♫ ♥●••·˙ထွက်ရှိပြီးသော စာအုပ်အချို့˙·••●♥♫
မိုင်တိုင်၂၀
20.jpg
ကြယ်စင်ဆယ့်တစ်
11.jpg
လမင်းရှိုက်သံ
 moon1.jpg
ဆုံမှတ်
11.jpg
မိတော
mitaw2.jpg
moon2.jpg သက်တံ ၁၀စင်း
rainbow.jpg
ကကြိုးနှစ်ဆယ့်တစ်
21.JPG
yellowflowersfront.jpg မိတော
mitaw2.jpg
moon2.jpg
စာအုပ်များကို အွန်လိုင်းမှ ၀ယ်ယူလိုလျှင်..

♫♥●••·˙ကျမစာရေးသူသည်... ဖြစ်ရပ်မှန်၊ စိတ်ကူးယဉ်၊ မျှဝေခံစားမှု များနှင့်... ကောင်းကင်ကြယ်အကြောင်းများလည်း ရေးပါတယ်ရှင်..˙·••●♥♫

♫♥●••·˙My story telling is reshaped by your attentive imagination˙·••●♥♫

December 21, 2016

ကနေဒါ - အမေရိကားနှင့် ရန်ကုန် (ဇာတ်သိမ်း)

Filed under: ဘာသာပြန်, My Publications, စာစု, ပြုံးစရာ — အိမ့်ချမ်းမြေ့ @ 1:23 pm

mitaw.jpg
ကျွန်တော်သည် နိုဝင်ဘာလ ၂၀ ရက်နေ့ နေ့လယ် ၁၂နာရီခန့်တွင် မလေး၏ လယ်တောထဲက မိန်းကလေး အမည်ရ ဘာသာပြန်ရသစာစုများ စုစည်းမှုစာအုပ်နှင့် နတ်ရဲ၏ ငှက်ကလေးဘယ်ဆီပျံသန်းနေ အမည်ရှိ မဂ္ဂဇင်းဝတ္ထုတိုစုစည်းမှု စာအုပ် စသည့် စာအုပ်နှစ်အုပ်တို့၏ မိတ်ဆက်ပွဲကျင်းပရာ City Star ဟိုတယ်သို့ တက္ကစီငှား၍ သွားလေ၏။ ထိုနေရာက ဘားလမ်းထဲမှာရှိ၍ မြို့တော်ခန်းမ၏ အနောက်ဘက်နားတွင် ရှိလေသည်။

ကျွန်တော်သည် တက္ကစီစထွက်ထွက်ချင်း ဆီဒိုးနားဟိုတယ်မှာတည်းသော မလေးကို ဖုန်းဆက်မိလေ၏။ ပွဲက နေ့လည်နှစ်နာရီမှ စမှာဖြစ်သော်လည်း သူတို့နောက်ကျနေမှာစိုး၍ပင်။ သို့သော် ၀ီရိယကောင်းတော်မူလှသော မလေးနှင့်တကွ မဟေမန်၊ နတ်ရဲ၊ မမေဇူး စသော အပေါင်းအပါတစ်စုသည် ပွဲကျင်းပမည့် ဟိုတယ်သို့ ကျွန်တော့်ထက် အရင်စောစွာ ရောက်နေနှင့်ခဲ့ကြလေပြီဖြစ်ကြောင်း သိလိုက်ရလေ၏။

March 17, 2014

မိတော နှင့် တောင်သမန်အင်း ဇာတ်လမ်း

Filed under: မိတော, ပြုံးစရာ, ၀တ္ထု (Novels) — အိမ့်ချမ်းမြေ့ @ 12:30 am

 hand.jpg

 နွေဦးပေါက်သည်နှင့် မက္ကဆီကိုဘက်မှ ဌက်များ ကနေဒါဘက်သို့ ပြန်လည်ပျံသန်းလာသကဲ့သို့၊ မိတော၏ မိခင်ကြီးသည်လည်း မြန်မာပြည်မှ ကနေဒါသို့ ပြန်လာပြီဖြစ်သောကြောင့် အလွန်အမင်းပျော်နေမိလေသည်။

 

မိခင်ကြီးနှင့်အတူပါလာသော ချဉ်ပေါင်ကြော်၊ ဘာလချောင်ကြော်၊ ငါးသလဲထိုးကြော် စသော… လျှာပေါ်တွင် နတ်သုဒ္ဓါတမျှ အရသာရှိလှလေသော မြန်မာအစားအစာများကိုလည်း စားရတော့မည်ဖြစ်သောကြောင့် စိတ်လှုပ်ရှားနေခြင်းလည်းဖြစ်သည်။

 

မိခင်ကြီးထံမှ မိတော အလွန်နှစ်သက်သော မယ်ဇင်ပင်စေ့ (သို့မဟုတ်) မဉ္ဇူသကနတ်ပန်းပင်မှ ရသော အစေ့ကလေးများဖြင့် ပြုလုပ်အပ်သော ပိုက်ဆံအိတ်ကလေးများ၊ လက်ကောက်ပျော့လေးများနှင့် သော့ချိတ်ကလေးများကိုလည်း မြတ်နိုးရင်ခုန်စိတ်လှုပ်ရှားကာ မထိရက်မကိုင်ရက်အောင် ဖြစ်နေမိလေသည်။

မိခင်ကြီးသည်လည်း “မိတော၏ ရှတတနေ့စွဲများ” စာအုပ်များကိုလည်း မည်သို့မည်ပုံ လက်မှတ်ထိုးကာ လူအများကို အလှူပေးလိုက်ကြောင်းကိုလည်း ကြားသိရလေသည်။

“မေမေက စာအုပ် အုပ် ၃၀ ကို အကုန်ပေးပစ်လိုက်တာလား”

“အင်း…. အိမ့်ချမ်းမြေ့ ကိုယ်စား… ဆိုပြီး လက်မှတ်တွေ ထိုးထိုးပြီး လက်ဆောင်ပေးပစ်လိုက်တာပဲ”

“နည်းနည်းလေးတောင် ရောင်းမကြည့်ဘူးလားဟင်”

မိတော မရဲတရဲလေး မေးမိလေသည်။

“သူတို့က ဝယ်ချင်တာ။ ဝယ်မယ်လည်းပြောတယ်၊ ဒါပေမယ့် မေမေက လက်ဆောင်ပေးပစ်လိုက်တာလေ”

“အွမ်….”

(ဆက်ဖတ်ရန်…)

January 29, 2014

မိတောနှင့် သွေးလှူခြင်း

Filed under: မိတော, ပြုံးစရာ — အိမ့်ချမ်းမြေ့ @ 1:18 am

မိတောသည် ယခုနှစ်မွေးနေ့ရက်တွင် မိသားစု၊ သူငယ်ချင်းမိတ်ဆွေများ၏ ဂရုစိုက်မှုကို ခံရသဖြင့် ကျေနပ်ပျော်ရွှင်နေလေသည်။ ရုံးတွင် မွေးနေ့ပွဲများကို ကျင်းပလေ့ရှိသော်လည်း မိတောတို့ဌာနတွင် မွေးနေ့ပွဲများ မကျင်းပကြသည်မှာ ကြာပြီဖြစ်လေသည်။ မကျင်းပရခြင်းအကြောင်းမှာ မိမိတို့ကိုယ်မိမိတို့ အသက်ကြီးလာကြပြီဟုယူဆမိကာ ကျင်းပလိုစိတ်မရှိကြတော့၍ဟု တိုတိုတုပ်တုပ်ဆိုရအံ့။

လွန်ခဲ့သောနှစ်များတွင်မတော့ တစ်စုံတစ်ယောက်၏မွေးနေ့ရက်ရောက်ပြီဆိုလျှင် ရုံးသို့ လှလှပပပြင်ပြင်ဆင်လာကြပြီး၊ မွေးနေ့ပွဲများကိုလည်း တခမ်းတနား ပျော်ရွှင်စွာကျင်းပလေ့ ရှိကြသည်။ မိမိမွေးနေ့ကို ချစ်ခင်သူများက သတိမရကြလျှင် ဘဝကြီးတစ်ခုလုံးပြီးဆုံးတော့မလို ဝမ်းနည်းတတ်ကြသေး၏။ အသက်သုံးဆယ်နား ကပ်လာကြသည့်အခါတွင်မတော့ မွေးနေ့ပွဲကျင်းပရန် စိတ်သိပ်မပါကြတော့။

