♫ ♥●••·˙ထွက်ရှိပြီးသော စာအုပ်အချို့˙·••●♥♫
မိုင်တိုင်၂၀
20.jpg
ကြယ်စင်ဆယ့်တစ်
11.jpg
လမင်းရှိုက်သံ
 moon1.jpg
ဆုံမှတ်
11.jpg
မိတော
mitaw2.jpg
moon2.jpg သက်တံ ၁၀စင်း
rainbow.jpg
ကကြိုးနှစ်ဆယ့်တစ်
21.JPG
yellowflowersfront.jpg မိတော
mitaw2.jpg
moon2.jpg
စာအုပ်များကို အွန်လိုင်းမှ ၀ယ်ယူလိုလျှင်..

♫♥●••·˙ကျမစာရေးသူသည်... ဖြစ်ရပ်မှန်၊ စိတ်ကူးယဉ်၊ မျှဝေခံစားမှု များနှင့်... ကောင်းကင်ကြယ်အကြောင်းများလည်း ရေးပါတယ်ရှင်..˙·••●♥♫

♫♥●••·˙My story telling is reshaped by your attentive imagination˙·••●♥♫

May 18, 2015

~~ဒဏ္ဍာရီတွေထဲက သူရဲကောင်းလင်းယုန်~~

Filed under: my notes, အတွေးအမြင် — အိမ့်ချမ်းမြေ့ @ 12:49 am

 eagle.jpg

(Bald eagles) တွေနဲ့ပတ်သက်ပြီး အကြောင်းလေးတစ်ခုကို ဖတ်ဖူးနေခဲ့တာ ကြာပါပြီ။ ဒီစာကို မြန်မာတွေထဲမှာလည်း ဘာသာပြန်ပြီး ဖြန့်ဝေကြတာလည်း ဖတ်ဖူးခဲ့တယ်။ မြန်မာတွေထဲမှာတော့ သိမ်းငှက်လို့ ဆိုထားကြတယ်။ လက်လှမ်းမှီသလောက် သိမ်းငှက်က hawk ဖြစ်ပြီး၊ လင်းယုန် က eagle ဖြစ်တယ်။ မြန်မာတွေဘာသာပြန်တဲ့ အချို့စာတွေမှာ အဲဒီအကြောင်းကိုရေးရာမှာ သိမ်းငှက် လို့ သုံးထားပြီး အချို့စာတွေမှာ လင်းယုန်လို့ သုံးထားတယ်။ သိမ်းငှက်နဲ့ လင်းယုန်ဟာ ဆိုက်ခြင်းလည်း မတူ၊ ဓလေ့တွေလည်းမတူတော့ မှားမှာစိုးလို့ ‘Bald eagles’ ကို ဒီစာမှာ ‘လင်းယုန်’ လို့ပဲ သုံးခွင့်ပြုပါ။

လင်းယုန်တွေဟာ နှစ်ပေါင်း ရ၀လောက်အသက်ရှင်ကြပေမယ့် အသက် ၄၀လောက်မှာ ဘဝရဲ့အပြောင်းအလဲကို လုပ်ကြတယ်ဆိုတယ်။ နှုတ်သီးကိုချိုး၊ အတောင်တွေကို နှုတ်ပစ်ပြီး အသစ်ပြန်ပေါက်တဲ့အထိ စိတ်ရှည်ရှည်စောင့်ကြတယ်လို့ ပြောကြတယ်။ အဲသလို နှုတ်သီးနဲ့အတောင် ပြန်ပေါက်ဖို့ကို ငါးလလောက်စောင့်ကြရတယ်။ စောင့်ပြီးတဲ့အခါမှာတော့ အသက် ၇၀ထိ ပျော်ရွှင်စွာနေထိုင်ကြလေသတည်းဆိုတဲ့ စာတွေကို အင်္ဂလိပ်လိုကော မြန်မာလိုဘာသာပြန်တွေပါ ဖတ်ရတယ်။

အမေရိကန်တွေ (အနောက်နိုင်ငံသားအများစု) ကလည်း အသက် ၄၀ မှာ ဘဝစတယ်ဆိုပြီးတော့လည်း သူတို့ကိုယ်သူတို့ ဆိုကြတယ်။ အဲဒါကလည်း ဟုတ်သင့်သလောက်ဟုတ်တယ်။ ဘဝက ပညာ၊ ငွေ၊ ကြင်ရာ၊ ဥစ္စာ၊ သားသမီး စသည်က အဲဒီအရွယ်လောက်မှာ အတော်အတန့်စုံလင်လာကြတာကိုး။ အဲဒီတော့ သူတို့ဘဝနဲ့ လင်းယုန်ဘဝကိုလည်း တန်းညှိပြီး ခံစားရတာကလည်း ကျေနပ်စရာတစ်ခု ဖြစ်ကောင်းဖြစ်ပါလိမ့်မယ်။
ကိုယ့်အနေနဲ့ကတော့ ဒီပုံပြင်ကို စဖတ်ရကြားရကတည်းက စိတ်ထဲက မတင်မကျ ခံစားရတယ်။
ဒီလိုနဲ့ လင်းယုန်တွေကို လိုက်ချောင်းလာတတ်ခဲ့တယ်ဆိုပါတော့။

(ဆက်ဖတ်ရန်…)

April 22, 2015

ကွဲအက်ခြင်းရဲ့ အလှတရား

Filed under: my notes, အတွေးအမြင်, စာစု — အိမ့်ချမ်းမြေ့ @ 11:59 pm

 broken-heart.jpgဟိုတစ်နေ့က မီးလင်းဖိုအပေါ်ကတန်းကလေးကို  ကျမ ဖုန်သုတ်နေရင်းနဲ့ တန်းပေါ်မှာ အလှတင်ထားတဲ့ sake အိုးလေးကို လက်နဲ့တိုက်မိပြီး sake အိုးလေး ကျကွဲသွားခဲ့တယ်။ အဲဒီ အိုးလေးက ကျမ ဂျပန်သွားတုန်းက အမှတ်တယ ဝယ်လာခဲ့တာ။ ကျမက အဲဒီ sake အိုးအနက်လေးကို သိပ်ချစ်တာ။ အနက်ရောင်ပေါ်မှာ ရွှေရောင်ပန်းခက်လေးတွေနဲ့ သိပ်အနုပညာဆန်တဲ့ sake အိုးလေးဟာ အရက် မသောက်တတ်တဲ့ ကျမအတွက်တော့ အိမ်ရှေ့က မီးလင်းဖိုအပေါ်က တန်းဖြူဖြူလေးပေါ်မှာ အလှပြပစ္စည်းလေးပေါ့။

