♫ ♥●••·˙ထွက်ရှိပြီးသော စာအုပ်အချို့˙·••●♥♫
မိုင်တိုင်၂၀
20.jpg
ကြယ်စင်ဆယ့်တစ်
11.jpg
လမင်းရှိုက်သံ
 moon1.jpg
ဆုံမှတ်
11.jpg
မိတော
mitaw2.jpg
moon2.jpg သက်တံ ၁၀စင်း
rainbow.jpg
ကကြိုးနှစ်ဆယ့်တစ်
21.JPG
yellowflowersfront.jpg မိတော
mitaw2.jpg
moon2.jpg
စာအုပ်များကို အွန်လိုင်းမှ ၀ယ်ယူလိုလျှင်..

♫♥●••·˙ကျမစာရေးသူသည်... ဖြစ်ရပ်မှန်၊ စိတ်ကူးယဉ်၊ မျှဝေခံစားမှု များနှင့်... ကောင်းကင်ကြယ်အကြောင်းများလည်း ရေးပါတယ်ရှင်..˙·••●♥♫

♫♥●••·˙My story telling is reshaped by your attentive imagination˙·••●♥♫

June 11, 2013

ကျွန်တော်နှင့် မိတော (Review by ဏီလင်း ညို)

nyi2.jpg

အွန်လိုင်းပေါ်မှ www.ainchannmyay.com စာမျက်နှာထက်တွင် မလေးအိမ့်ချမ်းမြေ့ရေးခဲ့သော မိတော စာစုများအား အခြေအနေ အမျိုးမျိုးကြောင့် ကျွန်တော်ဖတ်ဖြစ်တာတွေလည်းရှိသလို မဖတ်ဖြစ်ခဲ့တာတွေလည်း ရှိခဲ့ပါသည်။ ထိုကဲ့သို့သော အခြေအနေတွင် မလေးက မိတောစာစုအားလုံးကို စုပေါင်း၍သာမက နောက်ထပ်အသစ်ရေးထားသော (အွန်လိုင်းပေါ်မှ စာဖတ်သူမောင်နှမများ မဖတ်ဖူးသေးသော) စာစုလေးများကိုပါ ထပ်ပေါင်းပြီး စာအုပ်လေးတစ်အုပ်အဖြစ် ဖန်တီးမည်ဟု သိရသောအခါ စိတ်ထဲ အတိုင်းမသိ ၀မ်းသာမိခဲ့ရ၏။ မျှော်လင့်စောင့်စားခဲ့မိ၏။