ထိုသို့စိတ်သိပ်မပါကြသော်လည်း မွေးနေ့ပွဲများကိုတော့ ကျင်းပနေကြဆဲ။ သုံးဆယ်ကျော်လာကြသည့်အခါတွင်မတော့ မိမိမွေးနေ့ကို သတိမရကြလျှင်လည်း ဘာမှသိပ်မဖြစ်ကြတော့။ တစ်စုံတစ်ယောက်က သတိရပြီး ကျင်းပပေးလျှင်လည်း စိတ်မပါ့တပါဖြင့် ကျင်းပဖြစ်ကြသေးသည်။ သုံးဆယ်နှောင်းပြီး လာချိန်ကာလများတွင်မတော့ မိမိမွေးနေ့ကို သတိရကြမည်ကိုပင် စိုးရိမ်လာကြတော့သည်။ မွေးနေ့ပွဲထက် အရေးကြီးသော အခြားကိစ္စများနှင့် လုံးချာလည် လိုက်နေကြရသည်လည်း ပါသည်။ အသက်ဘယ်လောက်ရှိပြီလဲဟု မေးခံရမည်ကိုလည်း စိုးရိမ်လာကြသည်လည်း ပါမည်။

(ဆက်ဖတ်ရန်…)

July 17, 2013

မိတောနှင့် နံရံမှနားများ

Filed under: ပြုံးစရာ, ၀တ္ထု (Novels) — အိမ့်ချမ်းမြေ့ @ 3:34 am

မိတော ဆယ်ကျော်သက်အရွယ် မနူးမနပ်ကာလတစ်ခုတုန်းကဖြစ်သည်။

မြို့မှကျောင်းသစ်တစ်ကျောင်းကို ပြောင်းခဲ့ရသော မိတော…. ကျောင်းသူအသစ်မို့ မိတ်ဆွေနည်းနေချိန်တွင် ဂျဲဂျဲဆိုသည့် ချင်းမလေး တစ်ဦးနှင့် ခင်မင်ရင်းနှီးခွင့် ရခဲ့သည်။ ဆယ်ကျော်သက်အရွယ်ဝင်စမို့ အတန်းထဲမှ မိန်းကလေးများသည်လည်း အလှအပကို မြတ်နိုးတတ်ကြသည်ကို သတိထားမိခဲ့သည်။

မိတောကတော့ ရိုးရိုးလေးသာ ဝတ်စားတတ်လေသည်။ ဂျဲဂျဲကတော့ နူးနူးညံ့ညံ့နှင့် စကားကို လေလုံးကွဲအောင်တောင် မပြောသော အလွန်သိမ်မွေ့သူ တစ်ဦး။ အဲဒီအထဲမှာမှ အလှဘုရင်မတွေဟုတောင် တင်စား၍ရနိုင်သော ကျောင်းသူလှလှလေးများလည်း ရှိသည်။ မြို့သူတွေမို့ အသုံးအဆောင်တွေကလည်း မိတော တစ်ခါမှ မမြင်ဘူးသော ဆံညှပ်လေးများ၊ ကွန်ပါဘူးလှလှလေးများ၊ ချစ်စရာရောင်စုံကလစ်လေးများ၊ လက်ကောက်လေးများ။ မိတောမှာ သူတို့ကို ငေးကြည့်လို့သာ နေရသည်။

မိတောက ငယ်စဉ်ကတည်းက ကိုယ်လက်လှုပ်ရှားဝါသနာပါသူမို့ ရွယ်တူမိန်းကလေးများထက် အနည်းငယ်ပိုပြီးထွားကျိုင်းသည်ဟု ဆို၍ရသည်။ ဂျဲဂျဲကတော့ မိတောလို အားကစားလည်း သိပ်လိုက်စားလေ့မရှိ။ နေ့လည်ခင်းမုန့်စားဆင်းချိန်တွင် သစ်ပင်အောက်တွင် ငုပ်တုပ်လေး ထိုင်နေတတ်သည်။ အခြားမိန်းကလေးသူငယ်ချင်းများနှင့် သားရေပင်သွားခုန်မည်ဟုဆိုတော့လည်း ဂျဲဂျဲက မလိုက်။ ဂျဲဂျဲ မပါဘဲနှင့် မိတော သားရေပင်သွားခုန်သေးသည်။ သို့သော်…. ကျောင်းသူများက အပေါ်ယံလှိုက်လှဲသယောင်ရှိသလောက် မိတောကို တစ်ခုခု မကြိုက်ဘူးဆိုသည်ကို ခံစားနေမိခဲ့သည်။ ဒီလိုနှင့်မိတောလည်း သစ်ပင်အောက်တွင် ဂျဲဂျဲနဲ့ တစ်စခန်းသွားရတော့သည်။ ပထမရက်တွေများတွင် ဂျဲဂျဲနှင့်အတူ မုန့်စားသော်လည်း ကြာလာသည့်အခါတွင် မိတောသရုပ်က ပေါ်လာတော့လေသည်။

(ဆက်ဖတ်ရန်…)

June 11, 2013

ကျွန်တော်နှင့် မိတော (Review by ဏီလင်း ညို)

nyi2.jpg

အွန်လိုင်းပေါ်မှ www.ainchannmyay.com စာမျက်နှာထက်တွင် မလေးအိမ့်ချမ်းမြေ့ရေးခဲ့သော မိတော စာစုများအား အခြေအနေ အမျိုးမျိုးကြောင့် ကျွန်တော်ဖတ်ဖြစ်တာတွေလည်းရှိသလို မဖတ်ဖြစ်ခဲ့တာတွေလည်း ရှိခဲ့ပါသည်။ ထိုကဲ့သို့သော အခြေအနေတွင် မလေးက မိတောစာစုအားလုံးကို စုပေါင်း၍သာမက နောက်ထပ်အသစ်ရေးထားသော (အွန်လိုင်းပေါ်မှ စာဖတ်သူမောင်နှမများ မဖတ်ဖူးသေးသော) စာစုလေးများကိုပါ ထပ်ပေါင်းပြီး စာအုပ်လေးတစ်အုပ်အဖြစ် ဖန်တီးမည်ဟု သိရသောအခါ စိတ်ထဲ အတိုင်းမသိ ၀မ်းသာမိခဲ့ရ၏။ မျှော်လင့်စောင့်စားခဲ့မိ၏။

မျှော်လင့်မိရခြင်းမှာ အခြားအကြောင်းကြောင့်တော့ မဟုတ်။ အွန်လိုင်းစာမျက်နှာပေါ်မှ ကျွန်တော် ဖတ်မိသလောက်သော မိတောစာစုလေးများက ချစ်စရာ၊ ကရုဏာသက်စရာကောင်းသည့် သရော်စာဆန်ဆန် ပုံစံမျိုးလေးတွေမို့ စိတ်ထဲ သဘောကျမိခဲ့သောကြောင့်ပင် ဖြစ်၏။ ဒါကလည်း ရံဖန်ရံခါတွင် သရော်စာလေးများအား မတောက်တခေါက် ထ,ထရေးတတ်ချင်သေးသော ကျွန်တော့်ဝါသနာနှင့် ကိုက်ညီနေခဲ့သောကြောင့်လား မပြောတတ်။ စကားမစပ်ပြောရမည်ဆိုလျှင် သရော်စာဆိုသည်မှာ ရေးတတ်ပါမှ တန်ကာကျ၏။ တော်၏။ မရေးတတ်လျှင် သရော်စာမှနေ “ကလော်”စာဖြစ်သွားတတ်သည်ဟု ကျွန်တော်ကြားခဲ့ဖူးသည်။ ပြောရမည်ဆိုလျှင် တစ်ဖက်သားအား စော်ကားရာရောက်သွားတတ်သည့် သဘောမျိုးပင် ဖြစ်လိမ့်မည်။ ထားတော့၊ အခု ကျွန်တော် ရေးချင်တာက သရော်စာဋီကာ မဟုတ်။ အကျယ်တ၀င့် ရှင်းပြရလောက်အောင်လည်း ကျွန်တော်က အများကြီး နှံ့စပ်သိရှိသူ မဟုတ်ခဲ့။ ကျွန်တော်ရေးချင်တာက မိတောစာအုပ်လေး၏အကြောင်းသာ ဖြစ်၏။

