ၍
အနိုင်မခံအရှုံးမပေးတတ်သော ငါ၏စိတ်ဓာတ်ကို ဖန်ဆင်းပေးသည့်
နတ်သိကြားတို့အား ငါကျေးဇူးတင်၏။

In the fell clutch of circumstance
I have not winced nor cried aloud.
Under the bludgeonings of chance
My head is bloody, but unbowed.
လောကဓံတရားတို့၏ ရက်စက်ကြမ်းကြုတ်သော လက်ဆုပ်တွင်းသို့
ကျရောက်နေရသော်ငြားလည်း ငါကား မတုန်လှုပ် မငိုကြွေး
ကံတရား၏ ရိုက်ပုတ်ခြင်းဒဏ်ချက်တို့ကြောင့်
ငါ၏ဦးခေါင်းသည် သွေးတို့ဖြင့် ရဲရဲနီ၏ ညွတ်ကား မညွတ်။

Beyond this place of wrath and tears
Looms but the Horror of the shade,
And yet the menace of the years
Finds, and shall find me, unafraid.
ဤလောဘဒေါသတို့၏ ကြီးစိုးရာဌာ၏ အခြားမဲ့၌ကား
သေခြင်းတရားသည် ငံ့လင့်လျှက်ရှိ၏
သို့သော်ငါကား မတုန်လှုပ်သည်ကိုတွေ့ရအံ့၊
နောင်ကိုလည်းဘယ်တော့မှ မကြောက်သည်ကိုသာတွေ့ရအံ့။

It matters not how strait the gate,
How charged with punishments the scroll,
I am the master of my fate:
I am the captain of my soul.
သုဂတိသို့သွားရာတံခါးဝသည် မည်မျှပင်ကျဉ်းမြောင်းသည်ဖြစ်စေ
ယမမင်း၏ခွေးရေပုရပိုက်၌ ငါ့အပြစ်တို့ကို မည်မျှပင်များစွာမှတ်သားထားသည်ဖြစ်စေ
ငါကားဂရုမပြု၊
ငါသာလျှင်ငါ့ကံ၏ အရှင်သခင်ဖြစ် ၍
ငါသာလျှင် ငါ့စိတ်၏ အကြီးအကဲဖြစ်သတည်း။

မူရင်း - William Ernest Henley ၏ Invictus (1849-1903)
ဘာသာပြန်ဆိုသူ - ဗိုလ်ချုပ်အောင်ဆန်း ၏ ‘အနိုင်မခံ’ (အိုးဝေ မဂ္ဂဇင်း ၁၉၆၃၊ အတွဲ ၆၊ အမှတ် ၁)

No Comments »

No comments yet.

RSS feed for comments on this post. TrackBack URL

Leave a comment

Creative Commons License
This work is licensed under a Creative Commons Attribution-Noncommercial-Share Alike 2.5 Canada License.

ကျမစာလေးတွေကို အချိန်ပေးလာရောက်ဖတ်ရှုသော သူများအားလုံးကို ကျေးဇူးတင်ပါတယ်...လို့ ပြောကြားလိုပါတယ်ရှင်။

♫ ♥●••·˙My story telling is reshaped by your attentive imagination˙·••●♥♫
သည်စာမျက်နှာပေါ်တွင်ရှိသော ... ဖန်တီးထားသော စာပေ၊ ဆောင်းပါး စသော အနုပညာနှင့် ပတ်သက်သောစာများ၊ ကျမကိုယ်တိုင်ဆွဲသော မတောက်တခေါက်ပန်းချီများ၊ ဓာတ်ပုံများကို အခြားနေရာတွင် ကူးယူဖော်ပြသည့်အခါတွင် အိမ့်ချမ်းမြေ့အမည်နှင့် ဆိုက်အမည်ကို "မြင်သာထင်ရှားသောနေရာတွင်" ဖော်ပြပေးပါရန် လေးစားစွာဖြင့် တောင်းပန်အပ်ပါသည်ရှင်။

♥♥ ...... ♥♥

တစ်ချိန်တုန်းက အမှတ်တယလေးတွေ....

myfeet4.gif

♥♥ ...... ♥♥

myfeet5.gif

---------------