အခုတော့….. မထင်မှတ်ဘဲ မီးလင်းဖိုရှေ့က ကျောက်ပြားပေါ်ကို ပြုတ်ကျလို့ ကွဲအက်သွားခဲ့ရပြီ။

~~~~~~~

ဟိုးရှေးရှေးတုန်းက… Ashikaga Yoshimasa ဆိုတဲ့ ရှိုးဂန်းတစ်ဦးက သူနှစ်သက်လွန်းတဲ့ ကြွေပန်းကန်တစ်ချပ်ကို တရုတ်ပြည်ကနေ ဝယ်လာခဲ့တယ်။ သူဝယ်လာတဲ့ ကြွေပန်းကန်လေးဟာ တစ်နေ့မှာ ကျကွဲသွားခဲ့တယ်။ သူဟာ ကွဲအက်သွားတဲ့ ကြွေပန်းကန်ကို မပစ်ရက်လို့ တရုတ်ပြည်အထိပြန်ပို့ပြီး ပညာရှင်တွေကို ပြန်ဆက်ခိုင်းခဲ့တယ်။ တရုတ်ပြည်က ကြွေပညာရှင်တွေက ပန်းကန်ကိုပြန်ဆက်ပြီး ရှိုဂန်းကြီးဆီ ပြန်ပို့လိုက်တယ်။ ပြန်ရောက်လာတဲ့ ကြွေပန်းကန်ကိုကြည့်လိုက်တော့ အကျည်းတန်တဲ့နန်းကြိုးတွေနဲ့ ပြန်ဆက်ထားတာ တွေ့လိုက်ရတယ်။ အဲဒီအတွက် ရှိုးဂန်းကြီးက တော်တော်လေး စိတ်မကျေမနပ်ဖြစ်ခဲ့ရတယ်တဲ့။ အဲဒီအဖြစ်ကိုသိလိုက်ရတဲ့အခါ.. ဂျပန်ပြည်က အိုးခွက်ပညာရှင်တွေဟာ အက်ကွဲသွားတဲ့ ကြွေပန်းကန်တွေကို လှပစွာ ပြန်ဆက်နိုင်တဲ့ အနုပညာ/ အတတ်ပညာတစ်ခုကို ရှာဖွေခဲ့ကြတယ်။
အဲဒီမှာ ဂျပန်လူမျိုးတွေရဲ့ Kintsugi လို့ခေါ်တဲ့ အိုးခွက်အနုပညာတစ်ခုဟာ ပေါ်ပေါက်လာခဲ့ရတယ်…။

(ဆက်ဖတ်ရန်…)

January 11, 2015

ယောက်ျားကောင်း မောင်းမတစ်ထောင်

Filed under: my notes, ဆောင်းပါး — အိမ့်ချမ်းမြေ့ @ 6:25 pm

“ယောင်္ကျားကောင်း မောင်းမတစ်ထောင်ဆိုတာ တိုးတက်တဲ့တိုင်းပြည်အများစုမှာတာ့ အထင်ကြီးစရာကိစ္စတစ်ခု မဟုတ်ပါဘူး”

ကျမ အိမ်ထောင်ရေးဝတ္ထုလေးတစ်ပုဒ်ရေးနေတာပါ။ ကိုယ်တွေ့ဝတ္ထုလေးပါ။ ဒါပေမယ့် base လုပ်တဲ့ နေရာဒေသက ကနေဒါဖြစ်နေတယ်။ ဒါကို မြန်မာမှုပြုပြီးရေးတဲ့အခါ ထင်တာထက်ပိုပြီး ခက်ခဲတာကို တွေ့ရတယ်။ ဘာဖြစ်လို့လည်းဆိုတော့ ကနေဒါမှာ ယောင်္ကျားတစ်ဦးဟာ မိန်းမတစ်ဦးပဲ တရားဝင် လက်ထပ်ယူခွင့်ရှိတယ်။ ရုံးတွင်းမှာ အိမ်ထောင်သယ်တွေ ဖောက်ပြန်တဲ့အခါမှာလည်း အဲသလိုဖောက်ပြန်သူတွေဟာ တစ်နည်းမဟုတ်ရင်တစ်နည်းနဲ့ ချောင်ထိုးခံရပြီး နောက်ဆုံးမှာ အကြောင်းအမျိုးမျိုးပြပြီး human resources က အလုပ်က ထုတ်ပစ်တာတွေရှိတယ်။

ဘယ်လောက်ပဲ ရာထူးကြီးပါစေ၊ ရုံးအတွင်းရုံးသူရုံးသား အချင်းချင်း စည်းမထားဘူးဆိုရင် disciplinary action ယူခံထိပါတယ်။ ရုံးသူရုံးသားအချင်းချင်းမှာ အပျိုလူပျိုတောင်မှ အလွန်သတိထားရပါတယ်။ အပျိုလူပျိုမို့လို့ဆိုပြီး အနေထိုင် မတတ်ရင်လည်း Human resources က ပရိုဖက်ရှင်နယ်ဆန်ဆန် မနေထိုင်နိုင်မှုနဲ့ စာထုတ်ပါတယ်။ ဒီကြားထဲ… အခန့်မသင့်ရင် sexual harassment case တွေ တောင် ဖြစ်ပါတယ်။

(ဆက်ဖတ်ရန်…)

September 23, 2014

ကျောင်းတစ်နေ့

Filed under: my notes, စာစု, ၀တ္ထု (Novels) — အိမ့်ချမ်းမြေ့ @ 3:45 pm

 leaves.jpg

နွေအကုန် ဆောင်းအကူးကာလ စက်တင်ဘာနှောင်းသည် လွမ်းစရာကောင်းနေပြန်သည်။

ဆောင်းဦးကို အကြိုထောက်တော့မည့် သစ်ပင်တို့သည် သူတို့၏ အရွက်များကို ချွေချမြေခစေတော့ပြန်မည်။ အနီရင့်၊ အဝါနု၊ လိမ္မော်၊ ပန်းနု၊ အညိုစိမ့်၊ အစိမ်းပြာ စသည်စသည် စုံလှသည့်အရောင်များသည် သဘာဝအလှကို ချစ်မြတ်နိုးတတ်သူတို့ရင်ကို ရစ်မူးစေနိုင်လွန်းသည် မဟုတ်ပါလား။

လူသူကင်းရှင်းတိတ်ဆိတ်လှသော လမ်းများပေါ်ရှိ ရွက်ကြွေတောများထဲ အတွေးတစ်ခုခုကို ရင်မှာပိုက်ရင်း ရွက်ကြွေများကြား ရှပ်တိုက်လျှောက်ရသည့် ခံစားချက်၊ ရွက်ကြွေတို့၏ အသံတိတ်ကြွေလွင့်သွားသံကို ရှာဖွေမောရသည့် မျှော်လင့်ချက်တို့ကလည်း စန္ဒယားခလုပ်ဖြူဖြူများပေါ်သို့ နှင်းဆီပွင့်ချပ်တို့ ခပ်တိုးတိုး ကြွေကျသွားသကဲ့သို့ ဖြစ်နေတတ်သေးသည် မဟုတ်ပါလား။