(ဆက်ဖတ်ရန်…)

June 4, 2013

ရှတတမိတော - Review by Author Shweainsi

 039.jpg

မိတောနှင့် စတင်သိကျွမ်းရသည်မှာဆန်ပိုးများဖြစ်သည်။ ယခင်က မလေး (အိမ့်ချမ်းမြေ့) မိတော ဇာတ်လမ်းများစွာ ကို ရေးခဲ့သည် ဟုဆိုသည်။ သို့သော် ကျွန်မ မဖတ်ဖူးခဲ့။အင်တာနက်ဘလော့ဂ်စာမျက်နှာကို နောက်ကျမှ ရောက်ရှိလာခြင်းကြောင့် ယခင်ရေးနှင့်ကြပြီးသော ဘလော့ဂ်စာများကို မဖတ်ရှုဖူးခဲ့ပေ။ အချိန်ရှားပါးမှုနှင့် မျက်လုံးပြဿနာကြောင့် စာစုံဖတ်ရှုနိုင်ဖို့၊ ရှာဖွေဖို့ခဲယဉ်းနေခဲ့သည်။ ‘မိတောနှင့်ဆန်ပိုးများ’ ကိုဖတ်ရှုမိချိန်တွင် သဘောတကျနှင့် အစမှ အဆုံးတိုင် ပေါ့ပါးရွှင်သာစွာ ဖတ်ရှုဖြစ်သွားသည်။ ဆန်ပိုးများကို တွေ့ရှိကာရှင်းလင်းဖြစ်ရာမှ ၎င်းဆန်ပိုးလေးများအကြောင်း စပ်စပ်စုစုရှာဖွေလေ့လာသည့် အကြောင်းမျှသာ ဖြစ်သော်လည်း ရေးသားပုံသွက်လက် အရွှင်ဓာတ်ပါကာ ခေတ်ကိုပါ မထိတထိသရော်စာလေးများဖြင့် ရိပ်ဖမ်း သံဖမ်းထည့်ရေးသွားသည်။

မိတောခမျာ သူ့ဆန်ပိုးများအကြောင်း ပြောပြရန် ကိုရင်သာအေးကိုလိုက်ရှာနေချိန်တွင် တွေ့မြင်လိုက်ရသောအဖြစ် သနစ်ကိုရေးပြသွားသည်မှာ တစ်ပိုဒ်ထဲနှင့် မျက်မှောက်ခေတ်ကို သိမ်းကြုံးသရော်သွားနိုင်သည်။

‘အင်တာနက်စာမျက်နှာ များပေါ်တွင် မြန်မာပြည်အရေးများဖတ်ပြီး မျက်နှာတည်တည်ကြီးဖြစ်နေသော ကိုရင်သာအေး ကိုလှမ်းမြင် လိုက်သည်။ သူ့မျက်နှာရိပ် မျက်နှာကဲကိုကြည့်ခြင်းဖြင့် မြန်မာပြည်တစ်နေရာရာမှာ မြစ်ရေလျှံပြန်ပြီလား၊ မီးပျက် ပြန်ပြီလား၊ မီးလောင်ပြန်ပြီလား၊ လက်ကိုင်ဖုန်းတွေ ဈေးတက်ပြန်ပြီလား၊ ဆည်တွေဆောက်ကြပြန်ပြီ လား၊ တောင်တွေ ဖြိုပြန်ပြီလား၊ ဘယ်သူက ဘယ်သူ့ကိုနမ်းပြန်ပြီလဲ…တစ်ခုခုတော့ ဖြစ်နေပြန်ပြီကို ရိပ်မိလိုက်ရပြန်သည်။ ဒါကြောင့် ဘာမှ မပြောဝံ့တော့ဘဲ အိမ်ပေါ်သို့ အသာလေးတက်လာလေသည်။’

မိတောရေးသားပုံမှာ အရွှန်းဖောက်နေခြင်းမဟုတ်သော်လည်း သူမ၏ပြုမူလှုပ်ရှားပုံကလေးများ၊ စကားများ၊ ပတ်ဝန်း ကျင်မှ လူများနှင့် ကူးလူးဆက်နွယ်သော အဖြစ်သနစ်များက ပြုံးစရာ၊ ရယ်မောစရာဖြစ်နေသည်။ တစ်နည်း လူ့စရိုက်၊ လူ့ သဘာဝကို အသော့လေး ဖော်ဆောင်နေသည့်နှယ်။ ‘ဆန်ပိုးများ’ ကို ဖတ်ပြီးပြီးချင်း မိတော၏ပုံရိပ်ကို အသေအချာမြင် ယောင်လာမိသည်။ အလားတူ မိတော စာစုများရှိနေသေးကြောင်း သိရှိရချိန်တွင် တစ်ပုဒ်အကြောင်းအရာတစ်မျိုးစီနှင့် လူနေမှုဝန်းကျင်၏ ကမောက် ကမ၊ ခေတ်၏ ယိုင်နဲ့မှုတို့ကို ဖော်ပြသွားလိမ့်မည်ဟု ခန့်မှန်းသိရှိခဲ့သည်။

မိတောစာစုများ စုစည်းထုတ်ဝေမည်ကြားရသောအခါ ၀မ်းသာမိသည်။ မိမိ မဖတ်ရသေးသော မိတောစာစုများကို တစ်စု တစည်းတည်း ဖတ်ရတော့မည်။ သို့သော် တော်တော်နှင့် မိတောက စာအုပ်အဖြစ်ရောက်ရှိမလာ။ စာရေးသူက ဝေးလံ လှသော ကနေဒါနိုင်ငံတွင် အခြေချနေထိုင်ခြင်းကြောင့် စာအုပ်တစ်အုပ်အဖြစ်ပုံဖော်ရန် လွယ်ကူချောမွေ့မှုရှိမည်တော့ မဟုတ်။ ထိုသို့ဖြင့် မေလလယ်ခန့်တွင် ‘မိတောရဲ့ရှတတနေ့စွဲများ’ အဖြစ်စာအုပ်ထွက်ရှိလာလေသည်။

ဦးစွာ စာအုပ်အပြင်အဆင်ကို နှစ်သက်သဘောကျစွာ သတိပြုမိခဲ့သည်။ နံ့သာရောင်ဖျော့ဖျော့နောက်ခံ တွင် ရှေ့မျက်နှာဖုံး ရှိ ကွန်ပြူတာတစ်လုံးနှင့် အလုပ်ရှုပ်နေသော ဆံရစ်ဝိုင်းလေးနှင့် မိတော သရုပ်ဖော်ပုံက ပြုံးမိစေသည်။ မိတော ဘာတွေများ အလုပ်ရှုပ်၊ ဘယ်လိုအရာတွေ ကြုံတွေ့ပြုံးမိစေဦးမည်လဲ..။

(ဆက်ဖတ်ရန်…)

December 4, 2012

မိတောနှင့် ဆန်ပိုးများ

Filed under: ပြုံးစရာ, ၀တ္ထု (Novels) — အိမ့်ချမ်းမြေ့ @ 11:42 pm

မိတောတစ်ယောက် စနေ၊ တနင်္ဂနွေ ရုံးပိတ်ရက်မို့ မုန့်ဟင်းခါး (သို့မဟုတ်) အုန်းနို့ခေါက်ဆွဲ (သို့မဟုတ်) နန်းကြီး မုန့်တီ တစ်ခုခုလုပ်စားရန် နံနက်စောစော မီးဖိုထဲသို့ ဝင်လာခဲ့သည်။ ဆန်ကြာဇံ၊ ပဲကြာဇံထုတ်များထားသော ကုန်ခြောက်ထားသော အခန်းကလေးကို ဖွင့်လိုက်သည်။

အခန်းလေးထဲတွင် ကြာဇံခြောက်၊ ခေါက်ဆွဲခြောက်ထုပ်များ၊ ဆီသွပ်ဗူးအချို့၊ အခြားစားစရာဗူးများအပြင် မြန်မာပြည်မှ မုန့်ဟင်းခါးထုပ်၊ ပုန်းရည်ကြီးထုပ် စသည်တို့က သူ့အဆင့်နှင့်သူ သေသပ်စွာရှိနေသည်။