မျှော်လင့်မိရခြင်းမှာ အခြားအကြောင်းကြောင့်တော့ မဟုတ်။ အွန်လိုင်းစာမျက်နှာပေါ်မှ ကျွန်တော် ဖတ်မိသလောက်သော မိတောစာစုလေးများက ချစ်စရာ၊ ကရုဏာသက်စရာကောင်းသည့် သရော်စာဆန်ဆန် ပုံစံမျိုးလေးတွေမို့ စိတ်ထဲ သဘောကျမိခဲ့သောကြောင့်ပင် ဖြစ်၏။ ဒါကလည်း ရံဖန်ရံခါတွင် သရော်စာလေးများအား မတောက်တခေါက် ထ,ထရေးတတ်ချင်သေးသော ကျွန်တော့်ဝါသနာနှင့် ကိုက်ညီနေခဲ့သောကြောင့်လား မပြောတတ်။ စကားမစပ်ပြောရမည်ဆိုလျှင် သရော်စာဆိုသည်မှာ ရေးတတ်ပါမှ တန်ကာကျ၏။ တော်၏။ မရေးတတ်လျှင် သရော်စာမှနေ “ကလော်”စာဖြစ်သွားတတ်သည်ဟု ကျွန်တော်ကြားခဲ့ဖူးသည်။ ပြောရမည်ဆိုလျှင် တစ်ဖက်သားအား စော်ကားရာရောက်သွားတတ်သည့် သဘောမျိုးပင် ဖြစ်လိမ့်မည်။ ထားတော့၊ အခု ကျွန်တော် ရေးချင်တာက သရော်စာဋီကာ မဟုတ်။ အကျယ်တ၀င့် ရှင်းပြရလောက်အောင်လည်း ကျွန်တော်က အများကြီး နှံ့စပ်သိရှိသူ မဟုတ်ခဲ့။ ကျွန်တော်ရေးချင်တာက မိတောစာအုပ်လေး၏အကြောင်းသာ ဖြစ်၏။

~~~@~~~

ကျွန်တော်အွန်လိုင်းမှာ စာစ,ရေးကာစ(လွန်ခဲ့တဲ့ ငါးနှစ်လောက်ကတည်းက) မလေးနှင့် သိကျွမ်းခင်မင်ခဲ့ရ၏။ စာရေးဝါသနာပါတာချင်းတူညီကြတာမို့ စာပေမောင်နှမများအဖြစ် အွန်လိုင်းပေါ်မှာ ခင်မင်ခဲ့ကြတာ ခုချိန်ထိ။ ထိုကဲ့သိုသော ခင်မင်ရင်းစွဲရှိမှုကြောင့် စာအုပ်လေးထွက်သောအခါ ကနေဒါနိုင်ငံမှာ နေထိုင်သူမလေးက မြန်မာပြည်မှ ကျွန်တော့်အား သူ့စာအုပ်စီစဉ်သော AMK Creation မှနေတစ်ဆင့် စာအုပ်လက်ဆောင်လေးတွေ အမှတ်တရပေးဖို့ စီစဉ်ပေးရှာ၏။ ကျွန်တော်ကလည်း ၀မ်းမြောက်ဝမ်းသာ လက်ခံရဖို့ကြိုးစားမိ၏။

သို့သော် ထိုလက်ဆောင်စာအုပ်လေးများကို ချက်ခြင်းတော့ ကျွန်တော်သွားမယူဖြစ်နိုင်ခဲ့ပါ။ မြို့ထဲသို့ အကြောင်းအမျိုးမျိုးကြောင့် မရောက်ဖြစ်ခဲ့တာမို့ပင်။ နောက်တော့လည်း မြို့ထဲမရောက်ဖြစ်သော ကျွန်တော့်လက်ထဲသို့ လူကြုံအဆင့်ဆင့်ဖြင့် စာအုပ်လေးများ ရောက်ရှိလာခဲ့၏။ ဒါကလည်း ကူညီတတ်သော မောင်နှမများ၏ ကျေးဇူးကြောင့်ဟု ကျွန်တော်လေးစားစွာ မှတ်ယူမိပါသည်။ (တွေးတိုင်းလည်း ကျေးဇူးတင်ပါသည်။)

စာအုပ်လေးများမှာ လက်ဖက်ရည်ဆိုင်တွင် ထိုင်စောင့်နေခဲ့ရသော ကျွန်တော့်လက်ထဲသို့ ရောက်သည့်အချိန်က (၀၁၊ ၀၆၊ ၂၀၁၃) ည ရှစ်နာရီခန့်မှ ဖြစ်၏။ လက်ဖက်ရည်ဆိုင်မှ အိမ်ပြန်ရောက်တော့ ည၉နာရီကျော်နေခဲ့ပြီ။ ညစာစားပြီးမှ စာအုပ်လေးကို စ,ဖတ်ဖြစ်တော့ အချိန်က ည ၁၀ နာရီထိုးလုလု။

စာအုပ်လေးက ရိုးရှင်းသော အပြင်အဆင်ဖြင့် နှစ်သက်ဖွယ်ရာပင်။ မထူလွန်း၊ မပါးလွန်းသော အနေအထားလေး လည်းဖြစ်၏။ စာအုပ်ဒီဇိုင်းအပြင်အဆင်ကလည်း AMK Creation ၏ထုံးစံအတိုင်း တည်တည်ငြိမ်ငြိမ်၊ သေသေသပ်သပ်၊ လှပခန့်ညားစွာဖြင့်။

စာအုပ်လေးထဲတွင် စုစုပေါင်း အပုဒ်ရေ ၁၄ ပုဒ်ပါ၏။ တစ်ဝကြီး ဖတ်ရှုရသည်။ ကျွန်တော်ဖတ်မိသော စာစုလေးများအပေါ်တွင် ခံစားမိရသမျှအား စာရေးသူ မလေးနှင့် ကျန်သည့် စာဖတ်သူ မိတ်ဆွေများကိုပါ ပြောပြချင်မိပါသည်။