ရောင်စုံသစ်ရွက်တွေမြေပေါ်မှာ ပြန့်ကျဲနေသည်ကို မှတ်တမ်းတင်ချင်မိသည်မို့ မေမေ့ကို ခဏလေးလိုက်ခဲ့ပါလားဟု အဖော်ခေါ်မိသေးသည်။ သစ်ရွက်ကြွေတို့ အတော်အတန်ကြွေနေပြီဖြစ်သော တစ်ဘက်လမ်းသို့ ကားမောင်းထွက်လာခဲ့မိသည်။ လမ်းထိပ်အရောက် ကားကိုရပ်ပြီး ကားပေါ်မှ မဆင်းခင် မေမေ့ကို အကူညီတောင်းမိပြန်သည်။

‘မေမေ… ကားကို အဲဒီသစ်ရွက်တွေထဲ ဖြတ်မောင်းပေးပါနော်’

(ဆက်ဖတ်ရန်…)

June 25, 2014

My Publication List

ရေးဖူးသမျှ…. မှတ်မိသမျှ….

(က) ထုတ်ဝေ စာအုပ်ခေါင်းစဉ်၊ ထုတ်ဝေသူ၊ ထုတ်ဝေသည့် ခုနှစ်နှင့် စာပေအမျိုးအစား

၁) လမင်းရှိုက်သံ၊ ဗိုလ်မှူးကြီးကျော်ကျော်ဦး (မြဝတီပုံနှိပ်တိုက်)၊ ၂၀၀၉၊ ရသဝတ္ထုတိုများ (တစ်ကိုယ်တော်)
၂) သက်တံဆယ်စင်း၊ နေမျိုးစာပဒေသာ (AMK Creation) ၂၀၁၂၊ ရသဝတ္ထုတိုများ (ကလောင်စုံ)
၃) မိုင်တိုင်နှစ်ဆယ်၊ နေမျိုးစာပဒေသာ AMK Creation) ၂၀၁၃၊ ရသဝတ္ထုတိုများ (ကလောင်စုံ)
၎) ကြယ်စင်ဆယ့်တစ်၊ ဦးမျိုးဆင့်၊ ၂၀၁၃၊ ရသစာစုများ (ကလောင်စုံ)
၅) မိတောရဲ့ ရှတတနေ့စွဲများ၊ (AMK Creation) ၂၀၁၃၊ သရော်စာ (တစ်ကိုယ်တော်)
၆) အဖြူရောင်နှလုံးသားများဆုံမှတ်၊ မိုးစာပေ၊ ၂၀၁၃၊ ဝတ္ထုတိုများ (ကလောင်စုံ)
၇) စကားဝါပန်းတို့ရဲ့ ဒိုင်ယာရီ၊ ဦးနေဇာမောင်မောင်၊ ၂၀၁၃၊ ရသစာစုများ (ကလောင်စုံ)
၈) ကကြိုးနှစ်ဆယ့်တစ်၊ ဒေါ်သင်းသင်းမွန် (AMK Creation) ၂၀၁၄ မေလ၊ အွန်လိုင်းရသစာစုများ (ကလောင်စုံ)
၉) ဆယ့်နှစ်ကြိုးတပ် နှစ်ဆယ့်လေးသံစဉ် ၊ မိုးစာပေ၊ ၂၀၁၄ ဇွန်လ၊ ရသဝတ္ထုတိုများ စုစည်းမှု (ကလောင်စုံ)
၁၀) ကောင်းကင်ပေါ်ကျတဲ့ မိုးစက်များ ၊ မိုးစာပေ၊ ၂၀၁၅ မေလ၊ ရသဝတ္ထုတိုများ စုစည်းမှု (ကလောင်စုံ)
၁၁) လယ်တောထဲက မိန်းကလေး မိုးစာပေ ၂၀၁၆ နိုဝင်ဘာ၊ ဘာသာပြန်ရသစာစုများ စုစည်းမှုစာအုပ် (တစ်ကိုယ်တော်)
၁၂) ခေတ်ပြိုင်ဘာသာပြန် ဝတ္ထုတိုများ ကံ့ကော်ဝတ်ရည်စာပေ ၂၀၁၇ မေလ၊ ဘာသာပြန်ရသစာစုများ စုစည်းမှုစာအုပ် (ကလောင်စုံ)

(ဆက်ဖတ်ရန်…)

June 10, 2014

မျဉ်းပြိုင်ခြံစည်းရိုးလေးများ

Filed under: my notes, Vancouver, Canada, ဆောင်းပါး — မလေး @ 12:13 am

 crony.jpg

နွေရာသီရောက်ပြီဆိုရင် လက်ရှိနေထိုင်ရာ ကနေဒါနိုင်ငံအနောက်ဘက်ဒေသ အနီးအနားပြည်နယ်များနဲ့ မြို့များကို သွားလည်ဖြစ်ပါတယ်။ သွားလည်ဖြစ်တဲ့ အခါတိုင်းလည်း တောတောင်ရေမြေ သဘာဝအလှကို အမြဲရင်သပ်ရှုမော ဖြစ်မိတယ်။

အထူးသဖြင့် ကနေဒါအနောက်ဘက် ဘီစီပြည်နယ်နဲ့ အယ်လ်ဘားတားပြည်နယ်ကြားက တောတောင်တွေဟာ အလွန်နက်ရှိုင်းတဲ့အပြင်၊ ငယ်စဉ်က သင်ကြားခဲ့ရတဲ့ ရော့ကီးတောင်တန်းတွေရဲ့ အစဗဟိုပြုရာနေရာလို့ ဆိုလို့ရပါမယ်။ ကားလမ်းတွေဟာလည်း တောင်တွေကြားက ဖြတ်ပြီးဖောက်ထားတာမို့ ဘ၀မှာ ဒီလောက်ကြီးမားမြင့်မားတဲ့ တောင်တွေကို အဲဒီတော့မှ မြင်ဖူးပါတယ်လို့ ၀န်ခံရပါမယ်။

(ဆက်ဖတ်ရန်…)

June 7, 2014

ပြောင်းဖူးလည်ဆွဲကလေး

Filed under: my notes, ၀တ္ထု (Novels) — အိမ့်ချမ်းမြေ့ @ 1:15 am

ပြောင်းဖူးဆို အဝါရောင်လေးတွေနဲ့ နီညိုရောင်လေးတွေပဲ မြင်ဖူးခဲ့တာ…

ဒီပြောင်းဖူးလေးတွေကို ချစ်လို့ အမှတ်တယ သိမ်းထားမိပါတယ်ရှင်…။

လိမ္မော်ရောင် ပြောင်းဖူးလေးတွေ

orangecorn.jpg

အနက်ရောင်ပြောင်းဖူး

greencorn.jpg

ကြက်သွေးရောင်…

purplecorn.jpg

redcorn2.jpg

ဒီအနီနုလေးကလည်း လှတာပဲရယ်…

redcorn.jpg

redcorn3.jpg

အပြာရောင် ပြောင်းဖူး

(ဆက်ဖတ်ရန်…)

March 13, 2014

ကမ္ဘာ့ဆွဲအားရဲ့ မျက်မြင်မရတဲ့ကြိုး

Filed under: my notes, အတွေးအမြင်, Vancouver, Canada, စာစု — အိမ့်ချမ်းမြေ့ @ 1:22 am

 stone4.jpgဆောင်းကုန်တော့မယ်…။

နွေဦးရောက်လို့ အအေးဓာတ်လျော့သွားတာနဲ့ ပင်လယ်ပြင်ဘက်ကို ကျမ ခြေဦးလှည့်ဖြစ်တော့တယ်။

 