“ဟင်…”

ကြာဇံထုပ်များနားတွင် ပိုးကောင်မဲမဲသေးသေးလေး သုံးလေးကောင်ခန့်ကို တွေ့လိုက်ရသည်။ မိတော တံမြက်စည်းအသေးကလေးသွားယူပြီး အသာလေးဖယ်ထုတ်လိုက်သည်။ ကြာဇံထုပ်များကို ဖယ်ကြည့်လိုက်တော့လည်း အားလုံးက ရှင်းလင်းသေသပ်စွာ ရှိနေသည်။ မိတောလည်း မုန့်ဟင်းခါးကို (မြန်မာပြည်မှ အထုပ်မဟုတ်- မိတောလက်ဖြင့် ဆန်လှော်သည်မှအစ၊ ပဲကြီးထောင်းသည်အထိ အစမှအဆုံး ကိုယ်တိုင်ချက်ပြုတ်လေသော မုန့်ဟင်းခါး) တစ်နေကုန် စိမ်ပြေနပြေချက်ပြီး ညနေခင်းမှာ စိတ်မသန့်သလို ဖြစ်နေသေး၍ ကုန်ခြောက်များထားသော အခန်းကလေးကို ထပ်ဖွင့်လိုက်သည်။ ပစ္စည်းများကို အကုန်ဖယ်ထုတ်သော်လည်း အဆင့်များပေါ်တွင် ဘာပိုးကောင်မှ မရှိ။
မိတော ကြမ်းပြင်ပေါ်ထိုင်ချလိုက်ပြီး အခန်းကလေးထဲက အံဆွဲများအောက်သို့ ခေါင်းဝင်ငုံ့ကြည့်လိုက်သည်။

“အား…”

(ဆက်ဖတ်ရန်…)

October 10, 2012

မိတောနှင့် ဘဲဆီ

Filed under: ပြုံးစရာ, ၀တ္ထု (Novels) — အိမ့်ချမ်းမြေ့ @ 12:22 pm

တစ်နေ့သ၌ မိတောသည် မီးဖိုချောင်ထဲတွင် ငပိဖုတ်ရန်နည်းလမ်းကို ရှာကြံနေလေသည်။ ငယ်စဉ်က အဒေါ်များ ငပိဖုတ်သည်ကို မြင်ဖူးသည်နှင့်၊ ယောက်မတစ်ချောင်းတွင် ငပိကိုဇွန်းကလေးနှင့် ဖိကပ်ကာ၊ အိမ်အပြင်မီးဖိုကိုမွှေးကာ ယောက်မကို မှောက်လျှက် ငပိကင်လေသည်။ ငပိနံ့ကလေးသင်းလာသည်နှင့် တပြိုင်နက် ထုံးစံအတိုင်း ကနေဒီယန်ယင်ကောင်များသည် အရူးအမူးဖြစ်ပြန်သဖြင့် ထင်းရူးတောများကိုဖြတ်လျှက် ကဆုန်ဆိုင်းပျံသန်းလာကြလေ၏။ မိတောလည်း “နေနှင့်ကြဦး” ဟု ယင်ကောင်များကို ကြိမ်းဝါးကာ၊ မီးဖိုအဖုံးကို ပိတ်လိုက်ပြီး အိမ်ထဲမှာ အခြေအနေကိုစောင့်ကြည့်နေလေသည်။
ယင်ကောင်များသည်လည်း မီးဖိုနားမှာ ၀ိုင်းအုံပျံသန်းနေသော်လည်း အဖုံးပိတ်ထားသည်မို့ ဘာမှလုပ်မရ။

“ခုတော့ နင်တို့.. ဘာတတ်နိုင်သေးလဲ.. ဟွန်း”

ယင်ကောင်များကို အိမ်ထဲမှချောင်းကြည့်ရင်း လက်သီးလက်မောင်းတန်းနေသော မိတော… မျက်လုံးပြူးသွားသည်။ အကြောင်းမှာ အဖုံးပိတ်ထားသော မီးဖိုထဲမှာ မီးထတောက်နေသည်ကို မြင်သောကြောင့်ဖြစ်လေသည်။

အိမ်အပြင်ကို ကသောကမျောအမြန်ထွက်၊ အဖုံးကိုလှန်ကြည့်မိတော့…

ငပိများလည်း မီးထဲအကုန်ပြုတ်ကျ၊ အရည်ပျော်လောင်ကျွမ်းကာ၊ ယောက်မပါ မီးကူးလျှက် တစ်ခြမ်းပဲ့သွားလေ၏။

မိတောလည်း စိတ်တိုတိုနှင့် ကွန်ပြူတာကိုဖွင့်ကာ အင်တာနက်တစ်ခွင် ငပိဖုတ်နည်းရှာကြည့်လိုက်သည်၊ မတွေ့။ ဟင်းချက်နည်းဝက်ဆိုက်များစွာတွင် ဟင်းချက်နည်းပေါင်းများစွာကို ကျွမ်းကျင်ပိုင်နိုင်စွာလက်စွမ်းပြလျှက်၊ လှလှပပပြင်ဆင်လို့ တင်ထားနိုင်လွန်းသည့် မမများ ညီမများ၏ ဓာတ်ပုံများကို ငေးမောလျှက်နေရလေသည်။ သို့နှင့် ငပိလေးတောင် ဖြောင့်မတ်အောင် မကင်နိုင်သော ကိုယ့်ကိုကိုယ်ဒေါသထွက်ပြီး၊ ဖဘပေါ်တက်ကာ စကားလုံးရှစ်လုံးဖြင့် ဖောက်ခွဲပစ်လိုက်၏။

(ဆက်ဖတ်ရန်…)

September 21, 2012

မိတောနှင့် အမွှာတံတားကြီး

Filed under: စာစု, ပြုံးစရာ, ၀တ္ထု (Novels) — မလေး @ 9:32 am

p2.jpg

နံနက်ခင်း အစောကြီး အိပ်ရာထလို့ ရုံးသွားရသည်ကို မိတော အလွန်နှစ်ခြိုက်မိသည်။ နှစ်ခြိုက်ရခြင်းအကြောင်းကတော့ နံနက်ခင်းစောစောများတွင် အရာရာသည် လှပလတ်ဆတ်နေတတ်သောကြောင့်ဖြစ်သည်။ ကြယ်အစုံကို မြင်ရတတ်သော နံနက်ခင်းကောင်းကင်၊ လူသူတိတ်ဆိတ်သော လမ်းမကြီးများ၊ ညံ့သက်လှသော နံနက်ခင်းလေပြေ ဖြင့် အရာရာသန့်စင်လှပနေသော လောကကြီးပင် ဖြစ်လေသည်။

ပြောင်လက်အောင် မဆေးထားသော လက်ညစ်ပတ်ကြီးများဖြင့် စောင်းကြိုးများပေါ်မှာ မတီးခတ်စဉ်၊ စောင်းကြိုးတို့သည် ညင်သာနူးညံ့လျှက်၊ မွေးပျံ့သန့်စင်လျှက် ရှိသကဲ့သို့ သြကာသလောကကြီးသည်လည်း လူသားတို့ မနိုးထမှီတွင် အလွန်မွှေးပျံ့သန့်စင်လျှက် ရှိကုန်လေ၏။

ကောင်းကင်က ကြယ်လနက္ခတ်တို့သည်လည်း ပိုလို့ တောက်လက်နေသယောင်၊ နွေနှောင်းပန်းတို့သည်လည်း ပိုလို့ မွှေးပျံ့လေသယောင်။ နံနက်ခင်း ကော်ဖီရနံ့တို့သည်လည်း ပိုလို့ချိုအီနေသယောင်။ ထို့အပြင်…. ကားလမ်းမကြီးတို့ပေါ်တွင်လည်း တစ်စင်းတစ်လေသာရှိသည့် ကားလေတိုးသံတို့သည် လည်းကောင်း၊ မီးရောင်မှိန်မှိန် တောင်တန်းပြာတို့သည် လည်းကောင်း၊ တိတ်ဆိတ်သော ရုံးကော်ရစ်ဒါများသည် လည်ကောင်း စာရေးချင်သော မိတောနှလုံးသားတို့ကို တအိအိလိမ့်သော လှိုင်းလုံးငြိမ့်ငြိမ့်လေးများသဖွယ် လှုပ်ခတ်နှိုးဆော်လေသည်။