~~~@~~~

မိတောနှင့် နွယ်ရီ” - တွင် ပြည်ပရောက် မြန်မာများ၏ နာမည်များမှာ ကာလံဒေသံ၊ လေယူလေသိမ်းပြောင်းလဲမှု ကြောင့် ကသိကအောက်ဖြစ်စရာလေးများ တွေ့ရ၏။ ပြည်ပတွင် ကျွန်တော်အလုပ်လုပ်ခဲ့စဉ်က “ဌေးဇော်” ဆို သော ကောင်လေးတစ်ယောက်မှာ “သေးစော်”…ဟု လေသံလွဲကာ ခေါ်ခံရဖူးတာကြောင့် အောင့်သက်သက်ဖြစ် သွားရရှာခြင်းအား စာလေးဖတ်ရင်း ပြန်မှတ်မိလိုက်သေး၏။ မှတ်မိတော့ ပြုံးမိရပါသည်။ နောက် ချိုသဲခင်အား ဘုမသိဘမသိ နှစ်သိမ့်ပေးချင်ရှာသော မိတောအဖြစ်က ဖြစ်မှဖြစ်ရလေဟု ပြုံးထေ့ထေ့ဖြင့် မှတ်ချက်ချချင်စရာပင်။

“သဲတစ်ဖြစ်လဲ မိတော” - တွင် ပြည်ပရောက်စ, အချို့မြန်မာများ၏ သေချာလေ့လာစူးစမ်းမှုမပြုရသေးပဲ အထင်ဖြင့် ရမ်းကြိတ်တတ်သော အလေ့အထလေးများ၊ အလွဲလေးများကို မြင်ရမိ၏။ သဘာဝတရားအပေါ် ခံစားချက်ချင်းမတူသူများကြားမှ ဒုက္ခများကိုလည်း ပြုံးစိစိဖတ်မိရသေး၏။

“မိတောနှင့် ကနေဒီယန် ကန်စွန်းရွက်” - ကိုဖတ်ရင်း ပြည်ပရောက်မြန်မာများ၏ ဟင်းသီးဟင်းရွက် ချဉ်ခြင်းကို မြင်မိရ၏။ ပြည်ပတွင် ကျွန်တော်နေရစဉ်က မုန့်ဟင်းခါးထဲထည့်ချက်ရန် ငှက်ပျောပင်လိုချင်ခဲ့သည့် ကျွန်တော့် အတွက် ညကြီးမိုးချုပ်မှ ခိုးကြောင်ခိုးဝှက်ဖြင့် သွားခုတ်ပေးရဲကြရှာသော သူငယ်ချင်းများအား ပြန်သတိရမိစေပြန်သည်။

“မိတောရဲ့ နံနက်ခင်း” - တွင် မနက်ရုံးအသွား အဆင်မပြေမှုများ၏ တိုက်ဆိုင်လွန်းတတ်ပုံကို ခပ်သွက်သွက်လေး ခံစားရ၏။ စာလေးဖတ်ရင်း ကျွန်တော်တို့တွေဟာ အချိန်ကာလ၏လွှမ်းမိုးမှု၊ အလုပ်မှ ရရှိလာမည့် အသီးအပွင့်များ၏ဖျားယောင်းမှုတို့အား မလွန်ဆန်နိုင်ရင်း ဘ၀နေ့ရက်များကို အမှတ်တမဲ့ ဖြတ်သန်းနေကြရပါလားဟု မဆီမဆိုင် အတွေးဝင်မိလိုက်သေးသည်။

“မိတောနှင့် ပုရွက်ဆိတ်သိုင်း လေပွေရိုင်း” - တွင် ပြည်ပရောက်မှ ဖြစ်တည်လာသော ရင်သွေးငယ်လေးများအ တွက် မြန်မာစာနှင့် မြန်မာစကားကိုတတ်စေရန် တစ်ပိုင်တစ်နိုင်အားထုတ်သော မိတောကို ရိုးတိုးရိပ်တိတ် တွေ့ရ ၏။ နောက်ပြီး ပန်းခြံထဲမှ မိတောဖြစ်ပျက်နေပုံကို မြင်ယောင်မိသောအခါ ကျွန်တော် ရယ်မိသည်။