ပူနွေးလာနေတဲ့ နွေဦးရာသီ မဆိုထားနဲ့၊ ဆီးနှင်းတွေ တဖွဲဖွဲကျနေတာတောင်မှ ပင်လယ်ပြင်ကို ကျမက မျှော်ငေးတတ်သေးတာ။

ဆီးနှင်းတွေ ပင်လယ်ထဲကို ကျတာ မြင်ဖူးကြပါသလား။ အဆုပ်လိုက်အခဲလိုက် ရေခဲပန်းပွင့်တွေဟာ တဝုန်းဝုန်းရိုက်ခတ်နေတဲ့ ပင်လယ်ရေထဲကို ကျသွားပြီဆိုတာနဲ့ ပင်လယ်ပြင်က သိမ်းပိုက်ပွေ့ဖက်ပစ်လိုက်တာမျိုး။ နောက်…. ဆီးနှင်းပန်းပွင့်တို့က ပင်လယ်ပြင်ရဲ့ ရင်ခွင်ထဲ စုပ်စမြုပ်စ ပျောက်ကွယ်သွားတာမျိုး….။

သိပ်လှတဲ့ ရှုခင်းတွေပဲပေါ့…။

အဲသလို… အေးခဲတဲ့ဆောင်းရာသီတွေမှာတောင် ပင်လယ်ဘက်ရောက်တတ်တဲ့ ကျမ…
နွေဦးရောက်တော့မှာမို့ ကမ်းခြေဘက် ရောက်ခဲ့ရပြန်တာပေါ့။

(ဆက်ဖတ်ရန်…)

March 9, 2014

စွန်းထင်းသွားလေတော့…

Filed under: my notes, အတွေးအမြင် — အိမ့်ချမ်းမြေ့ @ 11:51 pm

window.jpg

ဒီကနေ့က နေက သာနေတယ်…။

အပြင်မှာ လေတွေကတော့ တိုက်နေတယ်..။

 

ပိတ်ခါနီးမို့ လူရှင်းပြီး ငြိမ်သက်လာနေတဲ့ ဆိုင်လေးထဲက ထောင့်ခုံလေးတစ်လုံးပေါ်မှာ….

 

တိတ်တိတ်ကလေးပေါ့…
ကျမ စာဖတ်နေခဲ့တယ်။

 နားက နားကြပ်ထဲကလည်း ဆရာထီးရဲ့ “စဉ်းစားပါဦး” သီချင်းလေးက ထပ်ခါတလဲလဲ…။

 

ကျမဖတ်နေတဲ့ စာအုပ်လေးထဲက စာပိုဒ်လေးတစ်ပိုဒ်က ကျမကို ရှက်သွေးဖြန်းသွားစေခဲ့တယ်။

(ဆက်ဖတ်ရန်…)

October 29, 2013

လွမ်းမိခြင်း

Filed under: my notes — အိမ့်ချမ်းမြေ့ @ 12:47 pm

ကျမ တစ်ကယ်ကို ဘလောဂ်လောကကို သတိရမိတယ်…။

အဲဒီမှာ ဘယ်သူတွေက အသက်ဘယ်လောက်ရှိလဲ၊ ဘာရာထူးတွေလဲ၊ ဘာအလုပ်အကိုင်တွေလုပ်လဲ၊ ဖြူသလား၊ မဲသလား၊ ရှည်သလား၊ ပုသလား၊ ရုပ်ချောလား၊ ရုပ်ဆိုးလား၊ ဘယ်ဘာသာဝင်ကိုးကွယ်လဲ၊ ဘယ်တိုင်းပြည်မှာနေတာလဲ၊ ပညာအဆင့်အတန်းက ဘယ်လောက်ရှိသလဲ၊ ဘာဘွဲ့တွေရလဲ၊ ဘယ်လိုအသိုင်းအဝိုင်းကလာလဲ၊ ဆင်းရဲလား၊ ချမ်းသာလား၊ အပေးအကမ်းရက်ရောရဲ့လား၊ ဘာသာတရားကိုင်းရှိုင်းရဲ့လား စတာတွေကို ဘယ်သူမှ ဂရုမစိုက်ဘူး၊ မသိကြဘူး၊ သိစရာလည်း မလိုဘူး၊ သိလည်း မသိချင်ခဲ့ဘူး (အခုလည်း မသိချင်ဘူး)

(ဆက်ဖတ်ရန်…)

October 25, 2013

ချစ်တယ်ဆိုတာထက် ပိုမပြောတတ်ပါကွယ်…

Filed under: my notes, tag game, အချစ်ဆုံး, စာစု — အိမ့်ချမ်းမြေ့ @ 8:04 am

ကလေးဘာလို့ လိုချင်သလဲဆိုတဲ့ အကြောင်းကို ပြန်စဉ်းစားမိတော့ မိဘတွေရဲ့ ကြင်နာချစ်ခြင်းကို ဝေမျှပေးမှုကနေ စရမယ်လို့ ထင်ပါတယ်။

ငယ်ငယ်က မိဘတွေက မိဘမဲ့ကလေးဂေဟာကို နှစ်စဉ်သွားရောက်လှူဒါန်းလေ့ရှိတယ်။ အဲဒီမှာ မိဘမဲ့ကလေးတွေကို စတင်မြင်ဖူးတော့တာပါပဲ။ ကလေးလေးတစ်ယောက်ဟာ ကုတင်တိုင်လေးကိုဖက်ပြီး တိုင်ကလေးနဲ့ သူ့ကိုသူ ပွတ်သပ်နေတယ်။ အဲဒီကလေးလေးဟာ ရှိလှမှ သုံးလေးနှစ်ပေါ့။ သူဘာလုပ်နေတာလဲဟင်လို့ ဖေဖေနဲ့ မေမေ့ကို မေးတော့ ဖေဖေနဲ့မေမေက ပြန်ဖြေတယ်။

‘သူ့ကို ချော့မြူမယ့် မိဘ မရှိလို့ ကိုယ့်ကိုကိုယ် ကုတင်တိုင်လေးနဲ့ပွတ်ပြီး ချော့မြူနေရတာ၊ သူ့ရဲ့ဝမ်းနည်းစိတ်၊ မကျေနပ်စိတ်၊ အားငယ်စိတ်ကို ကိုယ့်နည်းကိုယ့်ဟန်နဲ့ ဖြေသာအောင် လုပ်နေရတာ’

ရင်မှာ ဆို့နင့်သွားတယ်။ မိဘတွေရဲ့ အဖြေစကားသံနဲ့ ထိုကလေးရဲ့ ပုံစံကို ကနေ့အထိ နားထဲ၊ မျက်စိထဲက မထွက်တော့ဘူး။
နောက်တော့ အရွယ်ရောက်လာတဲ့အခါမှာ ညစ်ပတ်ပေတူးပြီး ကြောင်ချေးရုပ်နဲ့ အကျီ င်္စုတ်ပြဲ၊ တာတီဖိုး ကလေးလေးတွေဟာ၊ သန့်ရှင်းတောက်ပြောင်နေတဲ့ ကလေးတွေထက် ပိုပြီး ဆွဲဆောင်စေတော့တာပါပဲ။ ဘာကြောင့်ရယ်လို့တော့ မသိဘူး။ ညစ်ပတ်ပေရေပြီး ငပိစားလို့ ဝကစ်နေတဲ့ ကလေးလေးတွေကို ကောက်ချီပွေ့ယူ ဖက်ယမ်းပစ်ချင်တဲ့ စိတ်တွေက အမြဲဖြစ်ခဲ့တယ်။ တစ်ခါမှလည်း မရွံမိခဲ့ဘူး။