(ဆက်ဖတ်ရန်…)

August 30, 2012

မိတောနှင့် ၀ါးမီးတိုင်များ

Filed under: စာစု, ပြုံးစရာ, ၀တ္ထု (Novels) — အိမ့်ချမ်းမြေ့ @ 3:59 pm

bamboo.jpg

နွေရောက်ပြီဆိုရင် မိတောမှာ အိနြေ္ဒမဆယ်နိုင်လောက်အောင်ပင် ပျော်ရွှင်နေတတ်သည်။ ပန်းပင်၊ ပန်းခိုင်၊ ပန်းခက်အမျိုးမျိုးကို ပန်းဆိုင်တွေမှ ၀ယ်လျှင်ဝယ်၊ မ၀ယ်လျှင်လည်း အမေ နှင့် အဒေါ် ထံမှ မျိုးစေ့ ပန်းစေ့များသာမက အပင်ပေါက်များကိုပါ “မ” လာတတ်သည်။ အောင်မြင်ရှင်သန် ဖြစ်ထွန်းသွားပြီး အသီးအပွင့်ဝေေ၀ဆာဆာနှင့်ဆိုလျှင် မိတော မျက်နှာက မှိုရသလိုဖြစ်နေတတ်သည်။ ဒါ့အပြင် ညည ကြည်လင်သော ကောင်းကင်ပြင်ကို ဖျာကြမ်းချ၍ ပက်လက်တစ်မျိုး၊ ခုံပေါ်မှာ ကလေးလို ဇောက်ထိုးမျှော်၍ တဖုံ၊ ကြယ်လ နက္ခတ်များကို ငေးမောကြည့်တတ်သေးသည်။ တစ်ဆောင်းတွင်းလုံး အိမ်နံမည်စိုး၍ မကြော်မလှော်ဘဲ အောင့်အီးပြီး ကြုံရာကြိတ်မှိတ်စားခဲ့သမျှ အတိုးချ၍ အိမ်အပြင်မီးဖိုတွင် ငပိ၊ ငါးခြောက်၊ ငံပြာရည်၊ ငရုတ်သီး မျိုးမျိုးဖြင့် ချက်အပ်သော ရနံ့မျိုးစုံလှသော မြန်မာအစာများကိုလည်း ကြော်လှော်ချက်ပြုတ်တတ်သေးသည်။

(ဆက်ဖတ်ရန်…)

July 13, 2012

မိတောနှင့် အညိုရိပ်၅၀

Filed under: စာစု, ပြုံးစရာ, ၀တ္ထု (Novels) — အိမ့်ချမ်းမြေ့ @ 12:17 pm

ဒီမိုးမှောင်ကို မိတော မုန်းနေတာကြာပြီ။ နေရောင်ခြည်လင်းလာသည်နှင့် မိတောတစ်ယောက် ထမင်းစားချိန်ကို အကြောင်းပြုကာ၊ အလုပ်တွေအကုန်ပစ်ချ လမ်းလျှောက်ထွက်ဖို့ပြင်လေသည်။ အလုပ်ကလည်းများ၊ နေသာတော့ လမ်းကလည်းထွက်လျှောက်ချင်၊ ဒီကြားထဲမှာ ဥရောပဖလားကိုလည်း ကြည့်ချင်လိုက်သေးသည်။ gym ထဲမှာ ကစားရင်း ဘောလုံးပွဲကြည့်လို့ဖြစ်သော်လည်း ဒီအချိန်ဆို လူကများမည်၊ လူတွေများလျှင် မိတောက ရှက်တတ်သေးသည်။ နောက်ဆုံးတော့ အပြင်လမ်းထွက်လျှောက်ရန် ဆုံးဖြတ်ကာ ခြေလက်သန့်စင်၊ တီရှပ်လဲ၊ ဖိနပ်လဲရန် gym ဘေးမှ အ၀တ်စားလဲခန်းထဲသို့ သွားရန်ပြင်လေသည်။

မသွားခင် အခန်းထောင့် ဖိုင်တွဲသေတ္တာနားမှာ ကင်းဗတ်တစ်ရံရှိနေသဖြင့် အလုပ်လုပ်ရင်း ဖုန်းပြောရင်း မိတော ဖိနပ်ကိုလဲလေသည်။ ဖုန်းကတစ်ဘက်ဖြင့် စားပွဲနားမှာ ကုန်းကုန်းကြီးဖြစ်နေသဖြင့် ဖြတ်သွားဖြတ်လာ လုပ်ဖော်ကိုင်ဘက် သူငယ်ချင်းမများက ကွက်ကြည့်ကွက်ကြည့် လုပ်လေ၏။
မိတောဖုန်းချအပြီး အခန်းထဲသို့ သူငယ်ချင်းမ ခရစ်စတင်း ၀င်လာလေသည်။ လက်ထဲမှာလည်း စာအုပ်တစ်အုပ်ကိုင်ထားလေသည်။ မိတော မျက်လုံးကိုလှန်ကြည့်လိုက်သည်။

“မင်း ဟိုနေ့က ရှယ်ရီ ကို စာအုပ်အဖုံးဖုံးပေးလိုက်တာ သိပ်လှတာပဲ”

မိတော ကိုယ့်ကိုကိုယ် နည်းနည်းမြောက်သွားသည်။ “ဟဲဟဲ” ဟုတောင် အသံထွက်ရယ်ချင်သွားသည်။

“အဲဒါ.. သူ့စာအုပ်ကိုဖုံးပေးသလို ငါ့ရဲ့ ဒီစာအုပ် ဖုံးပေး”

ခရစ်စတင်း က သူမလက်ထဲက စာအုပ်ကို စားပွဲပေါ်သို့ ငြင်သာသိမ်မွေ့စွာပါပဲ “ဖုန်း”ဆို ပစ်ချလိုက်သည်။ မိတော စာအုပ်အဖုံးကို ကြည့်လိုက်ပြီး သက်ပြင်းကို ခပ်ကျယ်ကျယ်ချပစ်လိုက်သည်။ စာအုပ်က အမျိုးသမီးစာဖတ်ပရိတ်သတ်တွေကြားမှာ လောလောလတ်လတ် ရေပန်းစားနေသော “Fifty Shades of Gray” ဆိုသည့် စာအုပ်။ တော်ရုံလူ မဖတ်သင့်သော စာအုပ်ဟု မိတော တွေးထင်ထားသည်။ စာမျက်နှာ ၂မျက်နှာလောက်တိုင်းမှာ မောင်နှင့်နှမ သားနဲ့အမိ မပြောနှင့် တစ်ယောက်ထဲတောင် ဖတ်ပြီး နောက်ကျောမလုံသော အကြောင်းများပါသော စာအုပ်။ ဒါတွေဘယ်လိုသိသလဲမေးလျှင် ဗဟုသုတရရန် ၁၀မျက်နှာခန့်လှန်မိပြီး ပစ်ချထားခဲ့မိသည့်စာအုပ်ဟူ၍ အတိုချုပ်သာ မိတော ပြောလိုသည်။ ရှယ်ရီ့ကို ဖုံးပေးလိုက်ရသည်မှာလည်း ထိုစာအုပ်ပင်ဖြစ်လေသည်။ စာအုပ်ကို ကိုင်လိုက်စဉ်မှာ ရှယ်ရီ ကပါ အခန်းထဲ ၀င်လာသည်။

“သူ့ကို အဲဒါပေးဖတ်မလို့လား၊ ပေးမဖတ်နဲ့ သူနဲ့မကိုက်ဘူး၊ သူက ရိုးတယ်”

(ဆက်ဖတ်ရန်…)

May 31, 2012

မိတောနှင့် ပုရွက်ဆိတ်သိုင်းလေပွေရိုင်း

Filed under: စာစု, ပြုံးစရာ, ၀တ္ထု (Novels) — အိမ့်ချမ်းမြေ့ @ 2:29 am

ဝက်သစ်ချပင်ကို လက်အုပ်ချီကာ မျက်စိမှိတ်လျှက် အသက်ကိုရှုသွင်းလိုက်သည်။ အသက်ကိုအောင့်ထားပြီး ဖြည်းဖြည်းချင်း ရှုထုတ်လိုက်သည်။ ထို့နောက် အဘိုးကြီးလုပ်သည်အတိုင်း ……………..