“မိတောနှင့် အညိုရိပ်(၅၀)” - တွင် အဆောင်အယောင်နှင့်မှ အထင်ကြီးစွာ ရွှန်းရွှန်းဝေတတ်လေသော အရောင်းစားရေးတချို့အကြောင်းကို ရယ်ချင်စိတ်ဖြင့် ထပ်မံ သိခွင့်ရ၏။ စာအုပ်ဖုံးပေးသည့်အခန်းလေးတွင် ငယ်ငယ်တုန်းက အဖြစ်အပျက်များအား ပြန်သတိရမိသွားသေးသည်။ ၁၉၉၀ ခုနှစ် ၀န်းကျင် အလယ်တန်းကျောင်းသားဘ၀က ကျောင်းရှေ့မှာ ပလတ်စတစ်လေးခင်းပြီး တိုင်းမ်မဂ္ဂဇင်းမှ စာရွက်များအား ရောင်းသူဦးလေးကြီးထံမှ စာအုပ်ဖုံးရန် မုန့်ဖိုးထဲမှငွေများဖြင့် ခဏခဏ ၀ယ်ဖြစ်ခဲ့သူမှာ အခြားသူမဟုတ်ပဲ ကျွန်တော်ဖြစ်နေခဲ့တာမို့ပင်။ နောက် အဖုံးဖုံးပြီးလျှင် ကျောင်းမှာ အေးဆေးမနေပဲ သူ့ဟာလှတယ်၊ ငါ့ဟာလှတယ် စသဖြင့် အချင်းချင်းပြိုင်ရင်း ရန်ထ,ဖြစ်မိကြတာလေးများအားလည်း ပြန်မှတ်မိရ၏။

နောက်…သူ့အား ရိုးသည်ဟု ပြောတာကိုမခံချင်သော မိတော၏ပြောပုံဆိုပုံကလည်း ပြုံးချင်စရာပင်။

“မိတောနှင့် ၀ါးမီးတိုင်များ” - တွင် ထစ်ခနဲရှိတာနှင့် ဓာတ်ပုံရိုက်ချင်ကြသော တချို့ အမျိုးသမီးလေးတို့၏ ဓလေ့များအား ရယ်ချင်ဖွယ်တွေ့ရ၏။ “အိုင်ဖုန်း၊ အိုင်ပက်၊ အိုင်ခွက်၊ အိုင်ပက်လက်” ဆိုတာလေးအား ကျွန်တော် သိပ်သဘောကျသည်။ ဘလချောင်ကြော်ခန်းတွင် မိတော၏ ခိုးကြောင်ခိုးဝှက်ကြော်ရပုံကို ပြုံးစိစိဖြင့် မြင်ယောင်စေ၏။ နောက်… ကိုရင်သာအေး၏ ကိုယ်မှန်တယ်ထင်လျှင် သတ္တိရှိသော၊ စူးစမ်းလိုသော၊ ဂျစ်တိုက်ချင်သော ညဉ်လေးအားလည်း တစေ့တစ်စောင်း မြင်မိသေးပြန်၏။ အဆုံးသတ်ခါနီးတွင် ၀ါးမီးတိုင်များ၏အလှကို သဘာဝကျကျ ခံစားချင်ရှာသော မိတော၏အဖြစ်က ဂရုဏာသက်စွာ ပြုံးချင်စရာရယ်ပင်။

“မိတောနှင့် အမြွှာတံတားကြီး” - တွင် နိုင်ငံခြားရောက်တိုင်း ကောင်းစားနေသည်ဟု ထင်နေသူများအတွက် သူများနိုင်ငံတွင် အခွန်ထမ်းရင်း မောမန်းနေကြရသည့် မြန်မာတချို့၏ နွမ်းဖျမှုများ၊ သက်ပြင်းမောများအတွက် မချိပြုံးလေး ပြုံးမိရပါသည်။ ထို့အတူ ဒီမိုကရေစီနိုင်ငံများအကြောင်းကိုလည်း ခပ်ရေးရေး သိခွင့်ရပြန်သေး၏။

“မိတောနှင့် ဘဲဆီ” - တွင် ဘာသာဗေဒအလွဲကြောင့် ဖြစ်ရသော ရယ်ချင်စရာလေးအား နေမကောင်းသော မိတော၏ ဖြစ်စဉ်နှင့် ရောနှောကာ ပြုံးစိစိဖတ်လိုက်ရ၏။ တစ်ဆက်တည်း “ကျေးဇူးပြု၍ မင်းငါ့ကို ခွင့်လွှတ်ပါ” (Please for gave me) ဆိုသည့် စာလေးအား “ကျေးဇူးပြု၍ ငါ့အတွက် မင်းပေးပါ”ဟု ခပ်တည်တည် ဘာသာပြန်ဖူးခဲ့လေသော ကျွန်တော့်သူငယ်ချင်းတစ်ယောက်ကိုလည်း ရယ်ချင်စိတ်တစ်ဝက်ဖြင့် ပြန်လည် သတိရမိရပါသေးသည်။