နောက် ဒီထက် အရွယ်ရောက်လာတော့ အိပ်ရာထဲမှာ အရုပ်တွေအများကြီးနဲ့ အိပ်လာတယ်။ ဒါဟာ မိခင်စိတ်ကို ပြတာလို့ ဆိုရမလား။ ခွေး၊ ကြောင်၊ ကြက်၊ ဝက်ဝံ၊ နွားရုပ်ကအစ အိပ်ရာတစ်ခုလုံး ပွယထနေခဲ့တယ်။ သူတို့ကို နေရင်းထိုင်ရင်း အရုပ်တွေကို ဂရုစိုက်ချင်နေခဲ့တာ… ရူးသွပ်ခြင်းတစ်ခုပေါ့။
နောက်… ဒီထက်ကြီးလာတော့ သားသမီးတွေ အများကြီးလိုချင်တဲ့စိတ်က ဘာရယ်မဟုတ်ဘူး အလိုလိုဖြစ်လာတယ်။ သမီးမိန်းကလေး ရ ယောက် လိုချင်တယ်။ ဆံပင်ရှည်ရှည်၊ အရပ်ရှည်ရှည်၊ ထမီရှည်ရှည်ဝတ်တတ်ရုံမက၊ အသားညိုချောတွေ ဖြစ်စေချင်တယ်။ ဒါတင်မက ထမင်းဟင်းချက်တော်ပြီး၊ ဂီတတူရိယာမျိုးစုံကို တီးမှုတ်တတ်တဲ့ သမီးတွေချည်းပဲ ရ ယောက် လိုချင်ခဲ့တယ်။ အရူးအမူးကို လိုချင်တာ။ အဲဒီသမီးတွေ အားလုံးကိုလည်း အိမ်ထောင်မပြုစေချင်တဲ့ အတ္တစိတ်ကလည်း ကြီးစိုးနေခဲ့သေးတယ်။ သမီးတွေဝိုင်းပြီး အသက်ကြီးတဲ့အထိ နေသွားချင်တဲ့ စိတ်။ သမီးတွေ အများကြီးဝိုင်းပြီး နေတဲ့အတွက် ရရှိလာမယ့် နွေးထွေးမှု၊ အဲဒါတွေကြောင့် ကလေး လိုချင်ခဲ့တယ်။

(ဆက်ဖတ်ရန်…)

October 22, 2013

အဲလစ်မွန်ရိုး

Filed under: my notes, ဆောင်းပါး — အိမ့်ချမ်းမြေ့ @ 11:04 pm

အခုတစ်လောမှာ ကနေဒါမှ စာပေနိုဘယ်ဆုရှင်၊ အသက် ၈၂ နှစ်အရွယ် Alice Munro အကြောင်းက ခေါင်းထဲမှာ ရောက်နေတယ်။

သူ့အကြောင်းမပြောခင်မှာ လူဆိုတာအခက်သားလားလို့လည်း ကိုယ့်ကိုကိုယ် တွေးနေမိတယ်။ ဘာဖြစ်လို့လည်းဆိုတော့ ကိုယ်ဟာ…. ဆုတွေ၊ တံဆိပ်တွေကို ငယ်ငယ်လေးထဲက သိပ်အယုံအကြည် မရှိတဲ့ သူတွေအထဲမှာ ပါနေသူ၊ ဆုတံဆိပ်တွေ အခါပေါင်းများစွာ ရဖူးသော်လည်း၊ ဒီဆုပေး ဒဏ်ပေးစနစ်တွေထဲမှာ မှားယွင်းမှုတွေ ရှိနေတယ်လို့ ယုံကြည်သူတွေထဲက တစ်ယောက်ဖြစ်နေသူ၊ စာပေနဲ့ ပတ်သက်ပြီးတော့လည်း ဘယ်စာရေးသူကတော့ ဘာဆုကို ရသင့်တယ် ဆိုတဲ့ “စာပေနယ်ရဲ့ ခွဲဖြတ်ချမှုတစ်ခု” ကို ယုံကြည်မှု မရှိသူ၊ ဒါ့အပြင် “A writer must refuse to allow himself to be transformed into an institution, even if it takes place in the most honourable form.” “စာရေးသူတစ်ဦးဟာ အဖွဲ့အစည်းတစ်ခုထဲကို သက်ရောက်ပျော်ဝင်သွားမှုဟာ အလွန်မြင့်မြတ်တဲ့ ပုံစံမျိုး ဖြစ်နေတယ် ဆိုရင်တောင်မှ၊ အဲဒီ အဖွဲ့အစည်းကြီးထဲကို သက်ရောက်ပျော်ဝင်သွားမှုမှ မိမိကိုယ်ကို ကာကွယ်နိုင်ရမယ်” လို့ ဆိုပြီး စာပေနိုဘယ်ဆုကို ငြင်းပယ်ခဲ့တဲ့ Jean-Paul Sartre ဆိုတဲ့ စာရေးဆရာကြီးကို လေးစားအားကျသူ တစ်ဦးဖြစ်နေလို့ပါပဲ။

(ဆက်ဖတ်ရန်…)

July 11, 2013

ကုမ်ကျားတို့အကြောင်း

Filed under: astrology, my notes — အိမ့်ချမ်းမြေ့ @ 1:47 pm

aquamen.jpg 

ကုမ်ရဲ့သင်္ကေတဟာ ယောင်္ကျားလေးတစ်ယောက်ရေအိုးနဲ့ရေတွေသွန်းလောင်းနေတဲ့ ပုံပါ။ ရေအိုးနဲ့ရေဆိုပေမယ့် တစ်ကယ်က “လေ” လို့ ဆိုပါတယ်။ ‘လေ’ နဲ့သက်ဆိုင်တာလား ‘ရေ’ နဲ့သက်ဆိုင်တာလား ဆိုပြီး ကုမ်ရာသီဖွားတွေကို သင်္ကေတမှာတင် အဓိပ္ပာယ်ဖော်ရခက်နေပြီလို့ဆိုပါတယ်။ “ရေ” ကတော့ ဥာဏ်ပညာ၊ အေးချမ်းငြိမ်သက်ခြင်း နဲ့ လူသားဆန်ခြင်းကို ပြတယ်လို့ ဆိုတယ်။

ဂရိဒဏ္ဍာရီတွေထဲက လူငယ်ယောင်္ကျားလေးရဲ့အမည်ကတော့ Ganymede ပဲ ဖြစ်ပါတယ်။ သူဟာ သိပ်ချောလွန်းလို့ ဘုရားတွေက သူတို့ရဲ့ရေအိုးကိုရွက်ဖို့ ခန့်အပ်ထားတာဖြစ်တယ်လို့ ဆိုပါတယ်။ သူဟာ ကုမ်ရာသီဖွားတွေရဲ့ လှပမှုနဲ့ဆွဲဆောင်မှုရှိခြင်းရဲ့ သင်္ကေတလို့ဆိုပါတယ်။ ကုမ်ရာသီဖွားတွေဟာဖြင့် ရာသီခွင်တွေထဲမှာ အလှဆုံးနဲ့အဆွဲနိုင်ဆုံးသူတွေလို့ ဆိုကြပါတယ်။ (မလေးတော့ မသိဘူး၊ ညီမလေးသန်းလဲ့၊ မောင်မျိုးနဲ့ ကိုဏီတို့ကိုသာ ဟုတ်၊ မဟုတ် ကြည့်ကြပါ)…