(ဆက်ဖတ်ရန်…)

September 1, 2011

ရှင်ဂွိရဲ့နံနက်ခင်း

Filed under: ပြုံးစရာ, ၀တ္ထု (Novels) — အိမ့်ချမ်းမြေ့ @ 5:29 pm

ကျယ်လောင်သော အသံတစ်သံကြောင့် ရှင်ဂွိတစ်ယောက် လန့်နိုးလာသည်။

ခေါင်းရင်းမှာထားသည့် နာရီနှိုးစက်သံကြောင့်လား၊ မဟုတ်။
ခေါင်းအုံးအောက်မှာထားသည့် ဆဲလ်ဖုံးနှိုးစက်သံကြောင့်လား၊ မဟုတ်။
အိပ်ခန်းတံခါးကို လာခေါက်သံ တစ်သံကြောင့်လား၊ ဒါလဲ မဟုတ်။

(ဆက်ဖတ်ရန်…)

February 2, 2011

ဗင်ကူးဗားမှ မြန်မာများအကြောင်း (၂)

Filed under: ပြုံးစရာ — အိမ့်ချမ်းမြေ့ @ 2:12 am

စောင်

headertruck.png

တစ်နေ့တွင်.. စာရေးသူတို့မြို့တွင် လူတစ်ဦးက စားပွဲတစ်လုံးကို ၀ယ်လေသည်။ ထိုစားပွဲကို ကိုယ်ထူကိုယ်ထ စနစ်ဖြင့် အိမ်သို့သယ်ရန် နောက်ထပ်လူနှစ်ဦးက U_Haul ထရပ်ကား တစ်စင်းကို ဌားလေသည်။ ထိုထရပ်ကားထဲတွင် ပစ္စည်းပစ္စယ သယ်ပိုးရန် လှည်းကလေးများ၊ လှေကားတိုလေးများအပြင် မကွဲမရှရန် ထုတ်ပိုးနိုင်သော စောင်ကြမ်းများပါ ပါလေသည်။ ထိုနေ့က စားပွဲအပြင်၊ အခြားသယ်ယူပို့ဆောင်စရာ ကိစ္စများကိုပါ မြန်မာအချင်းချင်း ကူညီသည့်အနေဖြင့် ရပ်ကွက်ထဲလှည့်လာကာ ထိုသူနှစ်ဦးက သယ်ယူပို့ဆောင်ပေးလေသည်။ တစ်နေကုန် သယ်ယူပို့ဆောင်မှု ပြုလုပ်ပြီးသောအခါ ထရပ်ကား ပြန်အပ်ရန် အချိန်တန်သဖြင့် လှေကားတိုလေးများ၊ လှည်းများ စသည်တို့ကို ထရပ်ကားထဲ ပြန်စီထည့်ကြသည်။ စောင်ကြမ်းများကိုလည်း သေသေသပ်သပ်ခေါက်နေရင်း.. တဖွဖွဖြင့် အကျေနပ်ကြီး ကျေနပ်နေကြလေသည်။

(ဆက်ဖတ်ရန်…)

July 21, 2009

ဗင်ကူးဗားရောက် မြန်မာများအကြောင်း

Filed under: ပြုံးစရာ — အိမ့်ချမ်းမြေ့ @ 12:32 pm

အဲဒီနေ့မနက်က အသိအန်တီကြီးတစ်ယောက်အိမ်ကို ကိစ္စလေးတစ်ခုနဲ့သွားတယ်။ သူက စကားဝဲ၀ဲပြောတဲ့ အန်တီမွန် လို့ ကျမကခေါ်တဲ့ ကရင်အမျိုးသမီးကြီးတစ်ယောက်ပါ။ ဒီမှာက နွေရာသီရောက်ရင် သိပ်ပျော်စရာကောင်းတော့ သူ့ကို ကျမတစ်ခါက ပြောဖူးတယ်။ နွေမှာ မိသားစုနဲ့ တောထဲမှာတဲထိုးပြီး camp ထွက်ရင် ပျော်စရာကောင်းတဲ့အကြောင်း။ အိမ်အလုပ်၊ ရုံးအလုပ်တွေနဲ့ ခဏတာဝေးပြီး လူသူနည်းတဲ့ ထင်းရှုးပင်တွေကြားမှာ တဲကလေးထိုးပြီး နီးရာချောင်းကငါးကိုမြှား၊ မီးဖိုပြီးကင်စား၊ အဲသလိုမျိုးနေဖို့ကောင်းတဲ့ ရာသီမျိုးလို့ပြောဖူးတယ်။ ဒါကိုသူက သဘောကျသွားပြီး ဟိုတစ်လောက မိသားစုနဲ့ camp သွားတယ်ကြားလိုက်တယ်။ အဲဒီမနက်က သူ camp သွားခဲ့တဲ့အကြောင်းမေးတော့ သူက စိတ်ပျက်လက်ပျက်နဲ့ ထိုင်ချလိုက်ပြီး အမယ်လေး… သဲရယ်… လို့ အစချီပါလေရော…။

စကားမစပ်… ကျမ အမည်က သဲ လဲမဟုတ်ဘူး။ အမည်ထဲမှာလဲ ဘယ်တုန်းကမှ သဲ မပါဘူး၊ ကျောက်ခဲ၊ ဘိလပ်မြေ စသဖြင့်လဲမပါဘူး။ ဒါပေမယ့် အန်တီမွန်က ဘာစိတ်ကူးရပြီး ကျမကို သဲရယ်.. သဲရယ်… နဲ့ခေါ်လဲမသိ။ ဒါပေမယ့်လည်း မပြင်တော့ဘူး။ သူလဲ နှုတ်ကကျိုးနေသလို၊ ကျမလဲ နားယဉ်သွားပါပြီ။ သူကဆက်ပြောတယ်။

“သဲ.. ပြောလို့ camp သွားပါတယ်။ ငါးကလဲ တစ်နေကုန်မျှားတာတောင် တစ်ကောင်တောင် မရပါဘူး။ ညညဆို ခြင်က ကိုက်သေးတယ်။ ခြင်ဆေးတွေတော့ ပါသွားပါတယ်။ ဒါပေမယ့် ကိုက်တာကတော့ ကိုက်တာပဲ သဲရေ့။ မနက်မျက်နှာသစ်တော့လဲ ချောင်းထဲကရေက ရေခဲရေလိုပါပဲလား… အေးစက်နေတာပဲ။ အန်တီမွန် တော့ သုံးရက်လောက်တောင် ရေမချိုးခဲ့ဘူး။ သဲပြောလို့ အပျော် camp ထွက်ပါတယ်… နယ်စပ်က camp ပြန်ရောက်သွားသလိုပါပဲလား သဲ..ရယ်” လို့ သူ့ရဲ့ ခြေတွေလက်တွေက ခြင်ကိုက်ဖုတွေကို ပြပြပြီး စကားဝဲ၀ဲနဲ့ ပြောတော့တာပါပဲ။

ကျမလဲ ဘာဆက်ပြောရမှန်းမသိတော့ ဒီလိုပဲ ရယ်နေလိုက်ရတယ်။ ဒီလိုနဲ့စကားပြောအပြီး အိမ်အပြန်လမ်းမှာ အန်တီမွန့်ဧည့်သည် အစ်မကြီးတစ်ယောက်နဲ့ နောက်အန်တီတစ်ယောက်ကို ကားကြုံခေါ်လာခဲ့တယ်။ လမ်းမှာ စကားစမြည်ပြောလာကြတယ်။ သူတို့က ဒီကိုရောက်တာ သိပ်မကြာသေးတော့ လောလောဆယ် ဘတ်စ်ကားစီးစဉ် သွားရလာရအဆင်ပြေအောင် ဒီမြို့မှာ တောင်နဲ့မြောက်တန်းနေတဲ့လမ်းတွေက street တွေဖြစ်ပြီး၊ အရှေ့နဲ့အနောက်တန်းနေတဲ့လမ်းတွေက avenue တွေဖြစ်ကြောင်း၊ လမ်းပျောက်ရင် တောင်တွေရှိရာဘက်က မြောက်အရပ်ဖြစ်ကြောင်း စသဖြင့် ဝေမျှနေတယ်။ အဲဒီမှာ အစ်မကြီးက အားရပါးရကြီး ရင်ဖွင့်တော့တာပါပဲ။ သူကလဲ ကျမကို အန်တီမွန်ခေါ်သလို သဲ.. ဆိုပြီး လိုက်ခေါ်နေတယ်။ တစ်ခါခေါ်ခံရတိုင်း ကြက်သီးတစ်ခါထတယ်။ “ကျမ အမည်က သဲ.. မဟုတ်ပါဘူး” လို့ ပြောရမှာလဲ အားနာနေတယ်။ အဲဒီနေရာမှာသာ ဒီနိုင်ငံပုံစံနဲ့ “I’d like to be addressed as ……. ပါ” ဆိုပြီး ပြောလိုက်လို့ကတော့ ရိုက်ပေါက်။ သူကတော့ အားရပါးရ.. ကျမကို အစ်မသဲ.. ဆိုပြီး စကားတွေဆက်ပြောနေတယ်။