“မိတောနှင့် ဆန်ပိုးများ” - တွင် ဆန်ပိုးကောင်များအား အသည်းအသန်ကြောက်နေသော မိဘနှစ်ပါးဖြစ်သူ ကိုရင်သာအေးနှင့် မိတောတို့အား ဂျူနီယာတောလေး၏ မေးခွန်းနှင့် ဟန်ပန်အမူအယာက ချစ်စရာ၊ ရယ်ချင်စရာ ကောင်းလှသည်။ ဂျူနီယာသာအေးလေး၏ အင်္ဂလိပ်တစ်ဝက် မြန်မာတစ်ဝက် ပြောပုံလေးကလည်း ချစ်စရာပင်။

“မိတောနှင့် ငါးပုပ်ခြောက်” - တွင် ပြည်ပရောက်တာတောင်မှ ကြံကြံဖန်ဖန် ငါးပုပ်ခြောက်လုပ်စားချင်သော ဦးကြီးတစ်ယောက်ကြောင့် ဒုက္ခရောက်ရသော မိတောတို့ ညီအစ်မအဖြစ်အား ရယ်ချင်စဖွယ် ဖတ်ရ၏။ သတ္တ၀ါလေးများအား သနားတတ်သော မိတော၏ စိတ်ဓာတ်ကလေးကိုလည်း မြင်ခွင့်ရပြန်သေးသည်။

“မိတောနှင့် နွေရက်များ” - ကို ဖတ်ပြီးချိန်တွင် ဒီတစ်နွေလုံး တညည်းညည်း တညူညူဖြင့် ကျွန်တော်ဖြတ်သန်း လာခဲ့ရသော နွေရာသီအကြောင်း ပြန်စဉ်းစားဖြစ်ကာ နွေဒဏ်ကာကွယ်ဖို့ရာအတွက် မိတော၏ လုပ်ပေါက်အား စာဖတ်ရင်း မြင်ယောင်မိလာရတာကြောင့် ပြုံးမိရပါသေး၏။

“မိတောနှင့် နှင်းမုန်တိုင်းတစ်နေ့” - ကိုဖတ်ရင်း ရန်ကုန်မြို့ထဲသွားတိုင်း ကြုံတွေ့ရသော ကားပိတ်ခြင်းဒုက္ခအား ပြန်လည် သတိရမိ၏။ သို့သော် မိတောနေသော ပတ်ဝန်းကျင်တွင်ကား သဘာဝဘေးဒုက္ခကြောင့် ကားလမ်းပိတ်ရတာဖြစ်ပြီး ကျွန်တော်တို့ရန်ကုန်တွင်တော့…။ ကျွန်တော်ဆက်မပြောချင်တော့ပါ။ (ပြောလည်း မပြောတတ်ပါ။)

နောက်… ကားလမ်းပိတ်နေရသည့်ကြားထဲ အသက်၆၀ ၀န်းကျင် ယဉ်ယဉ်ခန့်ခန့်နှင့် အန်တီကြီးတစ်ယောက် အပြင်းစားရော့ခ်သီချင်းနားထောင်နေပုံကို ဖတ်ရသောအခါ ပြုံးစိစိဖြစ်ရသေးသည်။

“မိတောနှင့် ရန်ကုန်” - တွင်တော့ အသံပေါင်းစုံဆူညံနေလေ့ရှိသော ကျွန်တော်တို့၏ရန်ကုန်မြို့ကြီးအား မြင်ယောင်လာရသလိုလိုပင်။ စာလေးဖတ်ရင်း ကျွန်တော်တို့ဘက်တွင် လွန်ခဲ့သောရက်များက ည၁၂နာရီကျော်ချိန်ကြီးမှာ “CDMAဖုန်း” မဲဖောက်မည့်အစီအစဉ်အား အထိတ်တလန့်ဖြင့် လာကြေငြာခြင်းကိုလည်း ပြန်အမှတ်ရမိလိုက်သေး၏။ စကားမစပ် ပြောပြရမည်ဆိုလျှင် အခု ကျွန်တော်တို့ဘက်မှာ ရွှေရင်အေး၊ မုန့်လက်ဆောင်းသည်များသည်ပင် အရင်လို ရိုးရိုးမအော်တော့ပါ။ အသံဖမ်းထားသည့် အခွေအကူအညီဖြင့် စက်ဖွင့်ပြီး အော်လံမှနေတစ်ဆင့်…