ကုမ်ရာသီဖွားတွေဟာ အတွေးအခေါ်တမူထူးခြားပြီးတော့ အများနဲ့အတူ မိုးခါးရေ လိုက်မသောက်တတ်သူများလည်း ဖြစ်တယ်လို့ ဆိုပါတယ်။ သူတို့ဟာ သူငယ်ချင်းတွေအပေါ်မှာ သစ္စာထားတတ်ပြီး လူတိုင်းကို အယုတ်အလတ်၊ အမြတ်မရွေး ခင်တယ်၊ သန့်ရှင်းရေးသမားမှ၊ စီအီးအိုမှ အဲသလို မခွဲတတ်ဘူး။ ရာထူးဂုဏ်ရှိန်ထက် နှလုံးသားနဲ့ ဦးနှောက်ရဲ့တွေးခေါ်နိုင်မှုတွေကို ပိုမက်မောတတ်သူတွေလို့ ဆိုပါတယ်။
သူတို့ဟာထိခိုက်ခံစားလွယ်တဲ့အတွက် ယောင်္ကျားလေးတွေဟာလည်း နှလုံးသားကို ဖွင့်ဟမပြဘူးလို့ဆိုပါတယ်။ သူတို့ကို တစ်ယောက်ယောက်က သဘောကျနေတယ်ဆိုတာ ရိပ်မိတာနဲ့ ထွက်ပြေးတတ်ကြတဲ့ သဘောရှိပါတယ်။ တစ်စုံတစ်ယောက်ရဲ့ လက်ထဲမှာ နှလုံးသားကို ထည့်လိုက်ဖို့ကို အလွန်ဝန်လေးတဲ့ သူများလည်း ဖြစ်ပါတယ်။

(ဆက်ဖတ်ရန်…)

June 3, 2013

တစ်ယောက်တည်း နေလိုသူတွေရဲ့ အကြောင်း

Filed under: my notes, အတွေးအမြင်, ဆောင်းပါး, စာစု — အိမ့်ချမ်းမြေ့ @ 11:09 am

အချို့လူတွေဟာ လူတွေအများကြီးနဲ့ စကားပြောဆိုပြီး နေရတာကို နှစ်သက်တယ်၊ သူငယ်ချင်းတွေ အများကြီးနဲ့ နေတတ်တယ်။ သူတို့ဟာ တစ်ယောက်တည်း မနေတတ်ဘူး၊ မနေချင်ဘူး။ လူတွေနဲ့ စကားတွေပြောနေရတာကို မွေ့ပျော်တယ်။ လူတွေနဲ့ နေရလေလေ ခွန်အားတွေ ပြည့်ပြည့်လာသလို ခံစားရတတ်တယ်။

အချို့လူတွေကတော့ လူတွေအများကြီးကြားမှာ နေနေရရရင်၊ စကားသံတွေကြားထဲမှာ နေနေရရင်ကို မောဟိုက်နွမ်းနယ်လာသလိုခံစားရတယ်။ တစ်ခါတစ်လေလည်း လူတွေအများကြီးကြားထဲမှာ နေနေရင်းနဲ့ကို ဘာမှန်းမသိတဲ့ တစ်စုံတစ်ရာကို တမ်းတနေတယ်၊ လိုအပ်နေတယ်၊ လူတွေကြားထဲမှာ တစ်ယောက်တည်း အထီးကျန်သလိုခံစားနေရတယ်။ အဲဒီတမ်းတနေတဲ့ အရာဟာလည်း ဒီလူတွေကြားထဲမှာ ရှိမနေဘူးဆိုတာကို သိနေတယ်။

လူတွေအများကြီးနဲ့ နေရတာကို နှစ်သက်တဲ့သူတွေကို အားလုံးသိကြတဲ့ အတိုင်း Extrovertလို့ ခေါ်ကြပြီး၊ တစ်ယောက်တည်း နေရတာကို နှစ်သက်တဲ့ သူတွေကိုတော့ Introvert တွေလို့ ခေါ်ကြတယ်။

Extrovert တွေဟာ Introvert တွေကိုကြည့်ပြီး ပျင်းရိလာသလို ခံစားရတာတွေ ရှိနိုင်သလို၊ Introvert တွေကလည်း Extrovert တွေကိုကြည့်ပြီး အလိုလိုနေရင်း မောလာသလို ခံစားရတာတွေ ရှိမှာပါပဲ။

(ဆက်ဖတ်ရန်…)

May 17, 2013

တိရစ္ဆာန်များနှင့် အသံများ

Filed under: English Lessons, my notes — အိမ့်ချမ်းမြေ့ @ 10:21 am

တိရစ္ဆာန်တွေနဲ့ သူတို့ရဲ့အသံတွေကို အင်္ဂလိပ်လို လက်ရေးလေးနဲ့ တတ်သလောက် ငယ်ငယ်က ရေးခဲ့ဖူးတယ်။ အဲဒီစာအုပ်လေးကို ဟိုနေ့က ကားဂိုဒေါင်ထဲက ဗီဒိုတစ်လုံးထဲမှာ ပြန်တွေ့လိုက်တော့ စာရင်းက မပြည့်စုံသေးဘူးဆိုတာရယ်၊ ဒီထက်ပိုပြီး သိချင်လာတာရယ်၊ နောက်ပြီး အားလုံးနဲ့ဝေမျှချင်တာနဲ့ အင်တာနက်ပေါ်မှာ ရှာတော့ လွယ်လွယ်ကူကူနဲ့ပဲ ဝီကီမှာ ရှာတွေ့ပါတယ်။

Cicadas တို့ ငှက်တို့ဆိုရင် chirp လို့သုံးမယ်၊ နွား ဆိုရင် moo, low လို့ သုံးမယ်၊ Coyotes (ခွေးအ) ဆိုရင် yelp, cry, snarl ၊ ပုရစ်ဆိုရင် chirp, creak အဲသလိုပါ…။

မြန်မာမှာလည်း ခွေးဆိုရင် ဟောင်မယ်၊ ဌက်ဆိုးဆိုရင် ထိုးမယ်၊ အဲသလိုပေါ့နော်…။
ဒါပေမယ့်လည်း ကဗျာဆရာတွေ စာဆိုရှင်တွေကတော့ ကဗျာဆန်ဆန်၊ စာဆန်ဆန်နဲ့ ခွေးဟောင်သံလို့ သုံးမယ့်အစား ခွေးတစ်ကောင်ရဲ့ လေချွန်သံ လို့ သုံးချင်လည်း သုံးကြပါလိမ့်မယ်။

ဆိုလိုချင်တာကတော့ အင်္ဂလိပ်စာ သင်ယူနေတဲ့ လူငယ်တွေတွက် မလေး ရှာဖွေစုဆောင်းထားတာလေးထက် ပိုမိုကောင်းမွန်တဲ့ ဝီကီကစာရင်းလေးကို ဝေမျှခြင်းပဲ ဖြစ်ပါတယ်ရှင်။

မြန်မာလိုလည်း ဖြစ်နိုင်ရင် လိုချင်ပါတယ်။ လင့်ခ်လေးများ မျှဝေလိုသူများရှိရင်ကောင်းပါမယ်။
ဥပမာ…

လူ - ငို၊ ရယ်၊ အော်၊ လေချွန်၊ တိုးတိုး၊ ညည်း၊ မြည်တမ်း (လူကတော့ အကုန်လုပ်နိုင်တယ် ထင်တယ်း)) )