“အစ်မသဲရယ်… ကျမတို့ တိုင်းပြည်မှာ ကာဖျူးထိတာ လွန်လှပြီထင်တာ… ဒီမြို့မှာ ကာဖျူးထိထားတာ တော်တော်ကြာတာပဲနော်…. ပြင်းလဲပြင်းထန်တယ်”

“ရှင်…”

“ဟုတ်တယ်လေ.. ကျမတို့တိုင်းပြည်မှာက ည မထွက်ရဘဲ ကြားဖူးတယ်…။ ဒီမှာက နေ့ဘက်တောင် လူတွေမထွက်ကြရဘူး၊ လူမပြောပါနဲ့အစ်မရယ်.. ခွေးတွေတောင်မထွက်ရဘူးဆိုတော့ သူတို့က ပိုတင်းကျပ်တာပဲ… ခုနောက်ပိုင်းမှ နည်းနည်းတော်လာပုံရတယ်”
ကျမလဲ ဘာပြန်ပြောရမှန်းမသိလို့ ထုံးစံအတိုင်း ပြုံးပဲနေလိုက်တယ်။ သူက ဆက်ပြောတယ်။

“အစ်မသဲက တောင်တန်းတွေရှိတဲ့ဘက်က မြောက်အရပ်ဆိုလို့ ပြောရဦးမယ်။ ကျမနဲ့ကျမ သူငယ်ချင်းဟိုတစ်လောက အသိတစ်ယောက်ဖိတ်လို့ Richmond မြို့ကိုသွားပြီး Vancouver ကိုအပြန်မှာ ကျမသူငယ်ချင်းကလဲ လိုင်စင်စရကာစ၊ လမ်းတွေလဲမကျွမ်းကျင်သေးတော့ လမ်းတွေပျောက်တာအစ်မရယ်..။ အသိက တောင်တွေနောက်သာလိုက်.. Vancouver ပြန်ရောက်သွားလိမ့်မယ်ဆိုလို့ တောင်တွေရှိရာနောက်မောင်းတာ မောင်းရင်းမောင်းရင်း တောင်တန်းကြီးတွေက မျက်စိရှေ့ကပျောက်သွားကော။ နောက်ဆုံး ပင်လယ်ကမ်းစပ်ဘက်ရောက်သွားတယ် အစ်မသဲရေ့….”

“အဲဒီတော့ အစ်မတို့ အိမ်ကိုဘယ်လိုပြန်ရောက်အောင်ပြန်လဲ”

ကျမတို့ တစ်ယောက်နဲ့တစ်ယောက် အစ်မ အပြန်အလှန်ခေါ်ပြီး ပြောနေတာကို ကိုယ့်ဟာကိုယ် ရယ်ချင်နေမိတယ်။

“Vancouver ဆိုတဲ့ ဘစ်ကားကြီးနောက်ကနေ လိုက်မောင်းရင်း ပြန်ရောက်သွားတာပါပဲ….” တဲ့။

—————

(ဆက်ဖတ်ရန်…)

January 12, 2009

လူကြုံ

Filed under: ခရီးသွားမှတ်တမ်း, စာစု, ပြုံးစရာ — အိမ့်ချမ်းမြေ့ @ 3:19 pm

“တီတီ.. တီတီ..”

“Phone call for you Madam”

“ကျေးဇူးတင်ပါတယ်ညီမ”

“ဟလို… ဟုတ်ပါတယ်ရှင်.. ”

“ရှင်.. ဟုတ်ကဲ့၊ အစ်မ reception မှာထားခဲ့တဲ့ လူကြုံပစ္စည်းရပါတယ်။ စိတ်ချပါ၊ ယူသွားပေးပါ့မယ်ရှင်။”

“ရှင်.. reception မှာထားခဲ့တဲ့ ပစ္စည်း ရ၊ မရ ကျွန်မ အစ်မကို ဖုန်းဆက်ပြီး အကြောင်းမပြန်လို့ အစ်မ ခုလို ကျွန်မဆီ ဖုန်းဆက်မေးရတာ ဟုတ်လား”

(အဲတော့… ဒီပစ္စည်းကို ဒီဟိုတယ်ကလူတွေက မပေးပဲ ယူထားမယ်များထင်နေလို့လားမသိ။ လူကြုံပစ္စည်း reception မှ တဆင့်ရတိုင်း ဖုန်းပြန်ဆက်ပြီး ရကြောင်းပြောရမယ်ဆိုရင်.. အင်း ဟိုတယ်က တစ်မိနစ်ကို ဒေါ်လာနဲ့ တောင်းတော့ လူကြုံအယောက်သုံးဆယ်လောက်ကို ပစ္စည်းရကြောင်းသာ အကြောင်းပြန်ရမယ်ဆိုရင်.. ဘုရားဘုရား.. ငါတော့ …)

(ဆက်ဖတ်ရန်…)

August 9, 2008

မေတ္တာရပ်ခံချက်..

Filed under: ပြုံးစရာ — မလေး @ 2:23 am

ကျွန်မ၏ အိမ့်ချမ်းမြေ့ ဘလော့ဂ်နှင့် ပတ်သက်ပြီး…

အီးမေးလ် ပို့ပြီး မေးကြသူ သူငယ်ချင်းများ၊ စာဖတ်သူ ညီ၊ ညီမငယ်များ အကို၊ အမ များအားလုံး လောလောဆယ် ဒီမှာပဲ ဖတ်ထားပေးစေလိုပါတယ်။ ယခုချိန်ထိတော့ တစ်သက်လုံး အနောနမတ်စ် အနေဖြင့် နေသွားမည် ဟူသော ကျွန်မ၏ စိတ်ဆန္ဒကိုလဲ နားလည်ပေးစေလိုပါတယ်ရှင်…။

ကျွန်မရဲ့ စာတိုပေစများကို အမြဲအားပေးသော ၀ါသနာတူ စာရေးသူများ၊ စာဖတ်သူများ အားလုံးကို လေးစားခင်မင်လျှက်…

October 11, 2007

ရှပ်အကျီ င်္

Filed under: ပြုံးစရာ — မလေး @ 11:45 pm

ကြာတော့ကြာခဲ့ပါပြီ။ ကျွန်မငယ်ငယ်က နေခဲ့တဲ့မြို့မှာ မိန်းကလေးတွေ ရှပ်အင်္ကျီပွပွကြီးတွေနဲ့ ထမီကိုဒူးဖုံးရုံ ၀တ်ကြတဲ့ ခေတ်တစ်ခု ပေါ်ခဲ့တယ်။ မိန်းကလေးတွေ သူတို့အဖေတွေ၊ အကိုတွေ၊ မောင်တွေရဲ့ အင်္ကျီတွေယူဝတ်တဲ့ခေတ်ပေါ့၊ ကျွန်မတို့ လမ်းထဲမှာကလဲ တစ်လမ်းလုံးနီးပါး ဆွေမျိုးတွေ စုနေကြတော့ အမတွေ၊ အကိုတွေ၊ မောင်တွေဟာ တော်တော်ရင်းရင်းနှီးနှီး ကိုချစ်ကြတယ်။ ကြီးသူကိုရိုသေ ငယ်သူကိုလေးစားတဲ့ တစ်ချိန်ထဲမှာ သူငယ်ချင်းတွေလိုလဲဖြစ်နေကြတယ်။ စာအုပ်စာတမ်းတွေ၊ ဖတ်စာအုပ်တွေ၊ လက်ဆင့်ကမ်း သုံးကြတယ်။ ဒါပေမယ့် ဟိုလူဒီလူ အင်္ကျီတွေတော့ ယူဝတ်လေ့ မရှိကြဘူး။