“ရွှေရင်အေး မုန့်လက်ဆောင်းလာပါပြီ။ အုန်းနို့ပါတယ်၊ ထန်းလျက်ရည်နဲ့လည်း ပါပါတယ်”…ဟူ၍။

~~~@~~~

စာအုပ်စီစဉ်ပေးသူ ကိုမော်ကြီး (စာရေးဆရာ ညိုရင့်)၏ အမှာစာလေးထဲတွင် မလေး၏ စာလေးများအား စံပယ်ပန်းကုံးလေးဖြင့် နှိုင်းယှဉ်ထားပါသည်။ “စံပယ်ပန်းတစ်ကုံးတွင် အပွင့်အကြီးအသေး ညီမျှခြင်း မရှိသော်လည်း ပေးစွမ်းနိုင်သည့် မွှေးရနံ့ကတော့ ညီတူညီမျှ ဖြစ်နေမည်သာပင်”…ဟူ၍။

ဆရာ့နည်းတူ ကျွန်တော်ကလည်း မလေး၏ စာစုလေးများအား သူမနှစ်သက်သော ခရေပန်းလေးများဖြင့် တူသည်ဟု ဥပမာအလင်္ကာ ပေးချင်ပါသည်။ ဟုတ်သည်။ ခရေတို့မည်သည် နေရာဒေသပြောင်းသော်လည်း ရနံ့မပြောင်းတတ်ကြသလို၊ ပြည်ပမှာနေသော မလေး၏စာလေးများကလည်း မြန်မာရနံ့လေးများ မပျယ်လွင့်ပဲ မြန်မာဆန်သော အငွေ့အသက်လေးများဖြင့် ခြုံလွှမ်း မွှေးပျံ့နေခဲ့ကြသောကြောင့်ပင် ဖြစ်၏။ ။

——————————————————————

မလေး အိမ့်ချမ်းမြေ့အတွက် အမှတ်တရ ဖြစ်ပါစေရယ်ဗျာ…။

——————————————————————

ခင်မင်ခြင်းအားဖြင့်….

ဏီလင်းညို

၀၃၊ ၀၆၊ ၂၀၁၃။

(၁၄း ၄၃) နာရီ

ရန်ကုန် - မြန်မာပြည်။

(ကျွန်တော်နှင့် မိတော) 

2 Comments »

  1. မလေး ပျောက်နေလို့..ကိုဏီ့စာလေးကို ထပ်လာဖတ်သွားတယ်…
    မလေး နေကောင်းပျော်ရွှင်ပါစေ :) :)

    Comment by thuthu — June 12, 2013 @ 2:32 am

  2. ကိုဏီ့စာလေး အဆုံးသတ်လေးမှာ မလေးချစ်တဲ့ ခရေပန်းလေးတွေနဲ့ မိတောစာစုလေးတွေကို
    နှိုင်းယှဉ်ပြထားတာလေး အရမ်းသဘောကျမိတယ်…မလေးအတွက် အမှတ်တရဖြစ်မှာ အသေအချာပါ ကိုဏီရယ်…..
    မလေးကိုလဲ အရမ်းသတိရနေပါတယ်နော် :)
    ချစ်တဲ့….မိုးနတ်ကြယ်စင်

    Comment by မိုးနတ်ကြယ်စင် — June 13, 2013 @ 6:52 am

RSS feed for comments on this post. TrackBack URL

Leave a comment

Creative Commons License
This work is licensed under a Creative Commons Attribution-Noncommercial-Share Alike 2.5 Canada License.

ကျမစာလေးတွေကို အချိန်ပေးလာရောက်ဖတ်ရှုသော သူများအားလုံးကို ကျေးဇူးတင်ပါတယ်...လို့ ပြောကြားလိုပါတယ်ရှင်။

♫ ♥●••·˙My story telling is reshaped by your attentive imagination˙·••●♥♫
သည်စာမျက်နှာပေါ်တွင်ရှိသော ... ဖန်တီးထားသော စာပေ၊ ဆောင်းပါး စသော အနုပညာနှင့် ပတ်သက်သောစာများ၊ ကျမကိုယ်တိုင်ဆွဲသော မတောက်တခေါက်ပန်းချီများ၊ ဓာတ်ပုံများကို အခြားနေရာတွင် ကူးယူဖော်ပြသည့်အခါတွင် အိမ့်ချမ်းမြေ့အမည်နှင့် ဆိုက်အမည်ကို "မြင်သာထင်ရှားသောနေရာတွင်" ဖော်ပြပေးပါရန် လေးစားစွာဖြင့် တောင်းပန်အပ်ပါသည်ရှင်။

♥♥ ...... ♥♥

တစ်ချိန်တုန်းက အမှတ်တယလေးတွေ....

myfeet4.gif

♥♥ ...... ♥♥

myfeet5.gif

---------------