ခွေး - ဟောင်၊ အူ
ချေ -  တောက်
ငှက် - တွန်၊ မြည်
မိချောင်း -
ရေဖျံ -

သမီးလေးကို သင်ပေးချင်တာကော၊ ကိုယ်တိုင်သင်ယူလိုတာကော ဖြစ်ပါတယ်ရှင်။

အင်္ဂလိပ်လို စာရင်းကတော့ အောက်မှာပါရှင်…

(ဆက်ဖတ်ရန်…)

March 2, 2013

ကြယ်ပျံတစ်စင်းအကြောင်း

Filed under: နက္ခတ်တ္တဗေဒ (Astronomy), my notes — အိမ့်ချမ်းမြေ့ @ 1:42 am

မြန်မာပြည်ရဲ့ လှပတဲ့ ကမ်းရိုးတန်းတွေ၊ သောင်ပြင်တွေ၊ နောက်ပြီး ပုဂံလို ကြိုက်ထီးရိုးလို နေရာတွေမှာ ကမ္ဘာလှည့်ခရီးသည်တွေဟာ ကင်မရာတွေနဲ့ နေဝင်၊ နေထွက်တွေကို ဒုက္ခခံပြီး ကြည့်ကြ ဓာတ်ပုံရိုက်တတ်ကြပါတယ်။ အထူးသဖြင့် အအေးပိုင်းတိုင်းပြည်ကလူတွေနဲ့ နက္ခတ်တာရာတွေကို စိတ်ဝင်စားတဲ့ သူတွေအတွက်က မြန်မာပြည်လို နေရာမျိုးဟာ အလွန်စိတ်ဝင်စားဖွယ်နေရာဖြစ်ပါတယ်။ ကျမ မြန်မာပြည်ကို ရောက်တိုင်းလည်း နေဝင်တာနဲ့ နေထွက်တာကို ဓာတ်ပုံရိုက်ဖြစ်အောင်တော့ ရိုက်တယ်။ အထူးသဖြင့် ကျိုက်ကလို့ ကျိုက်ကလဲ့ဘုရားတွေပေါ်က နေဝင်တာကို ဘာရယ်မဟုတ် နှစ်သက်မိတယ်။

မြန်မာပြည်ရဲ့ကောင်းကင်ပြင်ဟာ အများအားဖြင့် ကြည်လင်နေတာများတယ်။ ညချမ်းတွေမှာ ဘုရားတွေပေါ်မှာ ဆည်းလည်းသံလေးတွေကို နားဆင်ပြီး၊ လေတဖြူးဖြူးကြားက ကောင်းကင်ကို မော့ကြည့်ရတာလောက် သာယာငြိမ်းချမ်းတာ မရှိပါဘူး။ ဒီလိုညကောင်းကင်ယံမျိုးကို မြင်ချင်လွန်းလို့ ဒီဘက်ကလူတွေဟာဆိုရင် နွေရောက်ဖို့ကို လည်ပင်းရှည်မတတ်မျှော်ရပါတယ်။ တောင်ပေါ်ကိုခရီးသွားရမယ်၊ အလင်းရောင် သိပ်များတဲ့ မြို့ပြနဲ့ဝေးရာကို ကားတစ်စင်းနဲ့ ၂နာရီလောက် မောင်းရင်လည်း မောင်းရတတ်ပါတယ်။

နောက်တစ်ခုက ပန်းနုရောင်သန်းတဲ့ နေဝင်ဆည်းဆာ။ အဲဒါကို Venus Belt လို့ခေါ်ပါတယ်။ အဲသလို ညနေနေဝင်ရီတရော ကောင်းကင်က အပြာရင့်နု ခရမ်း ပန်းရောင် ရောယှက်သန်းနေတာမျိုးကို မြန်မာပြည်မှာက ညနေတိုင်းလိုလိုကို မြင်ရတတ်တော့ ဘယ်သူကမှတောင် ဂရုမစိုက်တော့ပါဘူး။ ဒီဘက်မှာတော့ နွေကူး နဲ့ နွေရာသီတွေမှာ မြင်ရတတ်ပါတယ်။ မြန်မာပြည်မှာကတော့ ကောင်းကင်မှာ ကြယ်တံခွန်ဖြတ်သွားနေလား၊ ကြယ်ကြွေနေလား၊ ဥက္ကာပျံနေလား အေးအေးဆေးဆေးကြည့်နိုင်ဖို့ရာ ရာသီဥတုက အခြေအနေပေးရုံ မကပါဘူး၊ light pollution အလွန်နည်းတဲ့အတွက် နက္ခတ်တာရာတွေကို စိတ်ဝင်စားသူတွေအတွက်ကတော့ ရင်ခုန်စရာ ညတွေပါပဲ။

belt.jpg

 

ဒါပေမယ့် အဲဒါတွေကို ဘယ်သူကမှ သိပ်ရင်မခုန်တာကိုလည်း တွေ့ခဲ့ရပါတယ်။ ကိုယ်တစ်ယောက်သာလျှင် ညည ကြယ်တွေကို ချောင်းချင်လို့ ဘုရားပေါ်က လူရှင်းတဲ့နေရာလေးတွေနားကို သွားပေမယ့်လည်း၊ အခြား မမြင်မတွေ့သင့်တာတွေနဲ့ တွေ့လာတာနဲ့ ခဏခဏ ပြန်ပြန်လှည့်လာရပါတယ်။

(ဆက်ဖတ်ရန်…)

February 21, 2013

ကျွန်ုပ်နှင့် အချို့သော ဘလောဂါများအကြောင်း

Filed under: my notes, စာစု — အိမ့်ချမ်းမြေ့ @ 12:00 am

ယခုတလော ကျွန်ုပ်တို့ မြန်မာများ ပျော်ရွှင်စွာ ကျင်လည်ကျက်စား ချစ်ခင်မွေ့လျော် ရင်ခုန်တမ်းတ စိတ်တိုရန်ဖြစ် အံကြိတ်ပေါက်ကွဲ ဒေါသဖြစ်ခြင်း အဖုံဖုံစုစည်းရာ.. ဖွဘုတ်ခေါ်သော အရပ်ဒေသတစ်ခုလေးတွင်၊ လူအချို့.. မထွေးနိုင်မအန်နိုင် မရိုးနိုင်မအီနိုင် ဖြစ်နေကြသော အကြောင်းရင်းများစွာထဲက အကြောင်းတစ်ခုကြောင့် အနှီစာကို ရေးဖြစ်ပေတော့သည်။

(ဆက်ဖတ်ရန်…)

November 22, 2012

ခြောက်နာရီ

Filed under: my notes, ဆောင်းပါး — တစ်ပြည်သူ @ 2:05 am

အိုဘားမားရဲ့ ခြောက်နာရီကြာတဲ့ မြန်မာပြည်ခရီးစဉ်နဲ့ ပတ်သက်ပြီး ပြည်တွင်းပြည်ပမှ စိတ်ဝင်စားသူ မြန်မာတွေရဲ့ အတွေးအမြင်အမျိုးမျိုးကို ကြားသိမြင်တွေ့ရပြီး ဖြစ်ပါလိမ့်မယ်။