တစ်နေ့တော့ ကျွန်မရဲ့ ၀မ်းကွဲအမတစ်ယောက်က ဗြိတိသျှသံရုံးမှာ စာအုပ်သွားငှားမယ် ဆိုပြီး အဖော်လာစပ်တယ်။ ကျွန်မလဲ အ၀တ်အစားလဲပြီး သူ့ အိမ်ကို ချက်ချင်း လိုက်သွားတယ်။ သူ့ အိမ်ရောက်တော့ သူကဘာ စိတ်ကူးပေါက်တယ် မသိဘူး။ သူ့ အကိုရဲ့ ဗီဒိုကိုဖွင့်ပြီး သူ့ စိတ်ထဲမှာ သဘောအကျဆုံး ရှပ်အင်္ကျီတစ်ထည်ကို ကောက်ဝတ်လိုက်တယ်။ ပြီးတော့ မိန်းကလေးတို့ ထုံးစံအတိုင်း နှုတ်ခမ်းနီ ဘာညာဆိုးတယ်။ ပြီးတော့ ညီအမနှစ်ယောက်သား လိုင်းကားစီးပြီး မြို့ထဲကို ထွက်ခဲ့ကြတယ်။

သံရုံးလမ်းဒီဘက်ထိပ်က လမ်းလျှောက်လာကြတုန်း ခပ်လှမ်းလှမ်းမှာ အဲဒီအကိုနဲ့ သူ့ သူငယ်ချင်း တစ်ယောက်ကို တိုက်တိုက်ဆိုင်ဆိုင်ပဲ မျက်နှာချင်းဆိုင်မှာ လျှောက်လာနေတာ တွေ့လိုက်တယ်။ အနားရောက်တော့ အကိုက ညီမလေးတို့ သံရုံးလာတာလားလို့ မေးတယ်။ မျက်လုံးက အမရဲ့အင်္ကျီကို ကြည့်နေတယ်။ မျက်နှာကလဲတစ်မျိုး ဖြစ်နေတယ်။ အကို့သူငယ်ချင်း မျက်နှာကလဲ မချိုမချဉ် ဖြစ်နေတယ်။ အမကတော့ ဘာမှမသိဘူး ထင်တယ်။ နောက်နေ့ကျတော့ အဲဒီအမ သ်ိခဲ့ရတာကတော့ သူဝတ်ထားတဲ့အင်္ကျီက အဲဒီနေ့က အကို့ဘေးမှာရပ်နေတဲ့ အကို့သူငယ်ချင်းရဲ့ အင်္ကျီဆိုတာကိုပေါ့။ ဒါကို သူက ကျွန်မကို တော်တော်ကြာမှ ပြောပြခဲ့တယ်။
သူသာ စောစော ပြောခဲ့ရင် ခုလို မျက်နှာပူစရာ အဖြစ်တစ်ခု ဖြစ်လာခဲ့မှာ မဟုတ်ဘူး။

ဘာဖြစ်လို့လဲဆိုတော့ ကျွန်မက အထက်တန်းကျောင်းသူကြီး မမကို အားကျပြီး လမ်းထဲက ဆရာ တစ်ယောက်အိမ်မှာ ကျုရှင်တက်တဲ့တစ်နေ့။ ဖေဖေ့ရဲ့အင်္ကျီ တစ်ထည်ကို အပေါ်အင်္ကျီ အနေနဲ့ ၀တ်သွား လိုက်တယ်။ထမီကို အရှည်ကြီး ၀တ်ရတာ သိပ်နှစ်သက်တဲ့ ကျွန်မ…. အဲဒီနေ့က ထမီကိုလဲဒူးဖုံးရုံ ၀တ်သွားလိုက်တယ်။ သနပ်ခါးလိမ်းရမှာတောင် စိတ်ညစ်တဲ့ ကျွန်မ အဲဒီနေ့က နှုတ်ခမ်းအနီရောင် ဆိုးသွားလိုက်တယ်။ အမှန်တော့ အဖေ့ရဲ့ အဲဒီအင်္ကျီကို
ဝတ်ချင်နေတာ ကြာပါပြီ။ အင်္ကျီအရောင်ကလဲ ကျွန်မသိပ်ကြိုက်တဲ့ အရောင်၊ နောက်ပြီး ရှေ့မှာလဲ အိတ်တွေ အများကြီးနဲ့။ ရှေ့တင်မက ဘေးက ခါးချုပ်ရိုးပေါ်မှာပါ အိတ်လေးတွေ ရှိတယ်။ ကျူရှင်မှာလဲ ဂစ်တာတီးဖော် သူငယ်ချင်း မိန်းကလေးတွေသာမက၊ (၁)လမ်းထိပ်က ကျွန်မဦးလေး ဖြစ်သူ ဂစ်တာဆရာဦးအောင်ခိုင့်တပည့် သူငယ်ချင်းယောင်္ကျားလေးတွေကပါ သဘောကျပြီး ချီးကျူး နေကြတာပေါ့၊

“နင့်ကုတ်ကအရမ်းမိုက်တာပဲ၊ဘယ်သူ့ကုတ်အင်္ကျီလဲ” ဆိုတော့….
“ငါ့ကုတ်အင်္ကျီပေါ့ဟဲ့”လို့ ဂုဏ်ယူဝင့်ကြွားစွာနဲ့ ပြောလိုက် မိတယ်။
ဒီလိုနဲ့ ည နဲနဲမှောင်လာတဲ့အချိန်မှာ ဆရာကတော်က ကျွန်မကို သမီးအိမ်က လိုက်လာတယ်လို့ စာသင်ခန်းထဲဝင်ပြီး လာပြောတယ်။ နောက်လှည့်ကြည့်လိုက်တော့ ကားမောင်းတဲ့ ဦးကြီးစန်းရဲ့ သမီးလေးက အတန်းရဲ့နောက်မှာ ရောက်နေတယ်။ သူ့လက်ထဲမှာလဲ ကျွန်မရဲ့ အနွေးထည် အပါးလေး တစ်ထည်လဲ ကိုင်ထားတယ်။ ပြီးတော့ အသံစာစာလေးနဲ့ တစ်တန်းလုံး ကြားအောင် ပြောလိုက်တယ်။

“မမ..မမဖေဖေက အရေးတကြီးနဲ့ အပြင်သွားရမှာမို့ သူ့အင်္ကျီ ပြန်ပေးလိုက်ပါ” တဲ့လေ။

<သောင်္ကြာနေ့၊ မေလ ၁၁ရက်၊ ၂၀၀၆>

Creative Commons License
This work is licensed under a Creative Commons Attribution-Noncommercial-Share Alike 2.5 Canada License.

ကျမစာလေးတွေကို အချိန်ပေးလာရောက်ဖတ်ရှုသော သူများအားလုံးကို ကျေးဇူးတင်ပါတယ်...လို့ ပြောကြားလိုပါတယ်ရှင်။

♫ ♥●••·˙My story telling is reshaped by your attentive imagination˙·••●♥♫
သည်စာမျက်နှာပေါ်တွင်ရှိသော ... ဖန်တီးထားသော စာပေ၊ ဆောင်းပါး စသော အနုပညာနှင့် ပတ်သက်သောစာများ၊ ကျမကိုယ်တိုင်ဆွဲသော မတောက်တခေါက်ပန်းချီများ၊ ဓာတ်ပုံများကို အခြားနေရာတွင် ကူးယူဖော်ပြသည့်အခါတွင် အိမ့်ချမ်းမြေ့အမည်နှင့် ဆိုက်အမည်ကို "မြင်သာထင်ရှားသောနေရာတွင်" ဖော်ပြပေးပါရန် လေးစားစွာဖြင့် တောင်းပန်အပ်ပါသည်ရှင်။

♥♥ ...... ♥♥

တစ်ချိန်တုန်းက အမှတ်တယလေးတွေ....

myfeet4.gif

♥♥ ...... ♥♥

myfeet5.gif

---------------