အခုစာကတော့ အိုဘားမားရဲ့  မြန်မာပြည်ခရီးစဉ်နဲ့ပတ်သက်ပြီး နိုင်ငံခြားသားအချို့တွေရဲ့ ရယ်စရာအပြောတွေနဲ့ ကော့မန့်တွေကို လက်လှမ်းမှီသလောက် ဝေမျှတဲ့ စာပဲဖြစ်ပါတယ်ရှင်။

မြန်မာပြည်ကို အိုဘားမားလာတာကို သိကြပြီးတဲ့အတိုင်း အချို့တွေကထောက်ခံသလို အချို့ကတော့ မထောက်ခံပါဘူး။ ဘယ်သူတွေ ဘယ်လိုပဲတွေးမြင်ဝေဖန်သုံးသပ်ပါစေ၊ အချို့စကားလုံးတွေဟာ ကိုယ်တွေကို ဝမ်းနည်းစေမယ်၊ ဒေါသဖြစ်စေမယ် ဆိုပေမယ့်လည်း ဒါတွေကို သဘောတူသည်ဖြစ်စေ၊ မတူသည်ဖြစ်စေ သိထားဖို့လိုတယ်။ သိထားပြီးလည်း ဖြစ်ပေမယ့် ထပ်မံဝေမျှလိုလို့ပါ - အထူးသဖြင့် ဆောင်းပါးတွေအောက်က ကော့မန့်တွေကို ဝေမျှလိုတာပါ။ ဒါပေမယ့် ဇာတ်ရည်လည်အောင် နည်းနည်းရေးရတော့ အစပိုင်းမှာ သိပ်တော့ ရယ်ရမှာ မဟုတ်သေးပါဘူး…။

(ဆက်ဖတ်ရန်…)

October 26, 2012

အောက်တိုဘာ ရေစီး

Filed under: သတင်း (News), my notes, Vancouver, Canada — မလေး @ 5:43 pm

ကျမ….. လစဉ်လိုလို ကျမ လက်ရှိနေတဲ့မြို့က အဖြစ်လေးတွေ၊ ကြုံရာဆုံရာ သတင်းလေးတွေထဲက ကိုယ်စိတ်ဝင်စားတဲ့အဖြစ်တွေကို ဝေမျှခဲ့ပေမယ့် နွေရာသီတစ်ရာသီလုံးတော့ လျှောက်လည်နေတာနဲ့ မရေးဖြစ်ခဲ့ပါဘူး။

အခု…
မေ ရေ စီး မှာ ရပ်နေခဲ့တဲ့ ရေစီးကလေးကို ဆက်လိုက်ပါတယ်ရှင်..။

ပထမဆုံးပြောချင်တာကတော့ မျက်နှာစာအုပ် (ခေါ်) ဖဘ (ခေါ်) Facebook ဟာဆိုရင် သုံးစွဲသူတွေကို ဗိုက်ပူ ခါးတုတ် စေရုံသာမက၊ လူကြမ်းတွေဖြစ်လာစေတယ်လို့ ဗြိတိသျှကိုလံဘီယာ ယူနီဗာစီတီ (ကနေဒါ) နဲ့ ပစ်ဘတ် ယူနီဗာစီတီ (ယူအက်စ်) တို့မှ ပရော်ဖက်ဆာများက သုတေသနပြုပြီးနောက် အတည်ပြုပြောဆိုလိုက်ကြပါတယ်။

ဖဘဟာ မိမိကိုယ်ကို ထိန်းချုပ်နိုင်ခြင်း၊ မိမိစိတ်ကို ထိန်းကွပ် နိုင်ခြင်းတို့ကိုလည်း တဖြည်းဖြည်းနဲ့ နည်းလာစေတယ်လို့ ဆိုပါတယ်။ ဖဘဟာ အရက်လိုပဲ စွဲစေတယ်၊ ကိုယ်တင်လိုက်တဲ့ ပုံတစ်ပုံ ဒါမှမဟုတ် စတေးတပ်စ်မက်စေခ်ျတစ်ခုကို တစ်ယောက်ယောက်က လိုက်ခ် (Like) လုပ်လိုက်တာနဲ့ အဆိပ်တစ်အောင်စလောက်က သွေးတွေထဲကို ပျံ့သွားပါတော့တယ်.. တဲ့။ like တစ်ခါနှိပ်ခံရတိုင်း အီးဂိုး (ego) တစ်အောင်စ၊ အဆိပ်တစ်အောင်စ ပျံ့ပျံ့ဝင်သွားတာ like များများရလာလေ အီးဂိုးတွေကလည်း ကြီးကြီးလာလေပဲလို့ ဆိုပါတယ်။ အီးဂိုးကြီးရုံ၊ အရက်သေစာလို ဖဘအဆိပ်တွေ ကိုယ်ထဲမှာ ပျံ့နှံရုံပဲလားဆိုတော့လည်း မဟုတ်သေးပါဘူးတဲ့…။

(ဆက်ဖတ်ရန်…)

August 16, 2012

နေချင့်စဖွယ်

Filed under: သတင်း (News), my notes, Vancouver, Canada, ဆောင်းပါး — အိမ့်ချမ်းမြေ့ @ 11:10 pm

♫ ♥●••·˙ ကျွန်မအတွက်ကတော့ …..
လွမ်းစရာကောင်းတဲ့ မြို့ကြီးပါ…. ˙·••●♥♫

(ဆက်ဖတ်ရန်…)

အဟောင်းလေးတွေဖတ်ချင်ရင်.. »

Creative Commons License
This work is licensed under a Creative Commons Attribution-Noncommercial-Share Alike 2.5 Canada License.

ကျမစာလေးတွေကို အချိန်ပေးလာရောက်ဖတ်ရှုသော သူများအားလုံးကို ကျေးဇူးတင်ပါတယ်...လို့ ပြောကြားလိုပါတယ်ရှင်။

♫ ♥●••·˙My story telling is reshaped by your attentive imagination˙·••●♥♫
သည်စာမျက်နှာပေါ်တွင်ရှိသော ... ဖန်တီးထားသော စာပေ၊ ဆောင်းပါး စသော အနုပညာနှင့် ပတ်သက်သောစာများ၊ ကျမကိုယ်တိုင်ဆွဲသော မတောက်တခေါက်ပန်းချီများ၊ ဓာတ်ပုံများကို အခြားနေရာတွင် ကူးယူဖော်ပြသည့်အခါတွင် အိမ့်ချမ်းမြေ့အမည်နှင့် ဆိုက်အမည်ကို "မြင်သာထင်ရှားသောနေရာတွင်" ဖော်ပြပေးပါရန် လေးစားစွာဖြင့် တောင်းပန်အပ်ပါသည်ရှင်။

♥♥ ...... ♥♥

တစ်ချိန်တုန်းက အမှတ်တယလေးတွေ....

myfeet4.gif

♥♥ ...... ♥♥

myfeet5.gif

---------------